ಏಪ್ರಿಲ್‍ನಿಂದ 'ಕೆಜಿಎಫ್: ಚಾಪ್ಟರ್ 2' ಚಿತ್ರೀಕರಣಕ್ಕೆ ಯಶ್

ರಾಕಿಂಗ್ ಸ್ಟಾರ್ ಯಶ್, ಶ್ರೀನಿಧಿ ಶೆಟ್ಟಿ ಜೋಡಿಯ ಕೆಜಿಎಫ್: ಚಾಪ್ಟರ್ 1 ಸಿನಿಮಾ ಯಶಸ್ಸಿನ ಬಗ್ಗೆ ಬಿಡಿಸಿ ಹೇಳಬೇಕಾಗಿಲ್ಲ. ಕನ್ನಡದ ಸಿನಿಮಾ ಜಾಗತಿಕ ಮಟ್ಟದಲ್ಲಿ ಸದ್ದು ಮಾಡಿದ್ದು ಗೊತ್ತೇ ಇದೆ. ಇದೀಗ ಪ್ರಶಾಂತ್ ನೀಲ್ ಕೆಜಿಎಫ್ ಚಾಪ್ಟರ್ 2ಕ್ಕೆ ಸಿದ್ಧವಾಗಿದ್ದು ಈ ಚಿತ್ರದ ಶೂಟಿಂಗ್ ಏಪ್ರಿಲ್‌ನಿಂದ ಆರಂಭವಾಗಲಿದೆ.

ಸದ್ಯಕ್ಕೆ ಯಶ್‌ಗೆ ಕುಟುಂಬದ ಜತೆಗೆ ಕಳೆಯಲು ಸಮಯ ಸಿಕ್ಕಿದ್ದು ಮುಖ್ಯವಾಗಿ ಮಗಳ ಜತೆಗೆ ಕಾಲ ಕಳೆಯುತ್ತಿದ್ದಾರೆ. ಏಪ್ರಿಲ್‍ನಿಂದ ಶೂಟಿಂಗ್ ಆರಂಭ ಎಂದು ಯಶ್ ತಿಳಿಸಿದ್ದಾರೆ. ಮಾರ್ಚ್‌ಗೆ ಚಿತ್ರೀಕರಣ ಆರಂಭವಾದರೂ ಯಶ್ ಭಾಗದ ಚಿತ್ರೀಕರಣ ಏಪ್ರಿಲ್‍ನಿಂದ ಎಂಬುದು ಪಕ್ಕಾ ಆಗಿದೆ.

ಈಗಾಗಲೆ ಕೆಜಿಫ್ ಮೊದಲ ಭಾಗ ಅರ್ಧ ಶತಕ ಪೂರೈಸಿದೆ. ಇನ್ನೊಂದು ಕಡೆ ಚಿತ್ರೀಕರಣಕ್ಕೆ ಭರದ ಸಿದ್ಧತೆಗಳು ನಡೆಯುತ್ತಿದೆ. ಕೆಜಿಎಫ್‌ಗೆ ಹೋಲಿಸಿದರೆ ಕೆಜಿಎಫ್ ಚಾಪ್ಟರ್ ಬಗೆಗಿನ ನಿರೀಕ್ಷೆಗಳು ದುಪ್ಪಟ್ಟಾಗಿವೆ. ಹಾಗಾಗಿ ಬಜೆಟ್, ಚಿತ್ರೀಕರಣಕ್ಕೆ ಸಾಕಷ್ಟು ಸಮಯ ಬೇಕಾಗುತ್ತದೆ. ಬಹುಶಃ 2020ಕ್ಕೆ ತೆರೆಕಾಣಬಹುದು ಕೆಜಿಎಫ್ ಭಾಗ 2.

ಗರುಡನನ್ನು ಕೊಂದ ಬಳಿಕ ರಾಖಿ ಭಾಯ್ ಮೋಸ್ಟ್ ವಾಟೆಂಡ್ ಕ್ರಿಮಿನಲ್ ಆಗಿ ಬೆಳೆಯುತ್ತಾನೆ. ರಾಖಿಯನ್ನು ತುಳಿದು ಭೂಗತ ಜಗತ್ತಿನ ಮೇಲೆ ಹಿಡಿದ ಸಾಧಿಸಲು ಇನಾಯತ್ ಖಲೀಲ್ ಮುಂದಾಗುತ್ತಾನೆ. ಹಾಗಾಗಿ ಚಾಪ್ಟರ್ 2ರಲ್ಲಿ ದುಬೈ ಡಾನ್ ಪ್ರಮುಖ ಪಾತ್ರ ವಹಿಸಲಿದ್ದಾನೆ. ಮುಂದೇನಾಗಲಿದೆ ಎಂಬುದು ಕುತೂಹಲ ಇದ್ದೇ ಇದೆ.