ಸೌಂದರ್ಯಾ ರಜನಿಕಾಂತ್ ದಾಂಪತ್ಯ ಅಂತ್ಯ

ಚೆನ್ನೈ: ತಮಿಳು ಸೂಪರ್ ಸ್ಟಾರ್ ರಜನಿಕಾಂತ್ ಪುತ್ರಿ ಸೌಂದರ್ಯಾ ಅವರ ಏಳು ವರ್ಷಗಳ ದಾಂಪತ್ಯ ಜೀವನಕ್ಕೆ ಇಂದು ಅಂತ್ಯ ಕಂಡಿದ್ದು, ಇವರ ವಿಚ್ಛೇದನಕ್ಕೆ ಚೆನ್ನೈನ ಕೌಟುಂಬಿಕ ನ್ಯಾಯಾಲಯ ಒಪ್ಪಿಗೆ ಸೂಚಿಸಿದೆ. ತನ್ನ ಪತಿ ಹಾಗೂ ಉದ್ಯಮಿ ಅಶ್ವಿನ್ ಜತೆಗಿನ ಭಿನ್ನಾಭಿಪ್ರಾಯಗಳ ಕಾರಣ ಇಬ್ಬರೂ ಪರಸ್ಪರ ಒಪ್ಪಿ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಿದ್ದರು.

ಕಳೆದ ಏಳು ತಿಂಗಳಿಂದ ಇವರ ವಿಚ್ಛೇದನ ಪ್ರಕರಣದ ವಿಚಾರಣೆ ಕೌಟುಂಬಿಕ ನ್ಯಾಯಾಲಯದಲ್ಲಿ ನಡೆಯುತ್ತಿತ್ತು. ಆದರೂ ಯಾವುದೇ ತಕರಾರು, ಗದ್ದಲ ಗಲಾಟೆ ಇಲ್ಲದಂತೆ ಇಬ್ಬರೂ ಈಗ ದೂರವಾಗಿದ್ದಾರೆ. ಇಬ್ಬರೂ ಪರಸ್ಪರ ಒಪ್ಪಿದ್ದ ಕಾರಣ ಇವರ ವಿಚ್ಛೇದನ ಪ್ರಕರಣ ಸುಲಭವಾಗಿ ಬಗೆಹರಿದೆ. ಪರಿಹಾರದ ಮೊತ್ತ, ಜೀವನಾಂಶ ಇತ್ಯಾದಿ ಇವರಗಳು ಸದ್ಯಕ್ಕೆ ಲಭ್ಯವಿಲ್ಲ.

2010 ಸೆಪ್ಟೆಂಬರ್ 3ರಂದು ಸೌಂದರ್ಯಾ ಹಾಗೂ ಅಶ್ವಿನ್ ದಾಂಪತ್ಯ ಜೀವನಕ್ಕೆ ಅಡಿಯಿಟ್ಟಿದ್ದರು. ಇವರಿಗೆ ನಾಲ್ಕು ವರ್ಷದ ಮಗ ಇದ್ದಾನೆ. ಮಗು ಯಾರ ಸುಪರ್ದಿಗೆ ಸೇರಬೇಕು ಎಂಬುದನ್ನು ಬಹಿರಂಗಪಡಿಸಿಲ್ಲ. ಆರಂಭದಲ್ಲೇ ಇವರಿಬ್ಬರ ವಿಚ್ಛೇದನದ ಬಗ್ಗೆ ಸುದ್ದಿಗಳು ಹರಿದಾಡಿದ್ದರೂ ಇದನ್ನು ತಳ್ಳಿಹಾಕಿದ್ದರು ಸೌಂದರ್ಯಾ.

The seven-year marriage of superstar Rajinikanth’s daughter Soundarya came to an end on Tuesday, when a family court in Chennai passed an order judicial separation.