ರಾಜ್‌ ಮೊಮ್ಮಗನ ಚಿತ್ರಕ್ಕೆ ರ‍್ಯಾಂಬೋ ಅನಿಲ್‌

* ಹರೀಶ್‌ ಬಸವರಾಜ್‌

Vijaya Karnataka Web

ಮೊದಲು ನಾನು ಸಿನಿಮಾಗಳನ್ನು ಒಬ್ಬ ಪ್ರೇಕ್ಷಕನಂತೆ ನೋಡುತ್ತಿದ್ದೆ ಈಗ ಪ್ರತಿಯೊಂದು ಚಿತ್ರವನ್ನು ವಿಧೇಯ ವಿದ್ಯಾರ್ಥಿಯಂತೆ ನೋಡುತ್ತಿದ್ದೇನೆ ಎಂದು ಹೇಳಿದ್ದಾರೆ ಡಾ. ರಾಜ್‌ಕುಮಾರ್‌ ಅವರ ಮೊಮ್ಮಗ ಹಾಗೂ ನಟ ರಾಮ್‌ಕುಮಾರ್‌ ಅವರ ಪುತ್ರ ಧೀರೇನ್‌ ರಾಮ್‌ಕುಮಾರ್‌.

ದಿಲ್‌ವಾಲ, ರ‍್ಯಾಂಬೋ-2 ಸಿನಿಮಾಗಳ ನಿರ್ದೇಶಕ ಅನಿಲ್‌ಕುಮಾರ್‌ ನಿರ್ದೇಶನ ಮಾಡಲಿರುವ ಚಿತ್ರದ ಮೂಲಕ ಅವರು ಚಿತ್ರರಂಗಕ್ಕೆ ಪ್ರವೇಶ ಮಾಡಲಿದ್ದು, ಅನಿಲ್‌ ಈಗ ಯಶ್‌ ನಟಿಸುತ್ತಿರುವ ಮೈ ನೇಮ್‌ ಈಸ್‌ ಕಿರಾತಕ ಸಿನಿಮಾ ಕೆಲಸದಲ್ಲಿದ್ದು, ಅದು ಮುಗಿದ ಕೂಡಲೇ ಧೀರೇನ್‌ ಸಿನಿಮಾ ಶುರು ಮಾಡಲಿದ್ದಾರೆ.

'ನಾನು ಚಿಕ್ಕ ವಯಸ್ಸಿನಿಂದಲೂ ಸಿನಿಮಾ ನೋಡುತ್ತಾ ಬೆಳೆದಿದ್ದೇನೆ. ಆದರೆ ಈಗ ನಾನು ಸಿನಿಮಾ ನೋಡುವ ಶೈಲಿ ಬದಲಾಗಿದೆ. ನನ್ನ ಮಾವಂದಿರು ಮತ್ತು ಅಪ್ಪ ಎಲ್ಲರೂ ನನಗೆ ಸಿನಿಮಾ ಬಗ್ಗೆ ಸಾಕಷ್ಟು ಟಿಫ್ಸ್‌ ಕೊಟ್ಟಿದ್ದಾರೆ. ಪ್ರತಿ ಸಿನಿಮಾವನ್ನು ಕಲಿಯುವ ದೃಷ್ಟಿಯಿಂದ ನೋಡು, ಆ್ಯಕ್ಟಿಂಗ್‌ನಲ್ಲಿ ಬೆಸ್ಟ್‌ ಮಾಡುವುದು ಹೇಗೆ ಎಂಬುದರ ಬಗ್ಗೆ ಹೇಳಿಕೊಟ್ಟಿದ್ದಾರೆ. ಅಲ್ಲದೆ ನಾನು ಎಲ್ಲ ರೀತಿಯ ಸಿನಿಮಾಗಳನ್ನು ಮಾಡುತ್ತೇನೆ. ಒಂದೇ ಜಾನರ್‌ಗೆ ಫಿಕ್ಸ್‌ ಆಗುವುದಿಲ್ಲ' ಎಂದು ಹೇಳುತ್ತಾರೆ ಧೀರೇನ್‌ . ಇನ್ನು ಧಿವಿರೇನ್‌ ಕಳೆದ ಎರಡು ವರ್ಷಗಳಿಂದ ರಂಗಕರ್ಮಿ ಗೌರಿದತ್ತು ಅವರ ಬಳಿ ನಟನೆ ಕಲಿಯುತ್ತಿದ್ದಾರೆ. ಧೀರೇನ್‌ ನಟಿಸುತ್ತಿರುವ ಸಿನಿಮಾವನ್ನು ಜಯಣ್ಣ ನಿರ್ಮಾಣ ಮಾಡಲಿದ್ದಾರೆ.