ಬೋಲ್ಡ್ ಪಾತ್ರದಲ್ಲಿ ವಿಜಿ ಜತೆ ರಚಿತಾ ರಾಮ್

ರಚಿತಾ ರಾಮ್‌ ಮತ್ತು ದುನಿಯಾ ವಿಜಿ ಮೊದಲ ಬಾರಿಗೆ ಜೋಡಿಯಾಗಿ ಕಾಣಿಸಿಕೊಂಡಿರುವ ಜಾನಿ ಜಾನಿ ಎಸ್‌ ಪಪ್ಪಾ. ನಟಿ ರಚಿತಾ ಈಗ ವಿಜಿಗೆ ಜೋಡಿ. ಮೊದಲ ಬಾರಿಗೆ ಒಟ್ಟಿಗೆ ಕಾಣಿಸಿಕೊಳ್ಳುತ್ತಿರುವ ಜಾನಿ ಜಾನಿ ಎಸ್‌ ಪಪಾ ಚಿತ್ರದಲ್ಲಿ ರಚಿತಾ ಸಿಕ್ಕಾಪಟ್ಟೆ ಗ್ಲಾಮರಸ್‌ ಆಗಿ ಕಾಣಿಸಿಕೊಂಡಿದ್ದಾರೆ.

ಇಲ್ಲೀವರೆಗೆ ಯಾವ ಚಿತ್ರದಲ್ಲೂ ಇಷ್ಟು ಬೋಲ್ಡ್‌ ಆಗಿ ನಟಿಸಿಲ್ಲ ಎನ್ನಲಾಗಿದೆ. ಇದೀಗ ಚಿತ್ರ ಪೂರ್ಣಗೊಂಡಿದ್ದು, ಸದ್ಯದಲ್ಲೇ ಆಡಿಯೋ ರಿಲೀಸ್‌ ಆಗಲಿದೆ. ಜಾನಿ ಮೇರಾ ನಾಮ್‌ ಚಿತ್ರಕ್ಕೆ ಆ್ಯಕ್ಷನ್‌ ಕಟ್‌ ಹೇಳಿದ್ದ ಪ್ರೀತಂ ಗುಬ್ಬಿ ಜಾನಿ ಜಾನಿ ಎಸ್‌ ಪಪ್ಪಾ ಚಿತ್ರಕ್ಕೂ ನಿರ್ದೇಶನ ಮಾಡಿದ್ದಾರೆ. ಮಾಸ್‌ ಹೀರೋ ದುನಿಯಾವ ವಿಜಯ್‌ ಅವರಿಂದ ಫನ್‌ ಇರುವ ಸಿನಿಮಾ ಮಾಡಿ ಸಕ್ಸಸ್‌ ಆಗಿದ್ದ ಪ್ರೀತಂ ಈ ಬಾರಿ ಯಾವ ರೀತಿ ಫನ್‌ ಮಾಡಲಿದ್ದಾರೆ ಎಂಬ ಕುತೂಹಲ ಎಲ್ಲರಲ್ಲೂ ಇದೆ.

ಈ ಚಿತ್ರಕ್ಕೆ ದುನಿಯಾ ವಿಜಿ ಸಕತ್‌ ವರ್ಕೌಟ್‌ ಮಾಡಿ ಸಿಕ್ಸ್‌ ಪ್ಯಾಕ್‌ ಬೆಳೆಸಿದ್ದಾರೆ. ಈಗಾಗಲೇ ಚಿತ್ರದ ಫನ್ನಿ ಮೇಕಿಂಗ್‌ ವಿಡಿಯೋ ಆನ್‌ಲೈನ್‌ನಲ್ಲಿ ವೈರಲ್‌ ಆಗಿದೆ. ಜಾನಿಯಲ್ಲಿ ತಿಥಿ ಚಿತ್ರದ ಗಡ್ಡಪ್ಪ ವಿಶೇಷ ಪಾತ್ರದಲ್ಲಿ ನಟಿಸಿದ್ದಾರೆ. ಸಾಧು ಕೋಕಿಲಾ, ರಂಗಾಯಣ ರಘು ಚಿತ್ರದಲ್ಲಿದ್ದಾರೆ.