ಅಂಧ ಮಕ್ಕಳಿಗೆ ಊಟ ನೀಡಿದ 'ಪ್ರಿನ್ಸ್' ಮಹೇಶ್ ಬಾಬು-ನಮ್ರತಾ

ಟಾಲಿವುಡ್ ಸೂಪರ್ ಸ್ಟಾರ್ ಮಹೇಶ್ ಬಾಬು ಮತ್ತು ನಮ್ರತಾ ಶಿರೋಡ್ಕರ್ ಇಂದು, 10ನೇ ಫೆಬ್ರವರಿ 2019ರಂದು ತಮ್ಮ ವಿವಾಹ ಮಹೋತ್ಸವವನ್ನು ಆಚರಿಸಿಕೊಂಡರು. ವಿಶೇಷ ಎಂಬಂತೆ, ಈ ದಂಪತಿಗಳು 650 'ದೃಷ್ಟಿ ಮಾಂದ್ಯ' ವಿದ್ಯಾರ್ಥಿಗಳೊಂದಿಗೆ ಬೆರೆತು ಅಲ್ಲಿನ ಪರಿಸ್ಥಿತಿಗ ಹೊಂದಿಕೊಂಡು ತಮ್ಮ ವಿವಾಹ ಮಹೋತ್ಸವವನ್ನು ಅದ್ದೂರಿ ಅಲ್ಲದ ಆದರೆ ಅರ್ಥಪೂರ್ಣವಾದ ರೀತಿಯಲ್ಲಿ ಆಚರಿಸಿಕೊಂಡರು.

ಆಂಧ್ರ ಪ್ರದೇಶ ಬೆಗುಂಪೇಟೆಯ ದೇವನೂರುನಲ್ಲಿರುವ ಅಂಧ ವಿದ್ಯಾರ್ಥಿಗಳ ಸ್ಕೂಲ್‌ಗೆ ಭೇಟಿ ನೀಡಿದ ಈ ತಾರಾ ದಂಪತಿಗಳು ಅಲ್ಲಿದ್ದ 650 ವಿದ್ಯಾರ್ಥಿಗಳಿಗೆ ಸಿಹಿಯೂಟ ನೀಡಿದ್ದಾರೆ. ಅಷ್ಟೇ ಅಲ್ಲ, ಅವರಿಗೆ ಅಗತ್ಯವಿದ್ದ ಹಣವನ್ನು ವಿಚಾರಿಸಿ ತಮ್ಮಿಂದಾದ ಸಹಾಯವನ್ನೂ ಮಾಡಿ ಬಂದಿದ್ದಾರೆ. ಈ ವಿಷಯ ಅವರ ಇನ್‌ಸ್ಟಾ ಗ್ರಾಂ ಮೂಲಕ ಅಧಿಕೃತವಾಗಿದ್ದು ಸಾಮಾಜಿಕ ಜಾಲತಾಣಗಳ ಮೂಲಕ ಜಗತ್ತಿನ ಮೂಲೆ ಮೂಲೆಗೂ ತಲುಪಿದೆ.

ಮಹೇಶ್ ಬಾಬು-ನಮೃತಾ ದಂಪತಿಗಳು ಪ್ರತಿ ವರ್ಷವೂ 'ಅಗತ್ಯವಿದ್ದವರಿಗೆ' ಇದೇ ರೀತಿ ತಮ್ಮ ಕೈಲಾದಷ್ಟು ಸಹಾಯವನ್ನು ಮಾಡುತ್ತಾ ಬಂದಿದ್ದಾರೆ. ಸಮಾಜಕ್ಕೆ ಏನಾದರೊಂದು ಉಪಯೋಗ ಮಾಡುವ ಮನಸ್ಥಿತಿ ಕಾಯ್ದುಕೊಂಡಿರುವ ಈ ದಂಪತಿಗಳ ಒಳ್ಳೆಯ ತನಕ್ಕೆ ಪ್ರಪಂಚವೇ ಪ್ರಶಂಸಿಸುತ್ತಿದೆ. ಈ ಬಗ್ಗೆ ಸಮಾಜಿಕ ಜಾಲತಾಣಗಳಲ್ಲಿ ಮೆಸೇಜ್‌ಗಳು ಹರಿದಾಡುತ್ತಿವೆ.

ಅಂದಹಾಗೆ, ತೆಲುಗು 'ಪ್ರಿನ್ಸ್' ಮಹೇಶ್ ಬಾಬು ಮತ್ತು ನಮ್ರತಾ ದಂಪತಿಗೆ ಗೌತಮ್ ಹಾಗೂ ಸಿತಾರಾ ಎಂಬ ಎರಡು ಮುದ್ದಾದ ಮಕ್ಕಳಿದ್ದಾರೆ. ಮಹೇಶ್ ಬಾಬು ಸದ್ಯ ನಿರ್ದೇಶನದ 'ಮಹರ್ಷಿ' ಚಿತ್ರದ ಶೂಟಿಂಗ್‌ನಲ್ಲಿ ಬ್ಯುಸಿಯಾಗಿದ್ದಾರೆ.