'ಒಳ್ಳೆ ಹುಡುಗ' ಪ್ರಥಮ್‌ಗೆ ಸರ್‌ಪ್ರೈಸ್ ನೀಡಿದ ಗೋಲ್ಡನ್ ಸ್ಟಾರ್ ಗಣೇಶ್‌

ಒಬ್ಬ ಕಲಾವಿದರ ಶೂಟಿಂಗ್‌ ಸೆಟ್‌ಗೆ ಮತ್ತೊಬ್ಬ ಕಲಾವಿದರು ಭೇಟಿ ನೀಡುವುದು ಹೊಸದೇನೂ ಅಲ್ಲ. ಆದರೆ, ಇಲ್ಲೊಂದು ಸ್ಪೆಷಲ್‌ ಭೇಟಿ ಆಗಿದೆ. ಅದು ಗಣೇಶ್‌ ಮತ್ತು ಒಳ್ಳೇ ಹುಡುಗ ಪ್ರಥಮ್‌ ಅವರದ್ದು. ಸದ್ಯ ಪ್ರಥಮ್‌ 'ನಟ ಭಯಂಕರ' ಸಿನಿಮಾದ ಶೂಟಿಂಗ್‌ನಲ್ಲಿ ಬಿಝಿ ಆಗಿದ್ದಾರೆ. ಸಾಹಸ ಸನ್ನಿವೇಶ ಸೇರಿದಂತೆ ಹಲವು ದೃಶ್ಯಗಳನ್ನು ಅವರು ಚಿತ್ರೀಕರಿಸುತ್ತಿದ್ದಾರೆ. ಈ ನಡುವೆ ಸಿನಿಮಾದ ಶೂಟಿಂಗ್‌ ಸ್ಪಾಟ್‌ಗೆ ಗಣೇಶ್‌ ಸದ್ದಿಲ್ಲದೇ ವಿಸಿಟ್‌ ಮಾಡಿ ಸರ್‌ಪ್ರೈಸ್‌ ನೀಡಿದ್ದಾರೆ.

'ಯಾವತ್ತಾದರೂ ಶೂಟಿಂಗ್‌ ಸೆಟ್‌ಗೆ ಬರುತ್ತೇನೆ ಅಂತ ಗಣೇಶ್‌ ಅವರು ಹೇಳಿದ್ದರು. ಆದರೆ, ಯಾವತ್ತು ಬರುತ್ತಾರೆ ಎನ್ನುವ ಸಣ್ಣ ಸುಳಿವು ಕೂಡ ನನಗೆ ಇರಲಿಲ್ಲ. ಅವರು ಮಾತುಕೊಟ್ಟಂತೆ ಬಂದರು, ಕೆಲ ಹೊತ್ತು ನಮ್ಮೊಂದಿಗೆ ಇದ್ದರು. ಶೂಟಿಂಗ್‌ ವೈಖರಿ ಕಂಡು ಖುಷಿ ಪಟ್ಟರು. ಸ್ಟಾರ್‌ ನಟರೊಬ್ಬರು ಹೀಗೆ ಬಂದು ಶುಭ ಹಾರೈಸಿದ್ದರು, ಖುಷಿ ತಂದಿದೆ' ಎನ್ನುತ್ತಾರೆ ಪ್ರಥಮ್‌.

ಅಂದಹಾಗೆ ಈ ಸಿನಿಮಾಗೆ ಪ್ರಥಮ್‌ ಅವರೇ ಆ್ಯಕ್ಷನ್‌ ಕಟ್‌ ಹೇಳುತ್ತಿದ್ದು, ಅವರೇ ನಾಯಕರಾಗಿಯೂ ನಟಿಸುತ್ತಿದ್ದಾರೆ. ಬೆಂಗಳೂರಿನ ಸುತ್ತ ಮುತ್ತ ಚಿತ್ರೀಕರಣ ನಡೆಯುತ್ತಿದೆ.