ಇನ್ನೊಂದು ಮರ್ಡರ್‌ ಮಿಸ್ಟರಿ ಚಿತ್ರದಲ್ಲಿ ರವಿಚಂದ್ರನ್‌

ದೃಶ್ಯ ಚಿತ್ರದ ನಂತರ ಮತ್ತೆ ರವಿಚಂದ್ರನ್‌ ಇನ್ನೊಂದು ಮರ್ಡರ್‌ ಮಿಸ್ಟ್ರಿ ಜಾನರ್‌ನ ಸಿನಿಮಾದಲ್ಲಿ ನಟಿಸುತ್ತಿದ್ದು, ಈ ಚಿತ್ರದಲ್ಲಿ ಅವರ ಅಭಿಮಾನಿಗಳಿಗೆ ಒಂದು ಅಚ್ಚರಿ ಕಾದಿದೆ. ಡಿಫರೆಂಟ್‌ ಗೆಟಪ್‌ನಲ್ಲಿ ಅವರು ಕಾಣಿಸಿಕೊಳ್ಳಲಿದ್ದು, ಎರಡು ವಯೋಮಾನದ ಪಾತ್ರಗಳಲ್ಲಿ ನಟಿಸಲಿದ್ದಾರೆ.

'ಅಭಿಮಾನಿಗಳಿಗೆ ಈ ಚಿತ್ರ ತುಂಬಾ ಇಷ್ಟವಾಗುತ್ತದೆ. ನನ್ನ ವಿಭಿನ್ನ ಗೆಟಪ್‌ ಅವರಿಗೆ ನಿಜಕ್ಕೂ ಸರ್‌ಪ್ರೈಸ್‌ ನೀಡುತ್ತದೆ. ದೃಶ್ಯ ಚಿತ್ರದಂತಹ ಇನ್ನೊಂದು ಜಾನರ್‌ನ ಸಿನಿಮಾ ಇದಾಗಿದೆ' ಎಂದು ರವಿಚಂದ್ರನ್‌ ತಿಳಿಸಿದ್ದಾರೆ.

'ಚಿತ್ರದಲ್ಲಿ ಎರಡು ಗೆಟಪ್‌ಗಳಲ್ಲಿ ರವಿಚಂದ್ರನ್‌ ನಟಿಸಿದ್ದಾರೆ. 30 ಮತ್ತು 50 ವರ್ಷದ ವ್ಯಕ್ತಿಯ ಪಾತ್ರಗಳಲ್ಲಿ ಅವರು ಕಾಣಿಸಿಕೊಂಡಿದ್ದಾರೆ. ಇನ್‌ಸ್ಪೆಕ್ಟರ್‌ ಪಾತ್ರ ಅವರದು. ಹರೆಯದ ಲುಕ್‌ನಲ್ಲಿ ರವಿಚಂದ್ರನ್‌ರನ್ನು ಅವರ ಅಭಿಮಾನಿಗಳು ಇಷ್ಟಪಡುತ್ತಾರೆ. ಈ ಪಾತ್ರವನ್ನು ಕ್ರೇಜಿಸ್ಟಾರ್‌ ತುಂಬಾ ಇಷ್ಟಪಟ್ಟು ಮಾಡಿದ್ದಾರೆ' ಎಂದು ನಿರ್ದೇಶಕ ಶಿವಗಣೇಶ್‌ ಹೇಳಿದ್ದಾರೆ.