ನಂದಿ ಬೆಟ್ಟದಲ್ಲಿ ಮಿನಿ ಕೂಪರ್‌ ರೈಡ್‌ ಮಾಡಿದ ಪುನೀತ್‌

ತಮ್ಮ ಗೆಳೆಯರ ಜತೆ ಆಗಾಗ ಔಟಿಂಗ್‌ ಹೋಗುವ ನಟ ಪುನೀತ್‌ ರಾಜ್‌ಕುಮಾರ್‌, ಇದೀಗ ಬೆಂಗಳೂರಿಗೆ ಹತ್ತಿರದಲ್ಲಿ ಇರುವ ವಿಶ್ವ ವಿಖ್ಯಾತ ಗಿರಿಧಾಮ ನಂದಿಬೆಟ್ಟಕ್ಕೆ ಜಾಲಿ ಟ್ರಿಪ್‌ ಮಾಡಿದ್ದಾರೆ.

ಭಾನುವಾರ ಫ್ರೆಂಡ್‌ಶಿಪ್‌ ಡೇ ನಿಮಿತ್ತ ತಮ್ಮ ಗೆಳೆಯರ ಜತೆಗೂಡಿ ನಂದಿ ಬೆಟ್ಟದಲ್ಲಿ ಮಿನಿ ಕೂಪರ್‌ ರೈಡ್‌ ಮಾಡಿ ಎಂಜಾಯ್‌ ಮಾಡಿದ್ದಾರೆ. ಯುವರತ್ನ ಶೂಟಿಂಗ್‌ ಸಮಯದಲ್ಲಿಓಪನ್‌ ಟಾಪ್‌ ಕಾರನ್ನು ಡ್ರೈವ್‌ ಮಾಡಿರುವುದು ವಿಶೇಷ. ಈ ಸುಂದರ ವಿಡಿಯೋ ಈಗ ಸೋಷಿಯಲ್‌ ಮೀಡಿಯಾದಲ್ಲಿ ಭಾರೀ ವೈರಲ್‌ ಆಗಿದೆ. ಅವರ ಅಭಿಮಾನಿಗಳು ವಿಡಿಯೋ ನೋಡಿ ಥ್ರಿಲ್‌ ಆಗಿದ್ದಾರೆ.

ಪುನೀತ್‌ ರಾಜ್‌ಕುಮರ್‌ ಅವರಿಗೆ ಬೈಕ್‌ ರೈಡಿಂಗ್‌ ಮತ್ತು ಕಾರ್‌ ಡ್ರೈವಿಂಗ್‌ ಎಂದರೆ ಮೊದಲನಿಂದ ಕ್ರೇಜ್‌. ಆಗಾಗ್ಗೆ ಬೈಕ್‌ ರೈಡಿಂಗ್‌ ಮಾಡುತ್ತಿರುತ್ತಾರೆ. ನಂದಿ ಬೆಟ್ಟದ ಮೇಲಕ್ಕೆ ಸಾಗಿದ ರಸ್ತೆಯಲ್ಲಿಮಿನಿ ಕೂಪರ್‌ನಲ್ಲಿಜಾಲಿ ರೈಡ್‌ ಮಾಡಿದ್ದಾರೆ. ದುಬಾರಿ ಬೆಲೆಯ ಕಾರು ಇದಾಗಿದೆ. ರೈಡಿಂಗ್‌ ವೀಡಿಯೋ ಅನ್ನು ಪುನೀತ್‌ ತಮ್ಮ ಇನ್‌ಸ್ಟಾಗ್ರಾಂ ಅಕೌಂಟ್‌ನಲ್ಲಿಶೇರ್‌ ಮಾಡಿದ್ದಾರೆ. ಈ ವಿಡಿಯೋನಲ್ಲಿಇಕ್ಕೆಲಗಳಲ್ಲಿಹಸಿರು ತುಂಬಿದ ರಸ್ತೆಯಲ್ಲಿಕಾರು ಡ್ರೈವ್‌ ಮಾಡಿರುವ ದೃಶ್ಯಗಳಿವೆ.

ಸಂತೋಷ್‌ ಆನಂದ್‌ರಾಮ್‌ ನಿರ್ದೇಶನದ ಚಿತ್ರ 'ಯುವರತ್ನ' ಚಿತ್ರದಲ್ಲಿಪುನೀತ್‌ ಕಾಲೇಜು ವಿದ್ಯಾರ್ಥಿಯಾಗಿ ಕಾಣಿಸಿಕೊಂಡಿದ್ದಾರೆ. ಈ ಕಾರನ್ನು ಚಿತ್ರದಲ್ಲಿಬಳಸಲಾಗಿದೆ. ಎಂದು ಗೊತ್ತಾಗಿದೆ. ಪುನೀತ್‌ ಸಿನಿಮಾದಲ್ಲಿರೈಡ್‌ ಮಾಡಲಿರುವ ಕಾರು ಇದಾಗಿದ್ದು, ಹಾಡೊಂದರ ಚಿತ್ರೀಕರಣದಲ್ಲೂಈ ಕಾರನ್ನು ಸ್ವತಃ ಪುನೀತ್‌ ರೈಡ್‌ ಮಾಡಲಿದ್ದಾರೆ ಎಂದು ತಿಳಿದು ಬಂದಿದೆ. ಈ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ಈಗಲೇ ಬಿಟ್ಟುಕೊಡಲು ಚಿತ್ರತಂಡ ಸಿದ್ಧವಿಲ್ಲ. ಚಿತ್ರೀಕರಣಕ್ಕಾಗಿ ನಂದಿ ಬೆಟ್ಟದಲ್ಲಿಚಿತ್ರತಂಡ ಬೀಡುಬಿಟ್ಟಿದೆ. ಸೋಮವಾರದಿಂದ ಇಲ್ಲಿಶೂಟಿಂಗ್‌ ನಡೆಯಲಿದೆ.

ಚಿತ್ರದ ಟೀಸರ್‌ ರಿಲೀಸ್‌ಗೆ ಅಭಿಮಾನಿಗಳು ಕಾದಿದ್ದಾರೆ. ಅದಕ್ಕೂ ಮೊದಲೇ ಕೆಲ ಅಭಿಮಾನಿಗಳು ತಾವೇ ಟೀಸರ್‌ ರೆಡಿ ಮಾಡಿ ಯೂಟ್ಯೂಬ್‌ನಲ್ಲಿಬಿಟ್ಟಿದ್ದಾರೆ. ಸಂತೋಷ್‌ ಆನಂದ್‌ ರಾಮ್‌ ಮತ್ತು ಪುನೀತ್‌ ಕಾಂಬಿನೇಷನ್‌ನ 2ನೇ ಚಿತ್ರವಿದು. ರಾಜಕುಮಾರ ಯಶಸ್ಸಿನಿಂದ ಈ ಚಿತ್ರದ ಬಗ್ಗೆಯೂ ನಿರೀಕ್ಷೆ ಹೆಚ್ಚಾಗಿದೆ.