ಯಶ್ ಜತೆ 'ಗಲಿ ಗಲಿ ಮೇ' ಹಾಡಿಗೆ ಹೆಜ್ಜೆ ಹಾಕಿದ ಗರ್ಭಿಣಿ ರಾಧಿಕಾ ಪಂಡಿತ್

ರಾಕಿಂಗ್ ಸ್ಟಾರ್ ಯಶ್ ಮತ್ತು ರಾಧಿಕಾ ಪಂಡಿತ್ ಹಿಂದಿಯ ಕೆಜಿಎಫ್ ಚಾಪ್ಟರ್ 1ರ ಜನಪ್ರಿಯ ಹಾಡು ಗಲಿ ಗಲಿ ಮೇಗೆ ಹೆಜ್ಜೆ ಹಾಕಿದ್ದು ಅಭಿಮಾನಿಗಳು ಸಿಕ್ಕಾಪಟ್ಟೆ ಎಂಜಾಯ್ ಮಾಡಿದ್ದಾರೆ. ಇದರ ವೀಡಿಯೋವನ್ನು ರಾಧಿಕಾ ಪಂಡಿತ್ ಹಂಚಿಕೊಂಡಿದ್ದಾರೆ.

Vijaya Karnataka 12 Aug 2019, 6:01 pm

ನಟ ಯಶ್‌ ಮತ್ತು ರಾಧಿಕಾ ಪಂಡಿತ್‌ ತಮ್ಮ ಎಂಗೇಜ್‌ಮೆಂಟ್‌ ಆನಿವರ್ಸರಿಗಾಗಿ ಹೊಸ ವಿಡಿಯೋ ಒಂದು ಸೋಷಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ರಾಧಿಕಾ ಪಂಡಿತ್‌ ಆಗಸ್ಟ್‌ 12 ಈ ಎಕ್ಸ್‌ಕ್ಲೂಸಿವ್‌ ವಿಡಿಯೋ ಎಫ್‌ಬಿಯಲ್ಲಿ ಹಾಕಿದ್ದು, ಇದೀಗ 500ಕ್ಕೂ ಹೆಚ್ಚು ಶೇರ್‌ ಕಂಡಿದೆ.

ಕೆಜಿಎಫ್‌ ಚಾಪ್ಟರ್‌ 1 ಹಿಂದಿ ಚಿತ್ರದಲ್ಲಿರುವ ಗಲಿಗಲಿ ಮೇ.. ಹಾಡಿಗೆ ಯಶ್‌ ರಾಧಿಕಾ ಪಂಡಿತ್‌ ಜತೆ ಡಾನ್ಸ್‌ ಮಾಡಿರುವ ವಿಡಿಯೋ ಇದು. ಶೂಟಿಂಗ್‌ ವೇಳೆ ಈ ಹಾಡಿಗೆ ಯಶ್‌ ರಾಧಿಕಾ ಕೈಗಳನ್ನು ಹಿಡಿದುಕೊಂಡು ಡಾನ್ಸ್‌ ಮಾಡಿಸಿದ್ದಾರೆ. ಗರ್ಭಿಣಿ ರಾಧಿಕಾ ನಿಂತಲ್ಲೇ ಡಾನ್ಸ್‌ ಮಾಡಿದ್ದಾರೆ. 'ಇನ್ನೂ ನಿಮ್ಮ ರಿದಂಗೆ ನಾನು ಡಾನ್ಸ್‌ ಮಾಡಬಲ್ಲೆ' ಎಂದು ಬರೆದುಕೊಂಡಿದ್ದಾರೆ. ಈ ವಿಶೇಷ ದಿನ ನನ್ನ ವೈಯಕ್ತಿಕ ಗ್ಲಾಲರಿಯಲ್ಲಿರುವ ಈ ವಿಡಿಯೋ ನಿಮ್ಮೊಂದಿಗೆ ಹಂಚಿಕೊಳ್ಳುತ್ತಿದ್ದೇನೆ ಎಂದು ಅಭಿಮಾನಿಗಳಿಗೆ ತಿಳಿಸಿದ್ದಾರೆ.

ರಾಧಿಕಾ ಪಂಡಿತ್‌ ಈಗ ಇನ್ನೊಂದು ಮಗುವಿಗೆ ಗರ್ಭಿಣಿಯಾಗಿದ್ದಾರೆ. ಮೊದಲ ಮಗಳು ಐರಾ ಜತೆ ತಮ್ಮ ಸಮಯವನ್ನು ಕಳೆಯುತ್ತಿದ್ದಾರೆ. ಯಶ್‌ ಕೆಜಿಎಫ್‌ 2 ಶೂಟಿಂಗ್‌ನಲ್ಲಿಬಿಝಿಯಾಗಿದ್ದಾರೆ.

ಯಶ್ ಜತೆ 'ಗಲಿ ಗಲಿ ಮೇ' ಹಾಡಿಗೆ ಹೆಜ್ಜೆ ಹಾಕಿದ ಗರ್ಭಿಣಿ ರಾಧಿಕಾ ಪಂಡಿತ್

ಮುಂದಿನ ಲೇಖನ