ಬೆಟ್ಟೇಗೌಡ v/s ಚಿಕ್ಕಬೋರಮ್ಮ ಹಾಡಿಗೆ ಪವರ್ ಸ್ಟಾರ್ ದನಿ

'ಮಿಸ್ಟರ್ ಐರಾವತ' ಚಿತ್ರದ ನಂತರ ಎ ಪಿ ಅರ್ಜುನ್ ನಿರ್ದೇಶಿಸುತ್ತಿರುವ ಹೊಸ ಸಿನಿಮಾ 'ಕಿಸ್'. ಈ ಚಿತ್ರದಲ್ಲಿ ವಿರಾಟ್ ಮತ್ತು ಶ್ರೀಲೀಲಾ ಜೋಡಿ ನಟಿಸಿದ್ದು ವಿ ಹರಿಕೃಷ್ಣ ಸಂಗೀತ ಸಂಯೋಜನೆ ಮಾಡಿದ್ದಾರೆ.

ಈಗಾಗಲೇ ಸೋಶಿಯಲ್ ಮೀಡಿಯಾದಲ್ಲಿ ಕಿಸ್ ನ "ಶೀಲಾ ಸುಶೀಲಾ.." ಹಾಗೂ "ನೀನೆ ಮೊದಲು ನೀನೆ ಕೊನೆ..." ಹಾಡುಗಳು ಸಾಕಷ್ಟು ಸದ್ದು ಮಾಡುತ್ತಿದ್ದು, ಈಗ ಬೆಟ್ಟೇಗೌಡ v/s ಚಿಕ್ಕಬೋರಮ್ಮ ಎಂಬ ಹಾಡು ರಿಲೀಸ್ ಆಗಿದೆ. [ಸ್ಯಾಂಡಲ್‍ವುಡ್‍ಗೆ 'ಕಿಸ್' ಕೊಟ್ಟ ಶ್ರೀಲೀಲಾ]

ವಿಶೇಷವೆಂದರೆ ಈ ಹಾಡನ್ನು ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಹಾಡಿದ್ದಾರೆ. ಜೊತೆಗೆ ಅವರೇ ಹಾಡನ್ನು ಅನಾವರಣಗೊಳಿಸಿದ್ದಾರೆ. 'ಕಿಸ್' ಚಿತ್ರಕ್ಕೆ ತುಂಟ ತುಟಿಗಳ ಆಟೋಗ್ರಾಫ್ ಎನ್ನುವ ಅಡಿ ಬರಹ ಇದೆ. ವಿ ಹರಿಕೃಷ್ಣ ಅವರ ಸಂಗೀತ, ಗಿರೀಶ್ ಗೌಡ ಅವರ ಛಾಯಾಗ್ರಹಣ, ಡಾ ಕೆ ರವಿ ವರ್ಮ ಅವರ ಸಾಹಸ, ದೀಪು ಎಸ್ ಕುಮಾರ್ ಸಂಕಲನ ಮಾಡಿದ್ದಾರೆ.

ಅರ್ಜುನ್‌ ನಿರ್ದೇಶನದಲ್ಲಿ ಮೂಡಿಬಂದ ದರ್ಶನ್‌ ಅಭಿನಯದ ಐರಾವತ ಚಿತ್ರ ದೊಡ್ಡ ಯಶಸ್ಸನ್ನೇನೂ ಕಾಣಲಿಲ್ಲ. ಇದಾದ ನಂತರ ಹೊಸ ಹುಡುಗರತ್ತ ಅರ್ಜುನ ಗಮನ ಹರಿಸಿದ್ದರು. ಯೂತ್ಸ್‌ಗೆ ಇಷ್ಟವಾಗುವ ಸಿನಿಮಾ ಮಾಡುವುದಾಗಿ ಹೇಳಿದ್ದರು. ನಟ ನಟಿಯರಿಗಾಗಿ ರಾಜ್ಯಾದ್ಯಂತ ಆಡಿಷನ್‌ ಕೂಡಾ ಮಾಡಿದ್ದರು. ಸುಮಾರು 200 ಹುಡುಗಿಯರಲ್ಲಿ ಕೊನೆಗೂ ಆಯ್ಕೆಯಾದವರು ಶ್ರೀಲೀಲಾ. ಬೆಂಗಳೂರಿನವರೇ ಆದ ಇವರು ಭರತನಾಟ್ಯ ಮತ್ತು ಕಿಕ್‌ ಬಾಕ್ಸಿಂಗ್‌ ಕಲಿತಿದ್ದಾರೆ.

ಸಾಧು ಕೋಕಿಲಾ ಮತ್ತು ಅನಂತ್‌ ನಾಗ್‌ ಪ್ರಾಮುಖ್ಯತೆ ಇರುವ ಪಾತ್ರಗಳಲ್ಲಿ ನಟಿಸಲಿದ್ದಾರೆ. ವಿ. ಹರಿಕೃಷ್ಣ ಸಂಗೀತ ಸಂಯೋಜನೆ ಮಾಡಲಿದ್ದಾರೆ. ಗಿರೀಶ್‌ ಗೌಡ ಛಾಯಾಗ್ರಹಣವಿರಲಿದೆ.