ಇಕೋ ಫ್ರೆಂಡ್ಲಿ ಗಣಪನನ್ನು ಮಾಡಿದ ಪ್ರಣೀತಾ

ಗಣೇಶ ಹಬ್ಬಕ್ಕೆ ಎಕೋ ಫ್ರೆಂಡ್ಲಿ ಗಣೇಶನನ್ನು ತಂದು ಪೂಜಿಸಿ ಅನ್ನೋದು ತಾರೆಯರ ಮಾತು. ನಟಿಯರು ಗಣೇಶನನ್ನು ತಯಾರಿಸಿ ಕುಶಲಕಲೆಯಲ್ಲಿರುವ ಆಸಕ್ತಿಯನ್ನೂ ತೋರಿಸುತ್ತಿದ್ದಾರೆ. ಈಗ ಪ್ರಣೀತಾ ಒಂದು ಹೆಜ್ಜೆ ಮುಂದೆ ಹೋಗಿ ತಾವೇ ಕೈಯಾರೆ ಮಣ್ಣಿನ ಗಣಪನನ್ನು ತಯಾರಿಸಿದ್ದಾರೆ. ಎಕೋ ಫ್ರೆಂಡ್ಲಿ ಗಣೇಶನ ಮೂರ್ತಿ ಇದು ಎಂದು ಟ್ವಿಟ್ಟರ್‌ನಲ್ಲಿ ಫೋಟೋ ಶೇರ್‌ ಮಾಡಿದ್ದಾರೆ. ಕಲಾತ್ಮಕವಾಗಿ, ಸುಂದರವಾಗಿ ನಿರ್ಮಾಣ ಮಾಡಿರುವ ಗಣಪನನ್ನು ಮಾಡಿದ್ದಾರೆ ಪ್ರಣೀತಾ ಸುಭಾಶ್‌.

ಬಣ್ಣ ಹಾಕದ ಮಣ್ಣಿನ ಗಣಪ ಪರಿಸರಕ್ಕೆ ಮಾರಕವಲ್ಲ ಎನ್ನುವುದು ಇವರ ಅಭಿಪ್ರಾಯ. ಗಣೇಶನನ್ನು ಕೆರೆಗೆ ಅಥವಾ ನದಿಗೆ ಬಿಡುವುದರಿಂದ ನೀರು ಕಲುಷಿತವಾಗದಂತೆ ನೋಡಿಕೊಳ್ಳಬೇಕು ಎನ್ನುವುದು ಇವರ ಅಭಿಮತ. ಆದ್ದರಿಂದ ರಾಸಾಯನಿಕ ಬಣ್ಣ ಹಾಕದ ಎಕೋ ಫ್ರೆಂಡ್ಲಿ ಗಣಪನನ್ನು ಪೂಜಿಸಿ ಎನ್ನುತ್ತಾರೆ.

ಪ್ರಣೀತಾ ಶಿವರಾಜ್‌ ಕುಮಾರ್‌ಗೆ ಜೋಡಿಯಾಗಿ ನಟಿಸಿದ್ದ 'ಮಾಸ್‌ ಲೀಡರ್‌' ಚಿತ್ರ ಕಳೆದ ವರ್ಷ ರಿಲೀಸ್‌ ಆಗಿತ್ತು. ಈಗ ಅವರು ತಮಿಳು, ತೆಲುಗು ಭಾಷೆಯ ಚಿತ್ರಗಳಲ್ಲಿ ಹೆಚ್ಚು ಬಿಝಿಯಾಗಿದ್ದಾರೆ.