ಪ್ರಿಯಾಂಕಾ ಮೆಟ್ ಗಾಲಾ ಲುಕ್‌ಗೆ ರಾಮ್ ಗೋಪಾಲ್ ವರ್ಮಾ ಸಲ್ಯೂಟ್!

ಅಮೆರಿಕದಲ್ಲಿ ನಡೆದ 'ಮೆಟ್ ಗಾಲಾ 2019' ಕಾರ್ಯಕ್ರಮದಲ್ಲಿ ಪಿಂಕ್ ಕಾರ್ಪೆಟ್‍ ಮೇಲೆ ವಿಚಿತ್ರ ಉಡುಗೆ ತೊಡುಗೆಯಲ್ಲಿ ಕಾಣಿಸಿಕೊಂಡ ಪ್ರಿಯಾಂಕಾ ಚೋಪ್ರಾ ಸಖತ್ ಟ್ರಾಲ್ ಆಗಿದ್ದು ಗೊತ್ತೇ ಇದೆ. ಈ ಕಾರ್ಯಕ್ರಮದಲ್ಲಿ ಸಿಲ್ವರ್ ಗೌನ್, ಕೆದರಿದ ಕೂದಲು ಅದರ ಮೇಲೆ ಹಕ್ಕಿ ಗೂಡು ಇರುವ ಸ್ಟೈಲ್‌ನಲ್ಲಿ ಪ್ರಿಯಾಂಕಾ ಚೋಪ್ರಾ ಕಾಣಿಸಿಕೊಂಡಿದ್ದರು.

ಪ್ರಿಯಾಂಕಾ ಚೋಪ್ರಾ ಅವತಾರಕ್ಕೆ ಸಿಕ್ಕಾಪಟ್ಟೆ ಕಾಮೆಂಟ್‍ಗಳು ಬಂದಿದ್ದು ಎಲ್ಲರೂ ಅವರ ಸ್ಟೈಲನ್ನು ಅಣಕಿಸಿದ್ದಾರೆ. ಆದರೆ ರಾಮ್ ಗೋಪಾಲ್ ವರ್ಮಾ ಮಾತ್ರ ಸಲ್ಯೂಟ್ ಹೊಡೆದಿದ್ದಾರೆ. ತಮ್ಮದೇ ಶೈಲಿಯಲ್ಲಿ ಲೈಟ್ ಆಗಿ ಅಪಹಾಸ್ಯ ಮಾಡಿದ್ದಾರೆ.

ಪ್ರಿಯಾಂಕಾ ಅವರ ಹೇರ್ ಸ್ಟೈಲಿಸ್ಟ್‌ಗೆ ಸಲ್ಯೂಟ್ ಮಾಡಿದ್ದು, ಪ್ರಿಯಾಂಕಾ ತಲೆಗೂದಲನ್ನು ವೀರಪ್ಪನ್ ಮೀಸೆ ಕೆಳಗೆ ಅಳವಡಿಸಿದ ಫೋಟೋ ಹಂಚಿಕೊಂಡಿದ್ದಾರೆ. "ತುಂಬಾ ಜನಪ್ರಿಯವಾದ ಆ ಮೀಸೆ ಕೆಳಗೆ ಆ ಹೇರ್ ಸ್ಟೈಲ್ ಸರಿಯಾಗಿ ಹೊಂದಿಕೆಯಾಗಿದೆ. ವೀರಪ್ಪನ್ ಮೀಸೆ ರೀತಿಯಲ್ಲೇ ಪ್ರಿಯಾಂಕಾ ಹೇರ್ ಸ್ಟೈಲ್ ಮಾಡಿದ್ದಕ್ಕೆ ಆ ಹೇರ್ ಸ್ಟೈಲಿಸ್ಟ್‌ಗೆ ವೈಯಕ್ತಿಕವಾಗಿ ಸಲ್ಯೂಟ್ ಮಾಡುತ್ತಿದ್ದೇನೆ. ಐ ಲವ್ ಇಟ್" ಎಂದಿದ್ದಾರೆ.

ಆ ಹೇರ್ ಸ್ಟೈಲಿಸ್ಟ್ ತನಗೆ ಯಾಕೆ ಇಷ್ಟವಾದ ಎಂಬುದನ್ನು ಹೇಳಿದ್ದಾರೆ. ಒಟ್ಟಾರೆ ಹೇರ್ ಸ್ಟೈಲ್ ಕಾರಣ ಪ್ರಿಯಾಂಕಾ ಚೋಪ್ರಾ ಮತ್ತೊಮ್ಮೆ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿದ್ದಾರೆ.