ನಾಯಕ ನಟನಾಗಿ ಕನ್ನಡಕ್ಕೆ ರಾಣಾ ದಗ್ಗುಬಾಟಿ

ಬಾಹುಬಲಿ ಚಿತ್ರದ ಬಲ್ಲಾಳದೇವ ಖ್ಯಾತಿಯ ರಾಣಾ ದಗ್ಗುಬಾಟಿ ಕನ್ನಡ ಸಿನಿಮಾವೊಂದರಲ್ಲಿ ನಟಿಸಲು ಒಪ್ಪಿಕೊಂಡಿದ್ದಾರೆ. ಎಲ್‌ಟಿಟಿಯ ವಿಷಯ ಹೊತ್ತು ತೆರೆಗೆ ಬರಲಿರುವ ಸಿನಿಮಾದಲ್ಲಿ ಇವರು ನಾಯಕನಾಗಿ ನಟಿಸುತ್ತಿದ್ದಾರೆ. ಈ ಚಿತ್ರವನ್ನು ಕನ್ನಡದ ನಿರ್ದೇಶಕ ಎಎಂಆರ್‌ ರಮೇಶ್‌ ನಿರ್ದೇಶಿಸುವುದರ ಜತೆಗೆ ನಿರ್ಮಾಣವನ್ನೂ ಮಾಡುತ್ತಿದ್ದಾರೆ. ಇವರ ಜತೆ ರಾಣಾ ತಂದೆ ಸುರೇಶ್‌ ಕೂಡ ಕೈ ಜೋಡಿಸಿರುವುದು ವಿಶೇಷ.

ಈ ಕುರಿತು ನಿರ್ದೇಶಕರು ಹೇಳುವುದು ಹೀಗೆ, 'ಸಾಮಾನ್ಯವಾಗಿ ನಾನು ನೈಜ ಘಟನೆಗಳನ್ನೇ ಆಧರಿಸಿದ ಚಿತ್ರ ಮಾಡಿದ್ದೇನೆ. ಎಲ್‌ಟಿಟಿ ಕೂಡ ಅದೇ ಮಾದರಿಯ ಸಿನಿಮಾ. ಈಗಾಗಲೇ ಕಥೆಯನ್ನು ರಾಣಾಗೆ ಹೇಳಿದ್ದೇನೆ. ಅವರು ಕೂಡ ಪಾತ್ರ ಮಾಡಲು ಒಪ್ಪಿಕೊಂಡಿದ್ದಾರೆ. ಜನವರಿ 2019ರಲ್ಲಿ ಈ ಚಿತ್ರ ಸೆಟ್ಟೇರಲಿದೆ' ಅಂತಾರೆ ನಿರ್ದೇಶಕರು.

ರಾಣಾ ಯಾವ ರೀತಿಯ ಪಾತ್ರ ಮಾಡುತ್ತಿದ್ದಾರೆ ಎಂಬ ಮಾಹಿತಿಯನ್ನು ನಿರ್ದೇಶಕರು ಬಿಟ್ಟುಕೊಟ್ಟಿಲ್ಲ. ಆದರೆ, ಎಲ್‌ಟಿಟಿಯ ಪ್ರಮುಖರೊಬ್ಬರ ಪಾತ್ರ ಅದಾಗಿದೆ ಎನ್ನಲಾಗುತ್ತಿದೆ.