ವಿಜಯ್ ದೇವರಕೊಂಡ ಜತೆ ಡೇಟಿಂಗ್‌ನಲ್ಲಿದ್ದಾರಾ ರಶ್ಮಿಕಾ ಮಂದಣ್ಣ?

ಗೀತ ಗೋವಿಂದಂ ಸಿನಿಮಾ ಬಳಿಕ ರಶ್ಮಿಕಾ ಮಂದಣ್ಣ ಹಾಗೂ ವಿಜಯ್ ದೇವರಕೊಂಡ ಜೊತೆಯಾಗಿ ನಟಿಸಿದ ಸಿನಿಮಾ ಡಿಯರ್ ಕಾಮ್ರೇಡ್. ಭರತ್ ಕಮ್ಮ ನಿರ್ದೇಶನದ ಸಿನಿಮಾ. ಈ ಚಿತ್ರ ಆರಂಭವಾದ ಬಳಿಕ ವಿಜಯ್ ದೇವರಕೊಂಡ, ರಶ್ಮಿಕಾ ಮಂದಣ್ಣ ಡೇಟಿಂಗ್‌ನಲ್ಲಿದ್ದಾರೆ ಎಂಬ ಸುದ್ದಿ ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡುತ್ತಲೇ ಇದೆ.

ಈ ಗಾಳಿಸುದ್ದಿಯಲ್ಲಿ ಎಷ್ಟರ ಮಟ್ಟಿಗೆ ನಿಜ ಇದೆ ಎಂದು ತಿಳಿದುಕೊಳ್ಳಲು ಅಭಿಮಾನಿಗಳು ಆಸಕ್ತಿ ತೋರುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ ವಿಜಯ್ ಜತೆಗಿನ ಸಂಬಂಧದ ಬಗ್ಗೆ ಇತ್ತೀಚೆಗೆ ರಶ್ಮಿಕಾ ಮಂದಣ್ಣ ಮಾತನಾಡಿದ್ದಾರೆ. ವಿಜಯ್ ಜತೆಗೆ ಡೇಟಿಂಗ್‌ನಲ್ಲಿದ್ದೀರಾ? ಎಂದು ಕೇಳಿರುವುದಕ್ಕೆ, "ಅವರು ನನಗೆ ಕೇವಲ ಗೆಳೆಯ ಮಾತ್ರ. ಇದಕ್ಕೆ ಮೀರಿದ್ದು ಇನ್ನೇನು ಇಲ್ಲ" ಎಂದಿದ್ದಾರೆ. [ವಿಜಯ್ ದೇವರಕೊಂಡಗೆ ಬ್ರೇಸ್‌ಲೆಟ್‌ 'ಉಡುಗೊರೆ' ಕೊಟ್ಟ ರಶ್ಮಿಕಾ ಮಂದಣ್ಣ!]

ಸದ್ಯಕ್ಕೆ ರಶ್ಮಿಕಾ ಮಂದಣ್ಣ ತೆಲುಗಿನಲ್ಲಿ 'ಸರಿಲೇರು ನೀಕೆವ್ವರು' ಸಿನಿಮಾದಲ್ಲಿ ಅಭಿನಯಿತ್ತಿದ್ದಾರೆ. ಇನ್ನೊಂದು ಕಡೆ ರಶ್ಮಿಕಾ, ಕಾರ್ತಿ ಜೋಡಿಯಾಗಿರುವ ತಮಿಳಿನ ಸಿನಿಮಾ ಸಹ ಸೆಟ್ಟೇರುತ್ತಿದೆ. ಇನ್ನೊಂದು ಕಡೆ ಪುರಿ ಜಗನ್ನಾಥ್ ಸಿನಿಮಾದಲ್ಲಿ ಅಭಿನಯಿಸಲು ವಿಜಯ್ ದೇವರಕೊಂಡ ಸಹ ಗ್ರೀನ್ ಸಿಗ್ನಲ್ ನೀಡಿದ್ದಾರೆ. [ಸಂಕ್ರಾಂತಿಗೆ ಮಹೇಶ್‌ಬಾಬು-ರಶ್ಮಿಕಾ ಮಂದಣ್ಣ ಜೋಡಿ ಸಿನಿಮಾ]

ಬೆಂಗಳೂರಿನಲ್ಲಿ ನಡೆದ 'ಡಿಯರ್ ಕಾಮ್ರೇಡ್' ಚಿತ್ರದ ಪತ್ರಿಕಾಗೋಷ್ಠಿಯಲ್ಲಿ ರಕ್ಷಿತ್ ಶೆಟ್ಟಿ ಜತೆಗಿನ ಬ್ರೇಕಪ್ ಬಗ್ಗೆ ಪ್ರತ್ರಿಕ್ರಿಯಿಸಿದ್ದ ರಶ್ಮಿಕಾ, "ನೀವೇ ಹೇಳಿದಿರಿ ಇದು ಗಾಸಿಪ್ ಅಂತ. ಹಾಗಾಗಿ ಇದನ್ನು ಗಾಸಿಪ್ ಆಗಿಯೇ ಪರಿಗಣಿಸಿ. ಜನ ಏನೇನೋ ಮಾತನಾಡುತ್ತಾರೆ. ಈ ವಿಷಯದಲ್ಲಿ ನಾವ್ಯಾರು ಮುಂದೆ ಬಂದು ಏನೂ ಹೇಳಲಿಲ್ಲ" ಎಂದು ಹೇಳಿ ಫುಲ್‍ಸ್ಟಾಪ್ ಇಟ್ಟರು.