ಟ್ರೆಂಡ್‌ ಆಯ್ತು ರಾಜರಥ ಟ್ರೇಲರ್‌

ರಂಗಿತರಂಗ ಖ್ಯಾತಿಯ ಅನೂಪ್ ಭಂಡಾರಿಯರವರ ಎರಡನೇ ಚಿತ್ರ 'ರಾಜರಥ'ದ ಬಗ್ಗೆ ಈಗಾಗಲೇ ಸಾಕಷ್ಟು ನಿರೀಕ್ಷೆ ಮೂಡಿಸಿದೆ. ಇದೀಗ ಚಿತ್ರದ ಟ್ರೇಲರ್‌ ಬಿಡುಗಡೆಯಾದ ಕೆಲವೇ ಗಂಟೆಗಳಲ್ಲಿ ಟ್ರೆಂಡಿಂಗ್‌ನಲ್ಲಿದೆ.

ಪುನೀತ್‌ ರಾಜ್‌ಕುಮಾರ್‌ ಹಿನ್ನೆಲೆ ಧ್ವನಿಯಲ್ಲಿ ಈ ಟ್ರೇಲರ್‌ ಮೂಡಿ ಬಂದಿದೆ. ಚಿತ್ರದ ತಾರಾಬಣವನ್ನು ವಿಭಿನ್ನ ಶೈಲಿಯಲ್ಲಿ ಪರಿಚಯಿಸುವ ರೀತಿ ವೀಕ್ಷಕರ ಗಮನ ಸೆಳೆದಿದೆ.

ಈ ಚಿತ್ರದಲ್ಲಿ ರವಿಶಂಕರ್ ಅವರ ಲುಕ್‌ ನೋಡಿದರೆ ಅವರು ಹಾಸ್ಯನಟರಾಗಿದ್ದಾರಾ? ಖಳ ನಟರಾಗಿದ್ದಾರಾ ಎಂಬ ಸಂಶಯ ಬರುವಂತಿದೆ.

ಟ್ರೇಲರ್‌ನಲ್ಲಿ ನಿರೂಪ್ ಭಂಡಾರಿ, ಆವಂತಿಕಾ ಶೆಟ್ಟಿ, ರವಿಶಂಕರ್, ಆರ್ಯ ಈ ನಟರ ಪಾತ್ರಗಳನ್ನು ವಿಶೇಷವಾಗಿ ತೋರಿಸುವ ಮೂಲಕ ಚಿತ್ರದ ಕುರಿತ ಕುತೂಹಲ ಮತ್ತಷ್ಟು ಗರಿಗೆದರುವಂತೆ ಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ ಅನೂಪ್‌ ಭಂಡಾರಿ.