ರಮೇಶ್‌ ಜತೆ ರಾಧಿಕಾ ಚೇತನ್‌ ಡುಯೆಟ್‌

ರಂಗಿತರಂಗ ಖ್ಯಾತಿಯ ನಟಿ ರಾಧಿಕಾ ಚೇತನ್‌ ಹೊಸ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಶಿವಾಜಿ ಸುರತ್ಕಲ್‌ ಚಿತ್ರದಲ್ಲಿ ವಕೀಲೆಯಾಗಿ ಅವರು ಕಾಣಿಸಿಕೊಂಡಿದ್ದು, ಮೊದಲ ಬಾರಿಗೆ ರಮೇಶ್‌ ಅರವಿಂದ್‌ ಜತೆ ನಟಿಸುತ್ತಿದ್ದಾರೆ.

==

ರಾಧಿಕಾ ಚೇತನ್‌ ರಂಗಿತರಂಗದ ನಂತರ ಕೆಲ ಚಿತ್ರಗಳಲ್ಲಿ ನಟಿಸಿದ ನಂತರ, ಯು ಟರ್ನ್‌ ಚಿತ್ರದಲ್ಲಿ ವಿಭಿನ್ನ ಪಾತ್ರದಲ್ಲಿ ನಟಿಸಿದ್ದರು. ಈಗ ಲಾಯರ್‌ ಆಗಿ ತೆರೆಯ ಮೇಲೆ ಕಾಣಿಸಿಕೊಳ್ಳಲಿದ್ದಾರೆ. ಈ ಚಿತ್ರದಲ್ಲಿ ರಮೇಶ್‌ ಅರವಿಂದ್‌ ಇನ್‌ವೆಸ್ಟಿಗೇಷನ್‌ ಆಫೀಸರ್‌ ಆಗಿ ನಟಿಸಿರುವುದು ವಿಶೇಷ. ರಾಧಿಕಾ ಚೇತನ್‌ ರಮೇಶ್‌ ಪತ್ನಿಯಾಗಿ ನಟಿಸುತ್ತಿದ್ದಾರೆ. ಚಿತ್ರವನ್ನು ಆಕಾಶ್‌ ಶ್ರೀವತ್ಸ ನಿರ್ದೇಶನ ಮಾಡುತ್ತಿದ್ದಾರೆ.

ರಮೇಶ್‌ ಮತ್ತು ರಾಧಿಕಾ ಚೇತನ್‌ ನಟನೆಯಲ್ಲಿ ಹಾಡೊಂದರ ಚಿತ್ರೀಕರಣ ಮಾಡಲಾಗಿದೆ. ಮೈಸೂರು, ಕೆ. ಆರ್‌. ಸರ್ಕಲ್‌ಗಳಲ್ಲಿ ಜನನಿಬಿಡ ಪ್ರದೇಶಗಳಲ್ಲಿ ಚಿತ್ರೀಕರಣ ಮಾಡಲಾಗಿದೆ. ಜಯಂತ್‌ ಕಾಯ್ಕಿಣಿ ಹಾಡು ಬರೆದಿದ್ದು, ಜುಡಾ ಸ್ಯಾಂಡಿ ಸಂಗೀತ ಸಂಯೋಜನೆ ಮಾಡಿದ್ದಾರೆ.

ಈ ಚಿತ್ರದಲ್ಲಿ ಅರೋಹಿ ನಾರಾಯಣ್‌ ಕೂಡಾ ಮುಖ್ಯ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ವೈದ್ಯೆಯಾಗಿ ಅವರು ನಟಿಸಿದ್ದು, ರಮೇಶ್‌ ಅರವಿಂದ್‌ ಮತ್ತು ಆರೋಹಿ ಮುಖಾಮುಖಿಯಾಗಲಿದ್ದಾರೆ.