ಅಯೋಗ್ಯ ಚಿತ್ರದಲ್ಲಿ ಮೊದಲ ಬಾರಿಗೆ ರಚಿತಾ ಹಳ್ಳಿ ಹುಡುಗಿಯಾಗಿ ನಟಿಸುತ್ತಿದ್ದು, ಅವರು ಹೇಗೆ ಕಾಣುತ್ತಾರೆ ಎಂಬ ಕುತೂಹಲ ಎಲ್ಲರಿಗೂ ಇತ್ತು, ಈಗ ಅದರ ಫೋಟೋಗಳು ಲಭ್ಯವಾಗಿದ್ದು, ರಚಿತಾ ಸೆಲ್ವಾರ್‌ನಲ್ಲಿ ಪಕ್ಕಾ ಹಳ್ಳಿ ಹುಡುಗಿಯಾಗಿ ಮಿಂಚುತ್ತಿದ್ದಾರೆ.
ಮಹೇಶ್‌ಕುಮಾರ್‌ ನಿರ್ದೇಶನದ ಅಯೋಗ್ಯಚಿತ್ರದ ಚಿತ್ರೀಕರಣ ಮಂಡ್ಯದ ಸುತ್ತಮುತ್ತ ನಡೆಯುತ್ತಿದೆ. ನೀನಾಸಂ ಸತೀಶ್‌ ಮತ್ತು ರಚಿತಾರಾಮ್‌ ಅವರು ಇರುವ ದೃಶ್ಯಗಳ ಶೂಟಿಂಗ್‌ ನಡೆಯುತ್ತಿದ್ದು. ಶಿವರಾಜ್‌ ಕೆ ಆರ್‌ ಪೇಟೆ, ಗಿರಿ ಸಹ ಶೂಟಿಂಗ್‌ನಲ್ಲಿ ಪಾಲ್ಗೊಂಡಿದ್ದಾರೆ. ಅಇಡೀ ಸಿನಿಮಾ ಮಂಡ್ಯ ಭಾಷೆಯಲ್ಲಿರುವುದರಿಂದ ಸತೀಶ್‌ಗೆ ಬಹಳ ಖುಷಿಯಾಗಿದೆಯಂತೆ.
ಈ ಬಗ್ಗೆ ಇತ್ತೀಚೆಗೆ ಅವರು ಟ್ವಿಟ್‌ ಮಾಡಿ ಮೂರು ವರ್ಷಗಳ ನಂತರ ಹುಟ್ಟೂರಿನ ಭಾಷೆಯಲ್ಲಿ ಬರುತ್ತಿದ್ದೇವೆ ಎಂದು ಕ್ಯಾಪ್ಷನ್‌ ಹಾಕಿದ್ದರು. ಹಳ್ಳಿ ಯುವಕನೊಬ್ಬ ಗ್ರಾಮ ಪಂಚಾಯಿತಿ ಸದಸ್ಯನಾಗುವ ಕತೆ ಇದರಲ್ಲಿದ್ದು, ಮಹೇಶ್‌ ಚೊಚ್ಚಲ ನಿರ್ದೇಶನ ಮಾಡುತ್ತಿದ್ದಾರೆ. ಚಮಕ್‌ ಚಿತ್ರದ ನಿರ್ಮಾಪಕ ಟಿ ಆರ್‌ ಚಂದ್ರಶೇಖರ್‌ ತಮ್ಮ ಕ್ರಿಸ್ಟ್‌ ಪಾರ್ಕ್‌ ಸಿನಿಮಾಸ್‌ನಡಿ ಈ ಚಿತ್ರವನ್ನು ನಿರ್ಮಾಣ ಮಾಡುತ್ತಿದ್ದಾರೆ. ಚಿತ್ರದ ಮೊದಲ ಹಂತದ ಚಿತ್ರೀಕರಣ ಮಂಡ್ಯದ ಸುತ್ತಮುತ್ತ ನಡೆಯುತ್ತದೆ.