Nata Sarvabhouma Collection Day 1: ಕಲೆಕ್ಷನ್ ಎಷ್ಟು ಗೊತ್ತಾ?

ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಸಿನಿಮಾಗಳೆಂದರೆ ಬಾಕ್ಸ್ ಆಫೀಸ್‌ಲ್ಲಿ ಧೂಳೆಬ್ಬಿಸುವುದು ಗ್ಯಾರಂಟಿ. ಕಲೆಕ್ಷನ್‌ಗೆ ಬಗ್ಗೆ ಯೋಚಿಸುವುದೇ ಬೇಡ ಎಂಬ ಮಾತಿದೆ. ಅದರಲ್ಲೂ ಮೊದಲ ದಿನದ ಕಲೆಕ್ಷನ್, ಟಾಕ್ ಸಿನಿಮಾದ ಭವಿಷ್ಯಕ್ಕೆ ಮುನ್ನುಡಿ ಬರೆದಂತೆ. ಹಾಗಾಗಿ ಯಾವುದೇ ಸಿನಿಮಾದ ಮೊದಲ ದಿನದ ಕಲೆಕ್ಷನ್ ಎಷ್ಟು ಎಂಬ ಲೆಕ್ಕಾಚಾರ ನಡೆಯುತ್ತದೆ. [ನಟಸಾರ್ವಭೌಮ ಸಿನಿಮಾ ವಿಮರ್ಶೆ]

ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅಭಿನಯದ ನಟಸಾರ್ವಭೌಮ ಸಿನಿಮಾ ಭಾರತದಲ್ಲಿ ಸುಮಾರು 350 ತೆರೆಗಳಿಗೆ ಬಿಡುಗಡೆಯಾಗಿದೆ. ಚಿತ್ರಕ್ಕೆ ಎಲ್ಲೆಡೆಯಿಂದ ಮೆಚ್ಚುಗೆ ವ್ಯಕ್ತವಾಗಿದೆ. ಮುಖ್ಯವಾಗಿ ಪ್ರೇಕ್ಷಕರು ಸಿನಿಮಾವನ್ನು ಒಪ್ಪಿದ್ದಾರೆ. ಸಿನಿಮಾ ಉತ್ತಮ ವಿಮರ್ಶೆಗೂ ಪಾತ್ರವಾಗಿದೆ. ಚಿತ್ರವಿಮರ್ಶೆಗಳು ಬಹುತೇಕ ಪಾಸಿಟೀವ್ ಆಗಿವೆ.

ಬೆಂಗಳೂರು ಮತ್ತು ಮೈಸೂರಿನಲ್ಲಿ ಮುಂಗಡ ಬುಕಿಂಗ್‍ಗೆ ಒಳ್ಳೆಯ ಪ್ರತಿಕ್ರಿಯೆ ಸಿಕ್ಕಿದೆ. ಊರ್ವಶಿ, ಪ್ರಸನ್ನದಂತಹ ಸಿಂಗಲ್ ಸ್ರ್ಕೀನ್ ಚಿತ್ರಮಂದಿರಗಳಲ್ಲಿ ಹೆಚ್ಚುವರಿ ಶೋಗಳು ಪ್ರದರ್ಶನವಾಗಿದ್ದು ಮೊದಲ ದಿನದ ಕಲೆಕ್ಷನ್ ಜೋರಾಗಿದೆ. ಪ್ರಸನ್ನ ಚಿತ್ರಮಂದಿರದಲ್ಲಿ ಬುಧಾವಾರವೇ (ಜನವರಿ 6) ಬೆಳಗ್ಗೆ 10 ಗಂಟೆಗೆ ಶೋ ಆರಂಭವಾಗಿತ್ತು. ಊರ್ವಶಿಯಲ್ಲಿ ಅದೇ ದಿನ ಮಧ್ಯರಾತ್ರಿ ಶೋ ಇತ್ತು. ಒಟ್ಟಾರೆ ಮೊದಲ ದಿನವೇ 500ಕ್ಕೂ ಹೆಚ್ಚು ಶೋಗಳು ಬೆಂಗಳೂರಿನಲ್ಲಿ ಪ್ರದರ್ಶನ ಕಂಡಿವೆ.

ಮೂಲಗಳ ಪ್ರಕಾರ ಅಂದಾಜು ಮೊದಲ ದಿನದ ಗಳಿಕೆ ಸುಮಾರು ₹ 8 ರಿಂದ 10 ಕೋಟಿ ಎನ್ನಲಾಗಿದೆ. ಆದರೆ ಇದು ಅಧಿಕೃತ ಅಂಕಿಸಂಖ್ಯೆಯಲ್ಲ ಎಂಬುದು ನಿಮ್ಮ ಗಮನಕ್ಕಿರಲಿ. ಮೊದಲ ದಿನದ ಗಳಿಕೆ ಅಂದಾಜು ಚಿತ್ರಣವಷ್ಟೇ. ಇಷ್ಟೇ ಕಲೆಕ್ಷನ್ ಆಗಿದೆ ಎಂಬುದಕ್ಕೆ ಯಾವುದೇ ಪುರಾವೆ ಇಲ್ಲ.

ನಟಸಾರ್ವಭೌಮ ಸಿನಿಮಾ ಕಥೆ ಒಂದು ಸಾಮಾನ್ಯ ಸೇಡಿನ ಕಥೆ. ಆ ಸೇಡನ್ನು ಯಾರು ಯಾರ ಮೇಲೆ ತೀರಿಸಿಕೊಳ್ಳುತ್ತಾರೆ ಎಂಬುದೇ ಸ್ಕ್ರೀನ್‌ ಪ್ಲೇ. ಇದೊಂದು ಸೇಡಿನ ಕಥೆಯಾದರೂ ಅದನ್ನು ತೀರಿಸಿಕೊಳ್ಳುವ ಬಗೆಯನ್ನು ಸ್ವಲ್ಪ ವಿಭಿನ್ನವಾಗಿ, ಪ್ರೇಕ್ಷಕನಿಗೆ ಥ್ರಿಲ್‌ ಆಗುವಂತೆ ಹೇಳುವ ಮೂಲಕ ನಿರ್ದೇಶಕ ಪವನ್‌ ಒಡೆಯರ್‌ ಚಾಕಚಕ್ಯತೆ ತೋರಿಸಿದ್ದಾರೆ.