ಆರು ವರ್ಷಗಳ ಹಿಂದೆ ಜಾನಿ ಮೇರಾ ನಾಮ್‌ ಪ್ರೀತಿ ಮೇರಾ ಕಾಮ್‌ ಸಿನಿಮಾ ಮಾಡಿದ್ದ ಪ್ರೀತಂ ಗುಬ್ಬಿ ಮತ್ತು ದುನಿಯಾ ವಿಜಯ್‌ ಮತ್ತೆ ಒಂದಾಗಿದ್ದಾರೆ. ಈ ಚಿತ್ರಕ್ಕೆ 'ಜಾನಿ ಜಾನಿ ಎಸ್‌ ಪಪ್ಪ' ಎಂದು ಹೆಸರಿಡಲಾಗಿದೆ.
ಜಾನಿ ಮೇರಾ ನಾಮ್‌ ಸಿನಿಮಾದಲ್ಲಿ ರಂಗಾಯಣ ರಘು ಮತ್ತು ದುನಿಯಾ ವಿಜಯ್‌ ಜೋಡಿ ಮಿಂಚಿತ್ತು, ಅದು ಈ ಸಿನಿಮಾದಲ್ಲಿಯೂ ಮುಂದವರಿಯುತ್ತದೆ ಎಂದು ನಿರ್ದೇಶಕ ಪ್ರೀತಂ ಗುಬ್ಬಿ ಹೇಳಿದ್ದಾರೆ. ಅಷ್ಟೇ ಅಲ್ಲದೆ ಹಿಂದಿನ ಸಿನಿಮಾದಲ್ಲಿದ್ದ ದತ್ತಣ್ಣ, ಸಾಧುಕೋಕಿಲಾ ಸೇರಿದಂತೆ ಎಲ್ಲ ಪಾತ್ರಗಳು ಈ ಸಿನಿಮಾದಲ್ಲಿಯೂ ಮುಂದುವರಿಯುತ್ತವೆ ಎಂದಿದ್ದಾರೆ.
ಆ ಜಾನಿಯಲ್ಲಿ ನಟಿಸಿದ್ದ ರಮ್ಯಾ ಸದ್ಯ ರಾಜಕೀಯದಲ್ಲಿ ಬಿಝಿಯಾಗಿದ್ದು, ಅವರ ಜಾಗಕ್ಕೆ ಹೊಸ ಮುಖವೊಂದನ್ನು ನಿರ್ದೇಶಕರು ನೋಡುತ್ತಿದ್ದಾರೆ. ವಿಷಯವೆಂದರೆ ಸಿನಿಮಾದ ಎಲ್ಲ ಪೋಸ್ಟರ್‌ಗಳು ಕ್ಯಾರಿಕೇಚರ್‌ ರೂಪದಲ್ಲಿಯೇ ಇರುತ್ತವೆ ಎಂದು ಪ್ರೀತಂ ಹೇಳಿದ್ದಾರೆ. ಈಗಾಗಲೇ ರಂಗಾಯಣ ರಘು ಮತ್ತು ದುನಿಯಾ ವಿಜಯ್‌ ಇರುವ ಫಸ್ಟ್‌ ಲುಕ್‌ ಅನ್ನು ಅವರು ಬಿಡುಗಡೆಗೊಳಿಸಿದ್ದಾರೆ.