ಮ್ಯಾರಥಾನ್‌ನಲ್ಲಿ ಪದಕ ಗಳಿಸಿದ ಪುನೀತ್ ರಾಜ್ ಕುಮಾರ್

ಪುನೀತ್‌ ರಾಜ್‌ಕುಮಾರ್‌ ವಿಶ್ವದ ಜನಪ್ರಿಯ ಅಥ್ಲೀಟ್‌ಗಳ ಜತೆಯಲ್ಲಿ ಮ್ಯಾರಥಾನ್‌ನಲ್ಲಿ ಪಾಲ್ಗೊಂಡಿದ್ದಾರೆ. ಅಕ್ಟೋಬರ್‌ 21ರಂದು ಭಾನುವಾರ ಆಮ್‌ಸ್ಟರ್‌ಡಾಮ್‌ನಲ್ಲಿ 21 ಕಿ.ಮೀ ದೂರದ ಮ್ಯಾರಥಾನ್‌ ಸ್ಪರ್ಧೆ ಏರ್ಪಡಿಸಲಾಗಿತ್ತು. ಇದರಲ್ಲಿ ಭಾಗವಹಿಸುವ ಸಲುವಾಗಿಯೇ ನೆದರ್‌ಲ್ಯಾಂಡ್‌ಗೆ ಪ್ರಯಾಣ ಬೆಳೆಸಿದ ನಟ ಪುನೀತ್‌ ರಾಜ್‌ಕುಮಾರ್‌
ಸಾವಿರಾರು ಮಂದಿ ಅಥ್ಲೀಟ್‌ಗಳ ಮಧ್ಯೆ ಓಡಿದ್ದಾರೆ.

ಅಷ್ಟೇ ಅಲ್ಲ, 21 ಕಿ.ಮೀ ಓಡಿ ತಮ್ಮ ಓಟವನ್ನು ಪೂರ್ಣಗೊಳಿಸಿ ಪಾರ್ಟಿಸಿಪೇಷನ್‌ ಮೆಡಲ್‌ ಗಳಿಸಿದ್ದಾರೆ. ಓಟವನ್ನು ಪೂರ್ಣಗೊಳಿಸುತ್ತಿದ್ದಂತೆ ಅತೀವ ಸಂತಸ ವ್ಯಕ್ತಪಡಿಸಿದ್ದಾರೆ ಪುನೀತ್‌. ಈ ಸಂದರ್ಭದಲ್ಲಿ ಸ್ಥಳೀಯ ಕನ್ನಡಿಗರು ಖುಷಿಯಿಂದ ಕ್ರೀಡಾಂಗಣದಲ್ಲಿ ಹರ್ಷೋದ್ಘಾರ ಮಾಡಿದ್ದಾರೆ.

ಪುನೀತ್‌ ಅವರೆಲ್ಲರತ್ತ ಕೈಬೀಸಿ ತಮ್ಮ ಸಂತಸವನ್ನು ಹಂಚಿಕೊಂಡಿದ್ದಾರೆ. ಪುನೀತ್‌ ಬೆಂಗಳೂರಿನಲ್ಲಿ ನಡೆಯುವ ಮ್ಯಾರಥಾನ್‌ ಗಳಲ್ಲಿ ಈ ಹಿಂದೆ ಭಾಗವಹಿಸಿದ್ದರು.