KGF Narthaki Theatre: ಅಭಿಮಾನಿಗಳ ಜತೆ ಯಶ್ ಕೆಜಿಎಫ್ ವೀಕ್ಷಣೆ

ಕೆಜಿಎಫ್ ಹವಾ ಜೋರಾಗಿದ್ದು, ಶುಕ್ರವಾರ ಮುಂಜಾನೆಯೇ ತೆರೆಗೆ ಅಪ್ಪಳಿಸಿರುವ ಚಿತ್ರ ವೀಕ್ಷಣೆಗೆ ರಾಜ್ಯಾದ್ಯಂತ ಚಿತ್ರಮಂದಿರಗಳಲ್ಲಿ ನೂಕುನುಗ್ಗಲು ಉಂಟಾಗಿದೆ.

ಮೊದಲ ದಿನದ ಮೊದಲ ಶೋ ನೋಡಲು ಜನರು ಕಾತರಾಗಿರುವ ಬೆನ್ನಲ್ಲೇ ಕೆಜಿಎಫ್ ನಾಯಕ ರಾಕಿಂಗ್ ಸ್ಟಾರ್ ಯಶ್ ಬೆಂಗಳೂರಿನ ಗಾಂಧಿನಗರದ ನರ್ತಕಿ ಚಿತ್ರಮಂದಿರಕ್ಕೆ ತೆರಳಿ ಅಭಿಮಾನಿಗಳ ಚಿತ್ರ ವೀಕ್ಷಿಸಲಿದ್ದಾರೆ.

ಚಿತ್ರದ ಪ್ರೊಮೋಶನ್‌ಗೆ ನಾಯಕ-ನಾಯಕಿ ಅಭಿಮಾನಿಗಳ ಜತೆ ಚಿತ್ರ ವೀಕ್ಷಿಸುವುದು ಸಾಮಾನ್ಯ. ಆದರೆ ಭಾರೀ ಪ್ರಶಂಸೆ ವ್ಯಕ್ತವಾಗುತ್ತಿರುವ ಕೆಜಿಎಫ್ ಚಿತ್ರದ ನಟ ಯಶ್ ಅಭಿಮಾನಿಗಳ ಜತೆ ಚಿತ್ರ ನೋಡುತ್ತಿರುವುದು ವಿಶೇಷ.

ಚಿತ್ರ ತೆರೆಕಂಡಿರುವ ಬೆಂಗಳೂರಿನ ವಿವಿಧ ಚಿತ್ರಮಂದಿರಗಳ ಹೊರಗೆ ವಿಶೇಷ ಅಲಂಕಾರ ಮಾಡಲಾಗಿದ್ದು, ಯಶ್ ಅಭಿಮಾನಿಗಳು ನರ್ತಕಿ ಚಿತ್ರಮಂದಿರ ಎದುರು 72 ಅಡಿ ಎತ್ತರದ ಕಟೌಟ್ ಕೂಡ ನಿಲ್ಲಿಸಿದ್ದಾರೆ.

ಕೆಜಿಎಫ್ ದುಬೈ ಮತ್ತು ಅಮೆರಿಕ ವಿಮರ್ಶೆ ನೋಡಿದಿರಾ?

ಬೆಳಗ್ಗೆ 10 ಗಂಟೆಯ ಶೋವನ್ನು ಯಶ್ ನರ್ತಕಿಯಲ್ಲಿ ಅಭಿಮಾನಿಗಳ ಜತೆ ವೀಕ್ಷಿಸಲಿದ್ದು, ಯಶ್ ಅಭಿಮಾನಿಗಳು ಮಧ್ಯಾಹ್ನ ಜನರಿಗೆ ಅನ್ನದಾನ, ಸಿಹಿ ವಿತರಣೆ ಕಾರ್ಯಕ್ರಮ ಕೂಡ ಹಮ್ಮಿಕೊಂಡಿದ್ದಾರೆ.

ಚಿತ್ರ ಬಿಡುಗಡೆಗೆ ತಡೆಯುಂಟಾಗುತ್ತದೆ ಎಂಬ ಗೊಂದಲ ದೂರವಾಗಿದ್ದು, ಕೆಜಿಎಫ್ ಭರ್ಜರಿಯಾಗಿ ತೆರೆಕಂಡಿದೆ.