ಕನ್ನಡದಲ್ಲಿ ಸದ್ಯವೇ ಸದ್ದು ಮಾಡಲಿದೆ ತೆಲುಗು 'ರಂಗಸ್ಥಳಂ'

ಟಾಲಿವುಡ್‌ನಲ್ಲಿ ಕಳೆದ ವರ್ಷ ತೆರೆಕಂಡು ಸೂಪರ್ ಹಿಟ್ ದಾಖಲಿಸಿದ್ದ ರಾಮ್‌ಚರಣ್ ಮತ್ತು ಸಮಂತಾ ಜೋಡಿಯ 'ರಂಗಸ್ಥಲಂ' ಚಿತ್ರವು ಕನ್ನಡಕ್ಕೆ ರೀಮೇಕ್ ಆಗಿದೆ. ಈ ಚಿತ್ರದ ವಿತರಣೆ ಹಕ್ಕನ್ನು ನಿರ್ಮಾಪಕರಾದ ಜಾಕ್ ಮಂಜು ಪಡೆದುಕೊಂಡಿದ್ದಾರೆ. ತೆಲುಗು ಚಿತ್ರರಂಗದಲ್ಲಿ ಹೊಸ ಅಲೆಯನ್ನು ಎಬ್ಬಿಸಿದ್ದ ಈ ಚಿತ್ರವು ಇದೀಗ ತಮಿಳು, ಕನ್ನಡ ಮತ್ತು ಮಲಯಾಳಂ ಭಾಷೆಗಳಲ್ಲಿ ರೀಮೇಕ್ ಆಗುತ್ತಿದೆ. ಕನ್ನಡದಲ್ಲಿ ಬರಲಿರುವ ಈ ಚಿತ್ರದ ಹೆಸರು 'ರಂಗಸ್ಥಳಂ'.

ಕನ್ನಡದಲ್ಲಿ ಮೂಡಿ ಬರಲಿರುವ ತೆಲುಗು 'ರಂಗಸ್ಥಲಂ' ರೀಮೇಕ್ ಚಿತ್ರವು, ತನ್ನ ಕೊನೆಯ ಹಂತದ ಡಬ್ಬಿಂಗ್ ಕಾರ್ಯದಲ್ಲಿ ನಿರತವಾಗಿದೆ. ನಂತರ ಗ್ರಾಫಿಕ್ಸ್' ಕೆಲಸ ಮುಗಿಸಿ ತೆರೆಗೆ ತರಲು ನಿರ್ಧರಿಸಲಾಗಿದೆ. ಬಾಕಿ ಇರುವ ಕೆಲಸಗಳನ್ನೆಲ್ಲ ಮುಗಿಸಿಕೊಂಡು ಈ ಚಿತ್ರವು ಇದೇ ತಿಂಗಳು, ಮಾರ್ಚ್ 2019ರ ಕೊನೆಯಲ್ಲಿ ಬಿಡುಗಡೆ ಆಗಲಿದೆ ಎಂದಿದೆ ಚಿತ್ರತಂಡ. ಈ ಬಗ್ಗೆ ನಿರ್ಮಾಪಕರಾಗಿರುವ ಜಾಕ್ ಮಂಜು ಅವರು ಅಧಿಕೃತವಾಗಿ ಬಿಡುಗಡೆಯನ್ನು ಘೋಷಿಸಬೇಕಿದೆ.

ಕಳೆದ ವರ್ಷ ಟಾಲಿವುಡ್‌ನಲ್ಲಿ ಭಾರಿ ಸೂಪರ್ ಹಿಟ್ ಎನಿಸಿದ್ದ 'ರಂಗಸ್ಥಲಂ' ಚಿತ್ರವು, ಭಾರೀ ಮೊತ್ತದ ಬಾಕ್ಸ್ ಆಫೀಸ್‌ ಕಲೆಕ್ಷನ್ ಕೂಡ ದಾಖಲಿಸಿತ್ತು. ಮಗಧೀರ ನಂತರ ಸೂಪರ್ ಹಿಟ್ ಚಿತ್ರ ನೀಡಲು ಸಾಧ್ಯವಾಗದೇ ಒದ್ದಾಡುತ್ತಿದ್ದ ಮೆಗಾ ಸ್ಟಾರ್ ಚಿರಂಜೀವಿ ಮಗ ರಾಮ್‌ಚರಣ್, ಈ ರಂಗಸ್ಥಲೋ ಚಿತ್ರದ ಮೂಲಕ ಮತ್ತೆ ತಮ್ಮ ಮಾಕ್ಏಟ್ ಹೆಚ್ಚಿಸಿಕೊಂಡರು. ಇನ್ನು ನಟಿ ಸಮಂತಾ ಮದುವೆ ಆಗಿದ್ದರೂ ತೆರೆಯ ಮೇಲೆ ಮೊದಲಿನಷ್ಟೇ ಬೋಲ್ಡ್ ಆಗಿ ನಟಿಸಿ ಸೈ ಎನಿಸಿಕೊಂಡರು. ಈ ಚಿತ್ರದ ಮೂಲಕ ಸಮಂತಾ ತಮಗೆ ಮದುವೆ ಆಗಿದ್ದರೂ ಎಳ್ಳಷ್ಟೂ ಬೇಡಿಕೆ ಕಡಿಮೆ ಆಗಿಲ್ಲ ಎಂಬ ಸಂದೇಶವನ್ನು ಇಡೀ ಸೌತ್ ಇಂಡಿಯಾಕ್ಕೆ ನೀಡಿದ್ದಾರೆ ಎನ್ನಲಾಗಿದೆ.