ರುದ್ರ ಪ್ರಯಾಗಕ್ಕಾಗಿ ಪಶ್ಚಿಮ ಘಟ್ಟದಲ್ಲಿ ರಿಷಭ್‌

ಬೆಲ್‌ಬಾಟಮ್‌ ಸಿನಿಮಾ ಮೂಲಕ ಸಕ್ಸಸ್‌ಫುಲ್‌ ಹೀರೋ ಆದ ರಿಷಭ್‌ ಶೆಟ್ಟಿ ತಮ್ಮ 'ರುದ್ರ ಪ್ರಯಾಗ' ಸಿನಿಮಾದ ತಯಾರಿಯಲ್ಲಿದ್ದು, ಅದರ ಲೊಕೇಶನ್‌ ನೋಡಲು ಪಶ್ಚಿಮ ಘಟ್ಟದಲ್ಲಿ ಓಡಾಡುತ್ತಿದ್ದಾರೆ.

ಈ ಸಿನಿಮಾದಲ್ಲಿ ಕಾಡು, ಬೆಳಗಾವಿಯ ಸೇರಿದಂತೆ ಸಾಕಷ್ಟು ಅಂಶಗಳು ಪ್ರಮುಖವಾಗಿರುವ ಕಾರಣ ರಿಷಭ್‌ ವೆಸ್ಟ್ರನ್‌ ಘಾಟ್ಸ್‌ನಲ್ಲಿ ಲೊಕೇಶನ್‌ ಹಂಟ್‌ನಲ್ಲಿದ್ದಾರೆ. ಈಗಾಗಲೇ ಬಿಡುಗಡೆಯಾಗಿರುವ ಪೋಸ್ಟರ್‌ನಲ್ಲಿ ಚಿರತೆ, ಕಾಡು, ನದಿ ಎಲ್ಲವೂ ಇದ್ದು ಸಿನಿಮಾದ ಕಂಟೆಂಟ್‌ ಬಗ್ಗೆ ಎಲ್ಲರಿಗೂ ಕುತೂಹಲ ಹುಟ್ಟಿಸಿದೆ. ಅವರು ಈಗ ಪಶ್ಚಿಮ ಘಟ್ಟಗಳಲ್ಲಿ ತಮ್ಮ ತಂಡದ ಜತೆ ಇರುವ ಫೋಟೋವನ್ನು ಸೋಷಿಯಲ್‌ ಮಿಡಿಯಾದಲ್ಲಿ ಅಪ್‌ಲೋಡ್‌ ಮಾಡಿದ್ದಾರೆ. [ಬುದ್ಧಿ ಜೀವಿಗಳು ನಾನ್‌ಸೆನ್ಸ್ ಮಾತನಾಡ್ತಾರೆ : ರಿಷಭ್ ಶೆಟ್ಟಿ]

ಈ ಮೂಲಕ ಸಿನಿಮಾ ಕಂಪ್ಲೀಟ್‌ ಈ ಲೊಕೇಶನ್‌ಗಳಲ್ಲಿಯೇ ನಡೆಯಲಿದೆ ಎಂಬ ಸೂಚನೆಯನ್ನು ಅವರು ನೀಡಿದ್ದಾರೆ. ವಿಶೇಷ ಎಂದರೆ ಬೆಲ್‌ ಬಾಟಮ್‌ ಮೂಲಕ ಯಶಸ್ವಿ ನಾಯಕರಾಗಿರುವ ರಿಷಭ್‌ ರುದ್ರಪ್ರಯಾಗದಲ್ಲಿ ಬರೀ ನಿರ್ದೇಶಕರಾಗಿ ಕೆಲಸ ಮಾಡುತ್ತಾರಂತೆ.