ಸೋಷಿಯಲ್‌ ಮೀಡಿಯಾದಿಂದ ಹೊರ ನಡೆದ ರಕ್ಷಿತ್‌ ಶೆಟ್ಟಿ

ಅಚ್ಚರಿ ಎನ್ನುವಂತೆ ಸಾಮಾಜಿಕ ಜಾಲತಾಣಗಳಿಂದ ದೂರ ಸರಿದಿದ್ದಾರೆ ನಟ ರಕ್ಷಿತ್‌ ಶೆಟ್ಟಿ. ಟ್ವಿಟರ್‌, ಇನ್‌ಸ್ಟಾಗ್ರಾಮ್‌, ಫೇಸ್‌ಬುಕ್‌ ಮೂಲಕ ಅಭಿಮಾನಿಗಳ ಜತೆ ಸಂವಾದ ಮಾಡುತ್ತಿದ್ದವರು, ಇದ್ದಕ್ಕಿದ್ದಂತೆ ಸೋಷಿಯಲ್‌ ಮೀಡಿಯಾದಿಂದ ದೂರ ಉಳಿದಿದ್ದಾರೆ. ಈ ನಡೆ ರಕ್ಷಿತ್‌ ಅಭಿಮಾನಿಗಳಲ್ಲಿ ಅಚ್ಚರಿ ಮೂಡಿಸಿದೆ.

ಅವರು ಇಂಥದ್ದೊಂದು ನಿರ್ಧಾರ ಯಾಕೆ ತಗೆದುಕೊಂಡರು ಎಂದು ಈವರೆಗೂ ಹೇಳಿಲ್ಲಕೊಂಡಿಲ್ಲ. ಆದರೆ, ರವಿವಾರದಿಂದ ಟ್ವಿಟರ್‌ ಖಾತೆ ಡಿಲಿಟ್‌ ಆಗಿದೆ. ಇತ್ತೀಚಿನ ದಿನಗಳಲ್ಲಿ ರಕ್ಷಿತ್‌ ಮತ್ತು ಇವರ ಭಾವಿ ಪತ್ನಿ ರಶ್ಮಿಕಾ ಕುರಿತಾದ ಟ್ರೋಲ್‌ಗಳು ಚರ್ಚೆಗೆ ಕಾರಣವಾಗಿದ್ದವು. ಹಲವರು ವೈಯಕ್ತಿಕ ವಿಷಯಗಳ ಕುರಿತಾಗಿ ಟ್ರೋಲ್‌ ಮಾಡುತ್ತಿದ್ದರು. ಇದೇ ಸೋಷಿಯಲ್‌ ಮೀಡಿಯಾಗಳಿಂದ ದೂರ ಹೋಗಲು ಕಾರಣ ಎನ್ನಲಾಗುತ್ತಿದೆ. ಆದರೆ, ರಕ್ಷಿತ್‌ ಮಾತ್ರ ಈ ಕುರಿತು ಏನೂ ಹೇಳುತ್ತಿಲ್ಲ.