ರಶ್ಮಿಕಾ ಮಂದಣ್ಣ ಹೊಸ ಸಿನಿಮಾದ ಟೈಟಲ್ ಏನು ಗೊತ್ತಾ?

ರಶ್ಮಿಕಾ ಮಂದಣ್ಣ ಮತ್ತು ಕಾರ್ತಿ ನಟನೆಯ ಬಹು ನಿರೀಕ್ಷೆಯ ತಮಿಳು ಚಿತ್ರಕ್ಕೆ ಟೈಟಲ್‌ ಫಿಕ್ಸ್‌ ಆಗಿದ್ದು, ಸುಲ್ತಾನ್‌ ಎಂದು ಫೈನಲ್‌ ಮಾಡಲಾಗಿದೆ. ಈ ಬಗ್ಗೆ ಸ್ವತಃ ರಶ್ಮಿಕಾ ಅವರೇ ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿಬರೆದುಕೊಂಡಿದ್ದಾರೆ. ಜತೆಗೆ ಈ ಹಿಂದೆಯ ಅದು ಸುದ್ದಿ ಕೂಡಾ ಆಗಿತ್ತು. ವಿ

ವಿಶೇಷ ಎಂದರೆ ಸುಲ್ತಾನ್‌ ಎಂಬ ಟೈಟಲ್‌ನಲ್ಲಿ ರಜಿನಿಕಾಂತ್‌ ಆ್ಯನಿಮೇಟೆಡ್‌ ಸಿನಿಮಾ ಅನೌನ್ಸ್‌ ಆಗಿತ್ತು. ಆದರೆ ಈಗ ಆ ಟೈಟಲ್‌ನಲ್ಲಿ ಕಾರ್ತಿ ನಟಿಸುತ್ತಿದ್ದಾರೆ. ಇನ್ನು ಇದು ರಶ್ಮಿಕಾ ನಟನೆಯ ಮೊದಲ ತಮಿಳು ಸಿನಿಮಾ ಇದಾಗಿದ್ದು, ಹೊಸ ರೀತಿಯ ಪಾತ್ರ ಸಿಕ್ಕಿರುವುದಕ್ಕೆ ಎಕ್ಸೈಟ್‌ ಆಗಿದ್ದಾರೆ. [ತಮಿಳಿನ ಮತ್ತೊಂದು ಸ್ಟಾರ್ ಜೊತೆ ಕನ್ನಡದ ರಶ್ಮಿಕಾ ಮಂದಣ್ಣ!]

ಈ ಸಿನಿಮಾವನ್ನು ಭಾಗ್ಯರಾಜ್‌ ಕಣ್ಣನ್‌ ನಿರ್ದೇಶನ ಮಾಡುತ್ತಿದ್ದಾರೆ. ಒಟ್ಟಿನಲ್ಲಿ ಸುಲ್ತಾನ್‌ ಎಂಬ ಜಬರ್ದಸ್ತ್ ಟೈಟಲ್‌ ಮೂಲಕ ರಶ್ಮಿಕಾ ಟಾಲಿವುಡ್‌ಗೆ ಕಾಲಿಡುತ್ತಿದ್ದಾರೆ.

ಇನ್ನೊಂದು ಕಡೆ ತಮಿಳು ಯಶಸ್ವಿ ನಟ ಶಿವಕಾರ್ತಿಕೇಯನ್ ನಾಯಕನಾಗಿ ನಟಿಸಲಿರುವ 'ಎಸ್‌ಕೆ17' ಸಿನಿಮಾದಲ್ಲಿ ನಾಯಕಿಯಾಗಿ ಅಭಿನಯಿಸಲು ರಶ್ಮಿಕಾಗೆ ಆಫರ್ ನೀಡಲಾಗಿದೆ. ವಿಘ್ನೇಶ್‌ ಶಿವನ್‌ ನಿರ್ದೇಶನದಲ್ಲಿ ಲೈಕಾ ಪ್ರೊಡಕ್ಷನ್ಸ್‌ ಬ್ಯಾನರ್‌ನಲ್ಲಿ ಈ ಚಿತ್ರವು ನಿರ್ಮಾಣವಾಗುತ್ತಿದೆ. ಅನಿರುಧ್ ರವಿಚಂದರ್ ಸಂಗೀತ ನೀಡುತ್ತಿರುವ ಈ ಚಿತ್ರವು ಮುಂದಿನ ವರ್ಷ ಜುಲೈನಲ್ಲಿ ಬಿಡುಗಡೆಯಾಗಲಿದೆ ಎನ್ನಲಾಗಿದೆ.