ಗ್ಲಾಮರ್ಗೆ ಹೆಸರಾದ ರಾಗಿಣಿ ಡಿಗ್ಲಾಮರಸ್ ರೋಲ್ನಲ್ಲಿ ನಟಿಸುತ್ತಾರೆ ಎಂದರೆ ನೀವು ನಂಬಲೇಬೇಕು. ಪ್ರದೀಪ್ರಾಜ್ ನಿರ್ದೇಶನದ 'ಕಿಚ್ಚು' ಸಿನಿಮಾದಲ್ಲಿ ರಾಗಿಣಿ ತೋಟದ ಕೆಲಸದಾಕೆಯಾಗಿ ನಟಿಸಲಿದ್ದಾರೆ. 'ನನಗೆ ಎಲ್ಲಾ ರೀತಿಯ ಪಾತ್ರಗಳಲ್ಲಿ ನಟಿಸುವುದು ಇಷ್ಟ. ಯಾವುದೇ ಒಂದು ಇಮೇಜ್ಗೆ ಫಿಕ್ಸ್ ಆಗೋಕೆ ಇಷ್ಟವಿಲ್ಲ. ಪಾತ್ರಗಳಲ್ಲಿ ವೆರೈಟಿ ಇರಬೇಕು ಎಂದು ಬಯಸುತ್ತೇನೆ. ಹಾಗಾಗಿ ಈ ಪಾತ್ರ ನನಗೆ ಹಿಡಿಸಿತು. ಒಪ್ಪಿಕೊಂಡೆ. ಕತೆ ಮತ್ತು ಪಾತ್ರ ಎರಡೂ ಬಹಳ ಚೆನ್ನಾಗಿದೆ. ತೋಟದಲ್ಲಿ ಕೆಲಸ ಮಾಡುವ ಹುಡುಗಿಯ ಕತೆ ಇದೆ' ಎನ್ನುತ್ತಾರೆ ರಾಗಿಣಿ. ಚಿತ್ರದಲ್ಲಿ ನಟ ಧ್ರುವ ಕೂಡಾ ನಟಿಸಲಿದ್ದಾರೆ. ಸಾಯಿಕುಮಾರ್ ಜತೆ ಮೊದಲ ಬಾರಿಗೆ ನಟಿಸಲಿರುವುದು ರಾಗಿಣಿಗೆ ಖುಷಿ ತಂದಿದೆ.
ಇನ್ನು ಇತ್ತೀಚೆಗೆ ರಾಗಿಣಿ ತಮ್ಮ ಹೆಸರಿಗೆ 'ಆರ್' ಎಂದು ಇನ್ನೊಂದು ಇಂಗ್ಲಿಷ್ ಲೆಟರ್ ಸೇರಿಸಿರುವುದು ಎಲ್ಲರ ಗಮನ ಸೆಳೆದಿದೆ. ಸಂಖ್ಯಾಶಾಸ್ತ್ರಕ್ಕಾಗಿ ಈ ರೀತಿ ಬದಲಾಯಿಸಿಕೊಂಡಿದ್ದಾರೆಂಬ ಸುದ್ದಿ ಕೇಳಿ ಬಂದಿದೆ. ಆದರೆ, ರಾಗಿಣಿ ಇದನ್ನು ನಿರಾಕರಿಸಿದ್ದಾರೆ. 'ಇನ್ಸ್ಟಾಗ್ರಾಂ ಮತ್ತು ಟ್ವಿಟ್ಟರ್ನಲ್ಲಿ .. ಆರ್ ಅಂತ ಸೇರಿಸಲು ಮುಖ್ಯ ಕಾರಣ ಸೇಫ್ಟಿ ಮತ್ತು ಜನರಿಗೆ ಕನ್ಫ್ಯೂಸ್ ಆಗಬಾರದು ಅನ್ನೋದು. ಹೆಸರನ್ನು ಸ್ಟ್ರಾಂಗ್ ಆಗಿ ಗುರುತಿಸಬಹುದು. ಅಲ್ಲದೆ, ಅಕೌಂಟ್ ಹ್ಯಾಕ್ ಆಗೋದು ಸಾಮಾನ್ಯವಾಗಿಬಿಟ್ಟಿದೆ. ಅದಕ್ಕೆ ಈ ರೀತಿ ಸೇರಿಸಿದೆ ಅಷ್ಟೆ' ಎನ್ನುತ್ತಾರವರು.