ಸ್ಯಾಂಡಲ್‌ವುಡ್‌ ಅಂಗಳಕ್ಕೆ ಕೆ.ಆರ್‌ ಪೇಟೆ

ಹಾಸ್ಯಭರಿತ ಮಾತುಗಳ ಮೂಲಕ ಕಚಗುಳಿಯಿಡುವ ಕಲಾವಿದ ಶಿವರಾಜ್‌ ಕೆ.ಆರ್‌. ಪೇಟೆಗೆ ಅವಕಾಶಗಳು ಬೆನ್ನತ್ತಿ ಬರುತ್ತಿವೆ.

ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾದ 'ಕಾಮಿಡಿ ಕಿಲಾಡಿಗಳು' ರಿಯಾಲಿಟಿ ಶೋನಲ್ಲಿ ವಿನ್ನರ್‌ ಆಗುವ ಮೂಲಕ ಮತ್ತಷ್ಟು ಖ್ಯಾತಿ ಪಡೆದಿರುವ ಶಿವರಾಜ್‌ ಅದೃಷ್ಟ ಖುಲಾಯಿಸಿದೆ.

ಸದ್ಯಕ್ಕೆ ಈ ಕಾಮಿಡಿ ಕಿಲಾಡಿಯನ್ನ ಹುಡುಕಿಕೊಂಡು ಸ್ಯಾಂಡಲ್‌ವುಡ್‌ನಿಂದ ಹಲವಾರು ಅವಕಾಶಗಳು ಬರುತ್ತಿವೆಯಂತೆ. ಎಲ್ಲ ಪಾತ್ರಗಳಲ್ಲಿ ಪರಕಾಯ ಪ್ರವೇಶ ಮಾಡಿ ಸಿಕ್ಕಾಪಟ್ಟೆ ಮನರಂಜನೆ ನೀಡುವ ಶಿವರಾಜ್‌ಗೆ ಬಂಪರ್‌ ಆಫರ್‌ವೊಂದು ಹುಡುಕಿಕೊಂಡು ಬಂದಿದೆಯಂತೆ.

ಜೋಗಿ ಪ್ರೇಮ್‌ ನಿರ್ದೇಶಿಸಲಿರುವ, ಕಿಚ್ಚ ಸುದೀಪ್‌ ಮತ್ತು ಶಿವರಾಜಕುಮಾರ್‌ ಅಭಿನಯದ 'ದಿ ವಿಲನ್‌' ಚಿತ್ರದಲ್ಲಿ ನಟಿಸುವ ಅವಕಾಶ ಶಿವರಾಜ್‌ ಕೆ.ಆರ್‌. ಪೇಟೆಗೆ ಒಲಿದು ಬಂದಿದೆಯಂತೆ. ಇದಷ್ಟೇ ಅಲ್ಲದೆ ಅನೇಕ ಚಿತ್ರಗಳ ಹಾಸ್ಯ ಪಾತ್ರಗಳು ಶಿವರಾಜ್‌ ಅವರನ್ನು ಹುಡುಕಿಕೊಂಡು ಬರುತ್ತಿವೆಯಂತೆ. ಒಟ್ಟಾರೆ ಕಾಮಿಡಿ ಕಿಲಾಡಿಗಳು ಶೋ ಮೂಲಕ ಶಿವಾರಜ್‌ ಅದೃಷ್ಟದ ಬಾಗಿಲು ತೆರೆದಿದೆ ಅಂತಾಯ್ತು.