ಅಂಬಿ ನೆನೆದು ಗದ್ಗದಿತರಾದ ರಾಕ್‌ಲೈನ್ ವೆಂಕಟೇಶ್

ಸುಮಲತಾ ಅಂಬರೀಶ್ ಅವರು ಇಂದು ಮೈಸೂರಿನ ಶ್ರೀಕ್ಷೇತ್ರ ಸುತ್ತೂರಿನಲ್ಲಿರುವ ಸುತ್ತೂರು ಗದ್ದುಗೆ ಮಠದಲ್ಲಿ ಶ್ರೀಗಳನ್ನು ಭೇಟಿ ಮಾಡಿದರು. ಈ ಸಂದರ್ಭದಲ್ಲಿ
ಸ್ಯಾಂಡಲ್‍ವುಡ್ ನಿರ್ಮಾಪರಾದ ರಾಕ್‍ಲೈನ್ ವೆಂಕಟೇಶ್ ಮತ್ತು ನಟ ದೊಡ್ಡಣ್ಣ ಸಹ ಉಪಸ್ಥಿತರಿದ್ದರು.

ಶ್ರೀಗಳಿಗೆ ಅಂಬರೀಶ್ ಪುತ್ರ ಅಭಿಷೇಕ್ ಅಭಿನಯದ ಚೊಚ್ಚಲ ಚಿತ್ರ ಅಮರ್ ಟ್ರೇಲರ್ ತೋರಿಸಲಾಯಿತು. ಬಳಿಕ ಅಂಬಿಯನ್ನು ನೆನೆದ ರಾಕ್‍ಲೈನ್ ವೆಂಕಟೇಶ್ ಈ ಸಂದರ್ಭದಲ್ಲಿ ಭಾವುಕರಾದ ಘಟನೆ ನಡೆದಿದೆ. ['ಅಮರ್' ಚಿತ್ರದ ಟ್ರೇಲರ್‌ ವೀಕ್ಷಿಸಿ ಆಶೀರ್ವದಿಸಿದ ಸುತ್ತೂರು ಶ್ರೀಗಳು]

ಅಂಬಿ ಕುಟುಂಬದ ಸದ್ಯದ ಪರಿಸ್ಥಿತಿ ನೆನೆದು ದುಃಖಿತರಾದರು ನಿರ್ಮಾಪಕ ರಾಕ್‍ಲೈನ್ ವೆಂಕಟೇಶ್. ಮಾತಿನ ಮಧ್ಯೆ ಎರಡೆರಡು ಬಾರಿ ಮಾತು ನಿಲ್ಲಿಸಿದ ರಾಕ್‌ಲೈನ್ ವೆಂಕಟೇಶ್. ಒತ್ತರಿಸಿ ಬರುತ್ತಿದ್ದ ದುಖಃ ತಡೆದುಕೊಂಡು ಮಾತನಾಡಿದರು.

"ಅವರ ಆರೋಗ್ಯ ಕ್ಷೀಣಿಸಿದ ನಂತರ ಅವರು ನನಗೆ ತಂದೆಯೇ ಆಗಿಬಿಟ್ಟಿದ್ದರು. ಮಂಡ್ಯದ ಜನರನ್ನು ಸಕ್ಕರೆ ಜನರು ಅಂತಾ ಕರೀತಿದ್ದರು. ಅವರು ಇದ್ದಾಗಿನ ಪರಿಸ್ಥಿತಿಯೇ ಬೇರೆ. ಈಗಿನ ಪರಿಸ್ಥಿತಿಯೇ ಬೇರೆ ಆಗಿದೆ. ನಾನು ಸದಾ ಅವರ ಕುಟುಂಬದ ಜೊತೆ ಇರುವೆ. ಸುತ್ತೂರು ಶ್ರೀಗಳಿಗೆ ಅಮರ್ ಚಿತ್ರದ ಟ್ರೈಲರ್ ತೋರಿಸಿದೆ. ತುಂಬಾ ಖುಷಿ ಆಗುತ್ತಿದೆ" ಎಂದಿದ್ದಾರೆ ರಾಕ್ ಲೈನ್ ವೆಂಕಟೇಶ್.