ಮಗಳ ಮದುವೆಗೆ ಪೊಲೀಸ್ ಭದ್ರತೆ ಕೇಳಿದ ರಜನಿಕಾಂತ್ ಪತ್ನಿ

ತಮಿಳು ನಟ ರಜನಿಕಾಂತ್ ಪುತ್ರಿ ಸೌಂದರ್ಯ ರಜನಿಕಾಂತ್ ಮದುವೆ ಇದೇ ಫೆಬ್ರವರಿ 10 ಮತ್ತು 12ರಂದು ನಡೆಯುತ್ತಿದೆ. ಈ ಹಿನ್ನೆಲೆಯಲ್ಲಿ ರಜನಿಕಾಂತ್ ಪತ್ನಿ ಲತಾ ಪೊಲೀಸ್ ಭದ್ರತೆಗೆ ಮನವಿ ಸಲ್ಲಿಸಿದ್ದಾರೆ. ಚೆನ್ನೈನ ಪೊಯಸ್ ಗಾರ್ಡನ್‌ನಲ್ಲಿ ರಜನಿಕಾಂತ್ ಪುತ್ರಿ ಸೌಂದರ್ಯ ರಜನಿಕಾಂತ್ ಮದುವೆ ನಡೆಯಲಿದೆ.

ನಟ ಬ್ಯುಸಿನೆಸ್‍ಮ್ಯಾನ್ ವಿಶಾಗನ್ ವನಂಗಮುಡಿ ಜತೆಗೆ ಮುಂದಿನ ವಾರ ಸಪ್ತಪದಿ ತುಳಿಯುತ್ತಿದ್ದಾರೆ ಸೌಂದರ್ಯ. ಮದುವೆ ಸಿದ್ಧತೆಗಳು ಹಾಗೂ ಮದುವೆ ಕಾರ್ಯಕ್ರಮ ರಜನಿಕಾಂತ್ ಅವರ ನಿವಾಸ ಪೊಯಸ್ ಗಾರ್ಡನ್‌ನಲ್ಲಿ ನೆರವೇರಲಿವೆ.

ಈ ಮದುವೆಗೆ ಹಲವಾರು ಗಣ್ಯರು, ವಿವಿಐಪಿಗಳು ಆಗಮಿಸುತ್ತಿರುವ ಕಾರಣ ಟ್ರಾಫಿಕ್ ಸಮಸ್ಯೆ ಆಗದಂತೆ ಹಾಗೂ ರಕ್ಷಣೆ ದೃಷ್ಟಿಯಿಂದ ಪೊಲೀಸ್ ಭದ್ರತೆ ಕಲ್ಪಿಸಬೇಕು ಎಂದು ತೈನಂಪೇಟ್ ಪೊಲೀಸ್ ಇನ್ಸ್‌ಪೆಕ್ಟರ್‌ಗೆ ಪತ್ರದ ಮೂಲಕ ಮನವಿ ಸಲ್ಲಿಸಿದ್ದಾರೆ.

ಸುತ್ತಮುತ್ತಲಿನ ನಿವಾಸಿಗಳಿಗೆ ತೊಂದರೆ ಆಗದಂತೆ ವಾಹನಗಳ ಸಂಚಾರಕ್ಕೆ ಅಡೆತಡೆಯಾಗದಂತೆ ಗಣ್ಯರಿಗೆ ಭದ್ರತೆ ಕಲ್ಪಿಸುವುದಾಗಿ ಪೊಲೀಸರು ರಜನಿಕಾಂತ್ ಕುಟುಂಬಕ್ಕೆ ತಿಳಿಸಿದ್ದಾರೆ ಎಂದಿವೆ ಮೂಲಗಳು.

ಇದೇ ಫೆಬ್ರವರಿ 11ರಂದು ಸೌಂದರ್ಯಾ ಎರಡನೇ ಮದುವೆ ಆಗುತ್ತಿದ್ದಾರೆ. ನಟ, ಉದ್ಯಮಿ ವಿಶಾಗನ್ ವನಂಗಮುಡಿ ಕೈ ಹಿಡಿಯುತ್ತಿದ್ದಾರೆ ಸೌಂದರ್ಯಾ. ಮದುವೆ ಸಿದ್ಧತೆಗಳು ಭರದಿಂದ ಸಾಗಿವೆ. ಸೌಂದರ್ಯಾ ಮೊದಲ ಮದುವೆ ಉದ್ಯಮಿ ಅಶ್ವಿನ್ ರಾಮ್‍ಕುಮಾರ್ ಜತೆಗೆ ನಡೆದಿತ್ತು. ಅವರ ದಾಂಪತ್ಯದ ಫಲವಾಗಿ ಒಂದು ಮಗ ಇದೆ. 2016ರಲ್ಲಿ ದಾಂಪತ್ಯದಲ್ಲಿ ಉಂಟಾದ ಬಿರುಕು ವಿವಾಹ ವಿಚ್ಛೇದನಕ್ಕೆ ದಾರಿಯಾಯಿತು. 2017ರಲ್ಲಿ ಪರಸ್ಪರ ಒಪ್ಪಿಗೆ ಮೇರೆಗೆ ವಿಚ್ಛೇದನ ಪಡೆಯಿತು ಈ ಜೋಡಿ.