ಅವುಗಳಲ್ಲಿ ಒಂದು ಮಹೇಶ್ ತಮ್ಮ ಮೊಣಕಾಲಿಗೆ ಶಸ್ತ್ರಚಿಕಿತ್ಸೆಯನ್ನೂ ಮಾಡಿಸಿಕೊಳ್ಳುತ್ತಿರುವುದು. ತೆಲುಗಿನ 'ಆಗಡು' ಶೂಟಿಂಗ್ ಸಂದರ್ಭದಲ್ಲಿ ಅವರ ಮೊಣಕಾಲಿಗೆ ಪೆಟ್ಟು ಬಿದ್ದಿದ್ದ ಕಾರಣ ಕೆಲ ಸಮಯದ ಹಿಂದೆ ಶಸ್ತ್ರಚಿಕಿತ್ಸೆ ಮಾಡಿಸಿಕೊಂಡಿದ್ದರು. ಆದರೆ ಸಾಲುಸಾಲು ಚಿತ್ರೀಕರಣದ ಕಾರಣ ನೋವು ಮತ್ತೆ ಕಾಣಿಸಿಕೊಂಡಿದ್ದು ಈಗ ಮತ್ತೊಂದು ಶಸ್ತ್ರಚಿಕಿತ್ಸೆ ಒಳಗಾಗಲು ಮುಂದಾಗಿದ್ದಾರೆ ಎಂದು ಟಾಲಿವುಡ್ ಮೂಲಗಳು ತಿಳಿಸಿವೆ.
ಅಮೆರಿಕದಲ್ಲಿ ಶಸ್ತ್ರಚಿಕಿತ್ಸೆಗೆ ಒಳಗಾಗಲಿರುವ ಮಹೇಶ್ ಬಾಬು
ಆಗಡು ಟ್ರೇಲರ್ ಹಾಡಿನ ಚಿತ್ರೀಕರಣ ಸಮಯದಲ್ಲಿ ಮಹೇಶ್ ಮೊಣಕಾಲಿಗೆ ಪೆಟ್ಟು ಬಿದ್ದಿತ್ತು. ಆಗ ಸ್ವಲ್ಪ ವಿಶ್ರಾಂತಿ ತೆಗೆದುಕೊಂಡು ಮತ್ತೆ ಶೂಟಿಂಗ್ ಮುಂದುವರೆಸಿದ್ದರು. ಸ್ಪೈಡರ್ ಸಿನಿಮಾ ಬಳಿಕ ಶಸ್ತ್ರಚಿಕಿತ್ಸೆ ಮಾಡಿಸಿಕೊಂಡರು. ಆದರೆ ಬಿಡುವಿಲ್ಲದ ಚಿತ್ರೀಕರಣದ ಕಾರಣ ನೋವು ಮತ್ತೆ ಕಾಣಿಸಿಕೊಂಡಿದೆಯಂತೆ. ಈಗ ಸಮಯ ಸಿಕ್ಕಿದ್ದು ಅಮೆರಿಕದಲ್ಲಿ ಶಸ್ತ್ರಚಿಕಿತ್ಸೆ ಮಾಡಿಸಿಕೊಂಡು ಸ್ವಲ್ಪ ಸಮಯ ವಿಶ್ರಾಂತಿ ಪಡೆಯಲು ನಿರ್ಧರಿಸಿದ್ದಾರೆ ಎಂದಿವೆ ಮೂಲಗಳು.
ಒಂದಷ್ಟು ವಿಶ್ರಾಂತಿ ಬಳಿಕ ಮತ್ತೆ ಚಿತ್ರೀಕರಣ
ಆದರೆ ಈ ಬಗ್ಗೆ ಮಹೇಶ್ ಬಾಬು ಮತ್ತವರ ಕುಟುಂಬ ಯಾವುದೇ ಅಧಿಕೃತ ಮಾಹಿತಿ ನೀಡಿಲ್ಲ. 'ಸರಿಲೇರು ನೀಕೆವ್ವರು' ಸಿನಿಮಾ ಬಳಿಕ ಮಹೇಶ್ ಬಾಬು ಇನ್ನೊಂದು ಸಿನಿಮಾಗೆ ಗ್ರೀನ್ ಸಿಗ್ನಲ್ ನೀಡಿದ್ದು ವಂಶಿ ಪೈಡಿಪಲ್ಲಿ ನಿರ್ದೇಶನದಲ್ಲಿ ಆ ಸಿನಿಮಾ ಮೂಡಿಬರಲಿದೆ. ಜೇಮ್ಸ್ ಬಾಂಡ್ ರೀತಿಯ ಕಥೆಯಲ್ಲಿ ಈ ಸಿನಿಮಾ ಮೂಡಿಬರಲಿದೆ. ಮಹೇಶ್ ಅಮೆರಿಕದಿಂದ ಹಿಂತಿರುಗಿದ ಬಳಿಕ ಈ ಚಿತ್ರದ ಶೂಟಿಂಗ್‌ನಲ್ಲಿ ಭಾಗಿಯಾಗಲಿದ್ದಾರಂತೆ.
ರೀ ಎಂಟ್ರಿ ನೀಡಿದ ನಟಿ ವಿಜಯಶಾಂತಿ ಸಂಭಾವನೆ ಎಷ್ಟು
ಮಲ್ಟಿಫ್ಲೆಕ್ಸ್ ನಿರ್ಮಾಣಕ್ಕೆ ಮುಂದಾಗಿರುವ ಮಹೇಶ್ ಬಾಬು
ಇದರ ಜೊತೆಗೆ ಮಹೇಶ್ ಬಾಬು ಕುರಿತಂತೆ ಇನ್ನೊಂದು ಗಾಸಿಪ್ ಸಹ ಟಾಲಿವುಡ್‌ನಲ್ಲಿ ಭಾರಿ ಸದ್ದು ಮಾಡುತ್ತಿದೆ. ಆ ಎರಡನೇ ಗಾಸಿಪ್ ಏನೆಂದರೆ, ಮಹೇಶ್ ಬಾಬು ಇನ್ನೊಂದು ಮಲ್ಟಿಫ್ಲೆಕ್ಸ್ ನಿರ್ಮಿಸಲಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿದೆ. ವರ್ಷದ ಹಿಂದೆ ಎಎಂಬಿ ಸಿನಿಮಾಸ್ ಹೆಸರಲ್ಲಿ ಹೈದರಾಬಾದ್‌ನಲ್ಲಿ ಒಂದು ಭಾರಿ ಮಲ್ಟಿಫ್ಲೆಕ್ಸ್ ನಿರ್ಮಿಸಿದ್ದರು.
ಬೆಂಗಳೂರಿನಲ್ಲೇ ನಿರ್ಮಿಸಲಿದ್ದಾರಂತೆ ಮಲ್ಟಿಫ್ಲೆಕ್ಸ್
ಇದೀಗ ಇನ್ನೊಂದು ಮಲ್ಟಿಫ್ಲೆಕ್ಸ್ ನಿರ್ಮಿಸಲು ಪ್ಲಾನ್ ಮಾಡಿಕೊಂಡಿದ್ದಾರಂತೆ. ಆದರೆ ಈ ಸಲ ಹೈದರಾಬಾದ್‌ನಲ್ಲಿ ಅಲ್ಲ ನಮ್ಮ ಬೆಂಗಳೂರಿನಲ್ಲಿ ಎಂಬುದು ವಿಶೇಷ. ಏಷ್ಯನ್ ಸಿನಿಮಾಸ್ ಜೊತೆಗೆ ಕೈಜೋಡಿಸಿ ಭಾರಿ ಮಲ್ಟಿಫ್ಲೆಕ್ಸ್ ನಿರ್ಮಿಸಲಿದ್ದಾರೆ ಎಂದಿವೆ ಮೂಲಗಳು. ಒಂದು ವೇಳೆ ಮಲ್ಟಿಫ್ಲೆಕ್ಸ್ ನಿರ್ಮಿಸಿದರೆ ಅದಕ್ಕೂ ಎಎಂಬಿ ಸಿನಿಮಾಸ್ ಎಂದು ಹೆಸರಿಡುತ್ತಾರಾ? ಅಥವಾ ಬೇರೆ ಏನಾದರೂ ಹೆಸರಿಡಲು ಚಿಂತಿಸಲಾಗಿದೆಯೇ ಎಂಬ ಚರ್ಚೆ ನಡೆಯುತ್ತಿದೆಯಂತೆ.