ತಮಿಳಿನ ವಿಜಯ್‌ ಚಿತ್ರದಲ್ಲಿ ರಶ್ಮಿಕಾ

ಟಾಲಿವುಡ್‌ನಲ್ಲಿ ಸಾಲು ಸಾಲು ಹಿಟ್‌ ಚಿತ್ರಗಳಲ್ಲಿ ನಟಿಸುತ್ತಿರುವ ಕನ್ನಡದ ಹುಡುಗಿ ರಶ್ಮಿಕಾ ಮಂದಣ್ಣ ಇದೀಗ ತಮಿಳಿನಲ್ಲಿ ಬರಲಿರುವ ವಿಜಯ್‌ ನಟನೆಯ ಹೊಸ ಚಿತ್ರದಲ್ಲಿ ನಟಿಸಲಿದ್ದಾರೆಂಬ ಮಾಹಿತಿ ಬಂದಿದೆ.

ಈ ಚಿತ್ರವನ್ನು ಅಟ್ಲಿ ನಿರ್ದೇಶನ ಮಾಡುತ್ತಿದ್ದು, ವಿಜಯ್‌ ಜತೆ ಅವರು ಮಾಡುತ್ತಿರುವ 3ನೇ ಚಿತ್ರ ಇದು. ರಶ್ಮಿಕಾ ಮಂದಣ್ಣ ಜತೆಗೆ ಬಾಲಿವುಡ್‌ ನಟಿ ಕೈರಾ ಆಡ್ವಾಣಿ ಕೂಡ ಮತ್ತೊಬ್ಬ ನಾಯಕಿಯಾಗಿ ನಟಿಸುತ್ತಿದ್ದಾರೆಂಬ ಸುದ್ದಿ ಸಿಕ್ಕಿದೆ.

ಈಗಾಗಲೇ ಚಿತ್ರಕ್ಕೆ ಸಂಬಧಿಸಿದ ಎಲ್ಲ ಸಿದ್ಧತೆಗಳು ಪೂರ್ಣಗೊಂಡಿದ್ದು, ಮುಂದಿನ ಜನವರಿಯಿಂದಲೇ ಶೂಟಿಂಗ್‌ ಶುರುವಾಗಲಿದ್ದು, ಬರುವ ದೀಪಾವಳಿಗೆ ತೆರೆ ಕಾಣುವಂತೆ ಪ್ಲ್ಯಾನ್‌ ಮಾಡಲಾಗಿದೆ. ಎ.ಆರ್‌.ರೆಹಮಾನ್‌ ಚಿತ್ರಕ್ಕೆ ಸಂಗೀತ ನೀಡುತ್ತಿದ್ದಾರೆ. ಮರ್ಸೆಲ್‌ ಮತ್ತು ಸರ್ಕಾರ್‌ ಸೂಪರ್‌ಹಿಟ್‌ ಚಿತ್ರಗಳ ನಂತರ ವಿಜಯ್‌ ಈ ಚಿತ್ರದಲ್ಲಿ ನಟಿಸುತ್ತಿದ್ದಾರೆ.