ಇದುವರೆಗೆ ಯಾರೂ ನನಗೆ ಪ್ರಪೋಸ್ ಮಾಡಿಲ್ಲ: ರಾಕುಲ್ ಪ್ರೀತ್ ಸಿಂಗ್‍

ಸ್ಯಾಂಡಲ್‌ವುಡ್‌ನ 'ಗಿಲ್ಲಿ' ಚಿತ್ರದ ಮೂಲಕ ಬಣ್ಣದ ಜಗತ್ತಿಗೆ ಅಡಿಯಿಟ್ಟ ರಾಕುಲ್ ಪ್ರೀತ್ ಸಿಂಗ್ ಈಗ ಟಾಲಿವುಡ್, ಬಾಲಿವುಡ್‌ನಲ್ಲಿ ಮಿಂಚುತ್ತಿದ್ದಾರೆ. ಇತ್ತೀಚೆಗೆ ಬಾಲಿವುಡ್‌ನ 'ದೇ ದೇ ಪ್ಯಾರ್ ದೇ' ಸಿನಿಮಾ ಮೂಲಕ ಪ್ರೇಕ್ಷಕರ ಮುಂದೆ ಬಂದಿದ್ದು ಆ ಚಿತ್ರ ಬಾಕ್ಸ್ ಆಫೀಸಲ್ಲಿ ಮುನ್ನುಗ್ಗುತ್ತಿದೆ.

ದಕ್ಷಿಣದಲ್ಲಿ ಅವಕಾಶಗಳು ಇಳಿಮುಖವಾದ ಹಿನ್ನೆಲೆಯಲ್ಲಿ ಬಾಲಿವುಡ್‌ ಕಡೆಗೆ ಹೆಚ್ಚು ಗಮನಹರಿಸಿದ್ದಾರೆ. ಅಜಯ್ ದೇವಗನ್ ಜತೆಗಿನ 'ದೇ ದೇ ಪ್ಯಾರ್ ದೇ' ಮೊದಲ ನಾಲ್ಕು ದಿನಗಳಲ್ಲೇ ದೇಶದಾದ್ಯಂತ ₹ 44.73 ಕೋಟಿ ಕಲೆಕ್ಷನ್ ಮಾಡಿತು. ಚಿತ್ರ ಯಶಸ್ವಿಯಾದ ಹಿನ್ನೆಲೆಯಲ್ಲಿ ರಾಕುಲ್ ಪ್ರೀತ್ ಸಿಂಗ್ ಖುಷಿಯಾಗಿದ್ದಾರೆ. ಹಾಗಾಗಿ ನೆಟ್ಟಿಗರ ಜತೆಗೆ ಸರಸಸಲ್ಲಾಪ ಮಾಡುತ್ತಾ ಅವರು ಕೇಳಿದ ಪ್ರಶ್ನೆಗಳಿಗೆ ಉತ್ತರಿಸಿದ್ದಾರೆ.

ತನಿಗಿಷ್ಟವಾದ ಪ್ರದೇಶದ ಬಗ್ಗೆ ಮಾತನಾಡಿರುವ ಅವರು, ಸ್ನೇಹಿತರು ಇರುವ ಪ್ರದೇಶ ಯಾವುದೇ ಪ್ರದೇಶವಾದರೂ ನನಗಿಷ್ಟ ಎಂದಿದ್ದಾರೆ. ಸಮಂತಾ ಬಗ್ಗೆ ನಿಮ್ಮ ಕಾಮೆಂಟ್ ಏನು ಎಂಬ ಪ್ರಶ್ನೆಗೆ, "ನನಗೆ ಸಮಂತಾ ಎಂದರೆ ಇಷ್ಟ. ಅವರು ಪವರ್ ವುಮನ್" ಎಂದಿದ್ದಾರೆ.

ಬಳಿಕ ಅಕ್ಕಿನೇನಿ ನಾಗಾರ್ಜುನ ಜತೆಗಿನ ಮನ್ಮಥುಡು 2 ಸಿನಿಮಾ ಬಗ್ಗೆ ಮಾತನಾಡುತ್ತಾ, "ಸೆಟ್‌ನಲ್ಲಿ ಒಟ್ಟಾರೆ ತಮಾಷೆ ಇರುತ್ತಿತ್ತು. ಪಾಸಿಟೀವಿಟಿಯೊಂದಿಗೆ ತುಂಬಿರುತ್ತಿತ್ತು" ಎಂದು ಹೇಳಿದ್ದಾರೆ. ಓರ್ವ ನೆಟ್ಟಿಗ ಮಾತ್ರ ಸ್ವಲ್ಪ ಭಿನ್ನ ಪ್ರಶ್ನೆ ಕೇಳಿದ್ದಾನೆ. ಇದುವರೆಗೆ ನಿಮಗೆ ಎಷ್ಟು ಮಂದಿ ಲವ್ ಪ್ರಪೋಸ್ ಮಾಡಿದ್ದಾರೆ? ಎಂದು ಕೇಳಿದ್ದಾನೆ.

ಈ ಪ್ರಶ್ನೆಗೆ ಉತ್ತರಿಸಿರುವ ರಾಕುಲ್, "ಇದುವರೆಗೂ ನನಗೆ ಯಾರು ಪ್ರಪೋಸ್ ಮಾಡಿಲ್ಲ" ಎಂದಿದ್ದಾರೆ. ರಾಜಮೌಳಿ ಸಿನಿಮಾದಲ್ಲಿ ನಟಿಸುವ ಅವಕಾಶ ಸಿಕ್ಕಿದರೆ ಕೂಡಲೆ ಒಪ್ಪಿಕೊಳ್ಳುತ್ತೇನೆ ಎಂದಿದ್ದಾರೆ.