ಕಿರುತೆರೆಯಲ್ಲಿ ಫೇಮಸ್‌ ಆದ ಸಾಕಷ್ಟು ಮಂದಿ ಬೆಳ್ಳಿತೆರೆಯಲ್ಲಿ ನಾಯಕರಾಗುತ್ತಿದ್ದಾರೆ. ಆ ಸಾಲಿಗೆ ಹೊಸ ಸೇರ್ಪಡೆ ಪ್ರಸಾದ್‌ ವಶಿಷ್ಠ. ಪುಟ್ಟಗೌರಿ ಮದುವೆ, ಗೃಹಲಕ್ಷ್ಮೇ ಸೇರಿದಂತೆ ಒಂದಷ್ಟು ಸೀರಿಯಲ್‌ಗಳಲ್ಲಿ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದ ಪ್ರಸಾದ್‌ ದ್ವೈತ ಎಂಬ ಚಿತ್ರದಲ್ಲಿ ನಾಯಕರಾಗಿದ್ದಾರೆ.
ಸ್ಯಾಂಡಲ್‌ವುಡ್‌ನಲ್ಲಿ ಬಹಳ ವರ್ಷಗಳಿಂದ ನೃತ್ಯ ನಿರ್ದೇಶಕರಾಗಿ ಕೆಲಸ ಮಾಡಿರುವ ಸದಾಶಿವ್‌ ಆಚಾರ್‌ ಮೊದಲ ಬಾರಿಗೆ ನಿರ್ದೇಶನ ಮಾಡಿರುವ ಈ ದ್ವೈತ, ಒಂದು ಸೈಕಲಾಜಿಕಲ್‌ ಥ್ರಿಲ್ಲರ್‌ ಮೂವಿಯಾಗಿದೆ. ಈ ಚಿತ್ರದಲ್ಲಿ ಪ್ರಸಾದ್‌ ನಾಯಕರಾಗಿದ್ದು, ಇದಕ್ಕಿಂತಲೂ ಮುಂಚೆ ಪ್ರಸಾದ್‌ ಬುಗುರಿ,ದಾದಾ ಈಜ್‌ ಬ್ಯಾಕ್‌, ಮುಗುಳುನಗೆ ಸಿನಿಮಾಗಳಲ್ಲಿ ಮುಖ್ಯ ಪಾತ್ರ ನಿರ್ವಹಿಸಿದ್ದಾರೆ.
''ಸೀರಿಯಲ್‌ಗಳಲ್ಲಿ ಇದುವರೆಗೂ ಒಳ್ಳೊಳ್ಳೆ ಪಾತ್ರಗಳನ್ನು ನಿರ್ವಹಿಸಿಕೊಂಡು ಬಂದಿದ್ದೇನೆ, ಈ ಚಿತ್ರದಲ್ಲಿ ಆರ್ಕಿಟೆಕ್ಟ್ ಆಗಿ ನಟಿಸಿದ್ದೇನೆ. ಸಿಂಪಲ್‌ ಆ್ಯಂಡ್‌ ಸೆನ್ಸಿಟಿವ್‌ ಪಾತ್ರದಲ್ಲಿ ನಟಿಸಿದ್ದೇನೆ. ಈ ಚಿತ್ರದ ಕತೆ ನಾನು , ನಾಯಕಿ, ಒಂದು ಮಗುವಿನ ಸುತ್ತ ನಡೆಯುತ್ತದೆ. ಈ ಜಾನರ್‌ನಲ್ಲಿ ಇದು ಕನ್ನಡದಲ್ಲಿ ಎಕ್ಸಪೆರಿಮೆಂಟ್‌ ಅನ್ನಿಸ್ತು. ಆಡಿಯನ್ಸ್‌ ಇದನ್ನು ಇಷ್ಟಪಡ್ತಾರೆ. ಸುತ್ತಲಿನ ಪಾತ್ರಗಳು ಚೆನ್ನಾಗಿದೆ. ನಿರ್ದೇಶಕರು ಕತೆ ಹೇಳಿದಾಗ ನನಗೆ ನಿಜಕ್ಕೂ ಥ್ರಿಲ್‌ ಆದೆ. ಹಾಗಾಗಿ ಈ ಸಿನಿಮಾ ಒಪ್ಪಿಕೊಂಡೆ,'' ಎನ್ನುತ್ತಾರೆ ಪ್ರಸಾದ್‌ ವಶಿಷ್ಠ.
ಟೀಸರ್‌ನಲ್ಲಿ ಪ್ರಸಾದ್‌ ಅವರನ್ನು ಕಂಡ ಸ್ಯಾಂಡಲ್‌ವುಡ್‌ ಮಂದಿ ಅವರ ಲುಕ್ಸ್‌ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನಾಡಿದ್ದಾರೆ. ಅಲ್ಲದೆ ಈಗಾಗಲೇ ಒಂದಷ್ಟು ಕತೆಗಳನ್ನು ಕೇಳಿರುವ ಪ್ರಸಾದ್‌ ಉತ್ತಮ ಕಂಟೆಂಟ್‌ ಇರುವ ಚಿತ್ರಗಳತ್ತ ತಮ್ಮ ಚಿತ್ತವನ್ನು ಹರಿಸಿದ್ದಾರೆ.
'ದ್ವೈತ ಚಿತ್ರದಲ್ಲಿ, ನನ್ನದು ಬಹಳ ಸೂಕ್ಷ್ಮವಾದ ಪಾತ್ರ. ನಿರ್ದೇಶಕರು ಪಾತ್ರವನ್ನು ಚೆನ್ನಾಗಿ ಕಟ್ಟಿಕೊಟ್ಟಿದ್ದಾರೆ. ಇಂತಹ ಸಬ್ಜೆಕ್ಟ್ಗಳು ಕನ್ನಡದಲ್ಲಿ ಇದುವರೆಗೂ ಬಂದಿಲ್ಲ. ನಾನು ನಟಿಸುವ ಸಿನಿಮಾಗಳಲ್ಲಿ ಕಂಟೆಂಟ್‌ ಜತೆಗೆ ಕಮರ್ಷಿಲ್‌ ಟಚ್‌ ಇರಬೇಕೆಂದು ಬಯಸುತ್ತೇನೆ. ಅದು ದ್ವೈತದಲ್ಲಿ ಇದೆ.'
-ಪ್ರಸಾದ್‌ ವಶಿಷ್ಠ, ನಟ