ಈ ವಾರ ತೆರೆಗೆ ನಾಲ್ಕು ಕನ್ನಡ ಸಿನಿಮಾಗಳು, ನಿಮ್ಮ ಆಯ್ಕೆ ಯಾವುದು?

ಪ್ರೀಮಿಯರ್‌ ಪದ್ಮಿನಿ

ಜಗ್ಗೇಶ್‌ ನಟನೆಯ ಪ್ರೀಮಿಯರ್‌ ಪದ್ಮಿನಿ ಸಿನಿಮಾ ಇಂದು ಬಿಡುಗಡೆ ಆಗುತ್ತಿದೆ. ರಮೇಶ್‌ ಇಂದಿರಾ ನಿರ್ದೇಶನದ ಈ ಚಿತ್ರಕ್ಕೆ ಶ್ರುತಿ ನಾಯ್ಡು ನಿರ್ಮಾಪಕಿ. ಬದುಕಿನ ನಾನಾ ಮಜಲುಗಳನ್ನು ಹೇಳುವ ಸಿನಿಮಾ ಇದಾಗಿದ್ದು, ಮಧುಬಾಲ, ಸುಧಾರಾಣಿ, ಪ್ರಮೋದ್‌, ಹಿತಾ ಚಂದ್ರಶೇಖರ್‌, ವಿವೇಕ್‌ ಸಿಂಹ ಮುಂತಾದವರು ತಾರಾಗಣದಲ್ಲಿ ಇದ್ದಾರೆ. ಅರ್ಜುನ್‌ ಜನ್ಯ ಸಂಗೀತ ಸಂಯೋಜನೆ, ಅದ್ವೈತ ಗುರುಮೂರ್ತಿ ಅವರ ಸಿನಿಮಾಟೋಗ್ರಫಿ ಚಿತ್ರಕ್ಕಿದೆ.

ಮಹಾಕಾವ್ಯ
ಹೊಸ ತಂಡದ ಪ್ರಯತ್ನ ಮಹಾಕಾವ್ಯ ಸಿನಿಮಾ ಇಂದು ಬಿಡುಗಡೆ ಆಗುತ್ತಿದೆ. ಶ್ರೀದರ್ಶನ್‌ ನಿರ್ದೇಶನದಲ್ಲಿ ಚಿತ್ರ ಮೂಡಿ ಬಂದಿದ್ದು, ಮನೋರಂಜನ್‌ ಪ್ರಭಾಕರ್‌ ಅವರ ಸಂಗೀತ, ಮುತ್ತುರಾಜ್‌ರ ಛಾಯಾಗ್ರಹಣ ಚಿತ್ರಕ್ಕಿದೆ. ರಶ್ಮಿ ಪ್ರಭಾಕರ್‌, ರಾಮಕೃಷ್ಣ, ಅನಂತವೇಲು, ಲಕ್ಷ್ಮೇ ಭಟ್‌, ವಲ್ಲಭ್‌, ಗಿರೀಶ್‌, ಗಣೇಶ್‌ ರಾವ್‌ ಮುಂತಾದವರು ತಾರಾಬಳಗದಲ್ಲಿದ್ದಾರೆ.

ಹೌಲಾ ಹೌಲಾ
ಸಸ್ಪೆನ್ಸ್‌ ಮತ್ತು ಹಾರರ್‌ ಮಾದರಿಯ ಸಿನಿಮಾ 'ಹೌಲಾ ಹೌಲಾ' ಇಂದು ಬಿಡುಗಡೆ ಆಗುತ್ತಿದೆ. ಎಸ್‌.ಪಿ.ಪಾಟೀಲ್‌ ಈ ಚಿತ್ರಕ್ಕೆ ನಿರ್ದೇಶನ ಮಾಡಿದ್ದು, ಸುರೇಶ್‌ ವರ್ಮ ಛಾಯಾಗ್ರಹಣ, ಶ್ಯಾಂಡಿ ಸಂಗೀತ ನೀಡಿದ್ದಾರೆ. ಆರತಿ ಕುಲಕರ್ಣಿ, ಶೋಭರಾಜ್‌, ವಿಜಯ್‌ ಚಂಡೂರ್‌, ಶಾಲಿನಿ, ಪೃಥ್ವಿ, ಮೇಘನಾ ಮುಂತಾದವರ ತಾರಾಗಣ ಚಿತ್ರಕ್ಕಿದೆ.

ಕಾಂಚನ 3
ಹಾರರ್‌ ಸಿನಿಮಾ 'ಕಾಂಚನ 3' ಇಂದು ಬಿಡುಗಡೆ ಆಗುತ್ತಿದೆ. ರಾಘವ ಲಾರೆನ್ಸ್‌ ನಿರ್ದೇಶನದಲ್ಲಿ ಈ ಸಿನಿಮಾ ಮೂಡಿ ಬಂದಿದ್ದು, ಇದೊಂದು ಡಬ್ಬಿಂಗ್‌ ಚಿತ್ರ. ವೇದಿಕಾ, ನಿಖಿತಂಬೂಲಿ ತಾರಾಗಣ ಚಿತ್ರಕ್ಕಿದ್ದು, ಜೆಸ್ಸಿ ಸ್ಯಾಮುವೆಲ್‌ ಸಂಗೀತ ,ವೆಟ್ರಿ ಅವರ ಛಾಯಾಗ್ರಹಣ ಚಿತ್ರಕ್ಕಿದೆ.