ಅಭಿಮಾನಿಗೆ ವಿಷ್ಣು ಬರೆದಿದ್ದ ಹಳೆಯ ಪತ್ರ ವೈರಲ್‌

ಖ್ಯಾತ ನಟ ಡಾ. ವಿಷ್ಣುವರ್ಧನ್‌ ಅವರು ತಮ್ಮ ಅಭಿಮಾನಿಯೊಬ್ಬರಿಗೆ ಬರೆದಿರುವ ಪತ್ರವೊಂದು ಈಗ ಸೋಷಿಯಲ್‌ ಮೀಡಿಯಾದಲ್ಲಿ ಹರಿದಾಡುತ್ತಿದೆ.

ವಿಷ್ಣು ಅವರು ಅಭಿಮಾನಿಗಳ ಪತ್ರಗಳಿಗೆ ಉತ್ತರ ಬರೆಯುವ ಅಭ್ಯಾಸ ಇಟ್ಟುಕೊಂಡಿದ್ದರು. ತಾವು ಎಷ್ಟೇ ಬಿಝಿ ಇದ್ದರೂ ಪತ್ರಗಳಿಗೆ ಸ್ಪಂದಿಸುತ್ತಿದರಂತೆ. ಹೀಗೆ ಬರೆದ ಪತ್ರವೊಂದು ಈಗ ವೈರಲ್‌ ಆಗಿದೆ.

ವಿಷ್ಣು ಅವರು ಬರೆದಿರುವ ಪತ್ರದ ಸಾಲುಗಳು ಹೀಗಿವೆ.'ಪ್ರೀತಿಯ ಅಭಿಮಾನಿಗೆ, ನಿಮ್ಮ ವಿಷ್ಣುವರ್ಧನ್‌ ಮಾಡುವ ನಮಸ್ಕಾರಗಳು. ನಿಮ್ಮ ಪತ್ರವನ್ನು ಕಂಡು ಬಹಳ ಸಂತೋಷವಾಯಿತು. ನೀವು ನನ್ನ ಮೇಲಿಟ್ಟಿರುವ ಪ್ರೀತಿ ವಿಶ್ವಾಸಕ್ಕೆ ನಾನು ಚಿರಋುಣಿ. ನಿಮ್ಮ ಅಭಿಮಾನವೇ ನನಗೆ ಶ್ರೀರಕ್ಷೆ, ನಿಮ್ಮ ಅಪೇಕ್ಷೆ ಮೇರೆಗೆ ನನ್ನ ಭಾವಚಿತ್ರವನ್ನು ಕಳುಹಿಸುತ್ತಿದ್ದೇನೆ'. ಈ ಪತ್ರಕ್ಕೆ ಅಭಿಮಾನಿಗಳು ಕಾಮೆಂಟ್‌ಗಳನ್ನು ವಿಷ್ಣು ಅವರಿಗೆ ನಮನ ಸಲ್ಲಿಸಿದ್ದಾರೆ.