ಸೆಟ್ಟೇರಿದ ರುಸ್ತುಂ; ಮೀಸೆ ಬಿಟ್ಟ ಶಿವಣ್ಣ

*ಹರೀಶ್‌ ಬಸವರಾಜ್‌

Vijaya Karnataka Web

ವರನಟ ಡಾ. ರಾಜ್‌ಕುಮಾರ್‌ ಜನ್ಮದಿನದಂದೇ ಹಿರಿಯ ನಟ ಶಿವರಾಜ್‌ ಕುಮಾರ್‌ ಅವರ ಹೊಸಚಿತ್ರ ರುಸ್ತುಂ ಸೆಟ್ಟೇರಿದ್ದು, ಅದರ ಫಸ್ಟ್‌ಲುಕ್‌ ಬಿಡುಗಡೆಯಾಗಿದೆ. ಸಾಹಸ ನಿರ್ದೇಶಕ ರವಿವರ್ಮ ಮೊದಲ ಬಾರಿಗೆ ನಿರ್ದೇಶನ ಮಾಡುತ್ತಿರುವ ಚಿತ್ರ ಇದಾಗಿದೆ.

ಶಿವರಾಜ್‌ ಕುಮಾರ್‌ ಅವರು ಗಂಧದ ಗುಡಿ , ಗಂಡುಗಲಿ ಕುಮಾರರಾಮ ಚಿತ್ರಗಳ ನಂತರ ಪಾತ್ರಕ್ಕಾಗಿ ಈ ಚಿತ್ರದಲ್ಲಿ ಮೀಸೆ ಬಿಟ್ಟಿದ್ದಾರೆ. ಹೀಗಾಗಿ ಅವರ ಪಾತ್ರದ ಬಗ್ಗೆ ಸಿಕ್ಕಾಪಟ್ಟೆ ಕುತೂಹಲ ಉಂಟಾಗಿದೆ. ಈ ಚಿತ್ರದಲ್ಲಿ ಅವರು ಪೊಲೀಸ್‌ ಅಧಿಕಾರಿಯಾಗಿದ್ದು, ಈ ಚಿತ್ರದ ಫೋಟೋ ಶೂಟ್‌ ಇತ್ತೀಚೆಗೆ ಮಿನರ್ವ ಮಿಲ್‌ನಲ್ಲಿ ನಡೆದಿತ್ತು.

ಈ ಚಿತ್ರದ ಕಥೆಯ ಬಗ್ಗೆ ರವಿವರ್ಮಾ ಇದುವರೆಗೂ ಸುಳಿವು ಬಿಟ್ಟುಕೊಟ್ಟಿಲ್ಲ. ಆದರ ಶಿವರಾಜ್‌ಕುಮಾರ್‌ ಅವರ ಲುಕ್‌ನೋಡಿದರೆ ಒಬ್ಬ ಖಡಕ್‌ ಪೊಲೀಸ್‌ ಅಧಿಕಾರಿ ಎಂಬುದಂತು ಪಕ್ಕಾ ಆಗುತ್ತಿದೆ. ಬಹಳ ದಿನಗಳ ನಂತರ ಶಿವರಾಜ್‌ಕುಮಾರ್‌ ಅವರನ್ನು ಮೀಸೆಯಲ್ಲಿ ನೋಡುತ್ತಿರುವ ಅಭಿಮಾನಿಗಳು ಫುಲ್‌ ಖುಷಿಯಾಗಿದ್ದಾರೆ. ಈಗಾಗಲೇ ಬಿಡುಗಡೆಯಾಗಿರುವ ಮೋಷನ್‌ ಪೋಸ್ಟರ್‌ ಮತ್ತು ಸ್ಟಿಲ್‌ಗಳು ಆನ್‌ಲೈನ್‌ನಲ್ಲಿ ವೈರಲ್‌ ಆಗಿದೆ.