ಸೆಲೆಬ್ರಿಟಿಗಳ ಜತೆಗೆ ಬಣ್ಣದ ಓಕುಳಿ ಆಚರಿಸಿ

ಬಣ್ಣದ ಹಬ್ಬ ಹೋಳಿಯನ್ನು ವಿಭಿನ್ನವಾಗಿ ಆಚರಿಸಲು 'ರಂಗ್‌ ದೇ ಬೆಂಗಳೂರು 2019' ಟೀಮ್‌ ಭರ್ಜರಿ ಸಿದ್ಧತೆ ಮಾಡಿಕೊಂಡಿದೆ. ಸ್ಯಾಂಡಲ್‌ವುಡ್‌ ಸಿಲಿಬ್ರಿಟಿಗಳು, ಗಾಯಕ-ಗಾಯಕಿಯರು ಮತ್ತು ಹೆಸರಾಂತ ಡಿಜೆಗಳು ಈ ಹೋಳಿ ರಂಗಿನಲ್ಲಿ ಭಾಗವಹಿಸುತ್ತಿದ್ದು, ಸಾರ್ವಜನಿಕರಿಗೂ ಅವಕಾಶ ಕಲ್ಪಿಸಲಾಗಿದೆ.

ಲೂಸ್‌ಮಾದ ಖ್ಯಾತಿಯ ಯೋಗೀಶ್‌ ಸೇರಿದಂತೆ ಹರ್ಷಿಕಾ ಪೂಣಚ್ಚ, ಚಂದನ್‌ ಗೌಡ, ಕಾವ್ಯ ಶಾಸ್ತ್ರೀ, ನಟ ಸ್ಮೈಲ್‌ ಗುರು ರಕ್ಷಿತ್‌, ರಕ್ಷಿತಾ ರೈ, ಕಿರಿಕ್‌ ಕೀರ್ತಿ, ಚೆರಿತ್‌ ಬಾಲಪ್ಪ, ಕಿರಣ್‌ ರಾಜ್‌, ಗಾಯಕ ನವೀನ್‌ ಸಜ್ಜು, ಡಿಜೆ ಸಾಗರ್‌, ಅನಿರುದ್ಧ ಹೀಗೆ ಹಲವು ತಾರೆಯರು ಭಾಗವಹಿಸುವ ಹೋಳಿ ಇವೆಂಟ್‌ನಲ್ಲಿ ರೇನ್‌ ಡಾನ್ಸ್‌, ನಾನ್‌ ಸ್ಟಾಪ್‌ ಸಂಗೀತ, ಪೂಲ್‌ ಪಾರ್ಟಿ ಆಯೋಜನೆ ಮಾಡಲಾಗಿದೆ. ಈ ಸ್ಥಳದಲ್ಲಿ ಮೊದಲ ದಿನದ ಐಪಿಎಲ್‌ ಪಂದ್ಯಾವಳಿಯನ್ನೂ ವೀಕ್ಷಿಸಬಹುದಾಗಿದೆ. ಹೋಳಿ ಆಡಲು ನೈಸರ್ಗಿಕ ಬಣ್ಣ ಲಭ್ಯ.

'ಈ ವೀಕೆಂಡ್‌ ಶನಿವಾರ ರಂಗ್‌ ದೇ ಬೆಂಗಳೂರು ಇವೆಂಟ್‌ ನಡೆಯಲಿದೆ. ಮಕ್ಕಳಿಂದ ಹಿಡಿದು ಎಲ್ಲರೂ ಇದರಲ್ಲಿ ಭಾಗವಹಿಸಬಹುದು. ಬಹುತೇಕ ಕನ್ನಡದ ಹಾಡುಗಳನ್ನೇ ಡಿಜೆ ಪ್ಲೇ ಮಾಡಲಿದ್ದಾರೆ' ಎನ್ನುತ್ತಾರೆ ಮೀಡಿಯಾ ಸ್ಟೇಶನ್‌ನ ವರುಣ್‌. ಬೆಳಗ್ಗೆ 11 ರಿಂದ ರಾತ್ರಿ 11ರವರೆಗೆ ನಡೆಯಲಿರುವ ರಂಗ್‌ ದೇ ಬೆಂಗಳೂರು ಕಾರ್ಯಕ್ರಮದಲ್ಲಿ ಕುಟುಂಬ ಸಮೇತ ಸಾರ್ವಜನಿಕರೂ ಭಾಗವಹಿಸಬಹುದು.