ಶೂಟಿಂಗ್‌ ಸೆಟ್‌ನಲ್ಲಿ ಭೇಟಿಯಾದ ಯಶ್‌, ಪುನೀತ್‌

ಇತ್ತೀಚೆಗೆ ಕನ್ನಡದ ಸ್ಟಾರ್‌ ನಟರು ಪರಸ್ಪರ ಚಿತ್ರೀಕರಣದ ಸೆಟ್‌ನಲ್ಲಿ ಭೇಟಿಯಾಗುತ್ತಿದ್ದಾರೆ. ಈಗ ಯಶ್‌ ಮತ್ತು ಪುನೀತ್‌ ರಾಜ್‌ಕುಮಾರ್‌ ಮೈಸೂರಿನಲ್ಲಿ ಚಿತ್ರೀಕರಣದ ವೇಳೆ ಭೇಟಿಯಾಗಿ ಮಾತುಕತೆಯಾಡಿದ್ದಾರೆ. ಇವರಿಬ್ಬರ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು, ವೈರಲ್‌ ಆಗಿದೆ.

ಪುನೀತ್‌ ರಾಜ್‌ಕುಮಾರ್‌ ಯುವರತ್ನ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಪವನ್‌ ಒಡೆಯರ್‌ ನಿರ್ದೇಶನದಲ್ಲಿ ಮೈಸೂರಿನಲ್ಲಿ ಚಿತ್ರೀಕರಣ ನಡೆಯುತ್ತಿದೆ. ಇದೇ ಸಂದರ್ಭದಲ್ಲಿ ಯಶ್‌ ಕೂಡಾ ಮೈಸೂರಿನಲ್ಲೇ ಇದ್ದಾರೆ. ಕೆಜಿಎಫ್‌ 2 ಚಿತ್ರದ ಶೂಟಿಂಗ್‌ ಕೂಡಾ ಮೈಸೂರಿನಲ್ಲಿ ನಡೆಯುತ್ತಿರುವುದು ಇದಕ್ಕೆ ಕಾರಣ. ಹಾಗಾಗಿ ಯಶ್‌ ಮತ್ತು ಪುನೀತ್‌ ಪರಸ್ಪರ ಭೇಟಿಯಾಗಿ ಸ್ನೇಹಯುತ ಮಾತುಕತೆ ನಡೆಸಿದ್ದಾರೆ.

ಸ್ಟಾರ್‌ ನಟರ ಅಭಿಮಾನಿಗಳು ಪೈಪೋಟಿಗೆ ಬಿದ್ದು ಸಾಮಾಜಿಕ ಜಾಲತಾಣಗಳಲ್ಲಿ ವಾಗ್ಯುದ್ಧ ನಡೆಸುವುದು ಸಾಮಾನ್ಯ ಸಂಗತಿಯಾಗಿದೆ. ಹೀಗಿರುವಾಗ ಸ್ಟಾರ್‌ ನಟರು ಪರಸ್ಪರ ಭೇಟಿಯಾಗಿ ಪ್ರೀತಿ, ಆತ್ಮೀಯತೆ ವ್ಯಕ್ತಪಡಿಸುವುದು ಉತ್ತಮ ಬೆಳವಣಿಗೆಯಾಗಿದೆ.