ಆ್ಯಪ್ನಗರ

ಸ್ಯಾಂಡಲ್‌ವುಡ್‌ನಲ್ಲಿ ಕಂಪನ ಉಂಟು ಮಾಡಿದ ದುನಿಯಾ ವಿಜಯ್‌ ಸಲಗ ಚಿತ್ರ ಫೋಟೋ

ದುನಿಯಾ ವಿಜಯ್‌ ಮೊದಲ ಬಾರಿಗೆ ನಿರ್ದೇಶನ ಮಾಡುತ್ತಿರುವ ಸಲಗ ಸಿನಿಮಾದ ಕಥೆಯಲ್ಲಿ ನೈಜ ಘಟನೆಯೊಂದು ಸೇರಿಕೊಂಡಿದೆ ಎಂಬ ಸುದ್ದಿ ಹಬ್ಬಿದೆ. ಅದು ನಿಜವಾ? ಅಲ್ಲವಾ? ಎಂಬ ಮಾಹಿತಿ ಇಲ್ಲಿದೆ.

Vijaya Karnataka 30 May 2019, 5:00 am
ಹರೀಶ್‌ ಬಸವರಾಜ್‌
Vijaya Karnataka Web salaga2


ದುನಿಯಾ ವಿಜಯ್‌, ಡಾಲಿ ಧನಂಜಯ ನಟನೆಯ ಸಲಗ ಸಿನಿಮಾದ ಚಿತ್ರೀಕರಣ ಇನ್ನಷ್ಟೇ ಆರಂಭವಾಗಬೇಕಿದ್ದು, ಈ ಸಿನಿಮಾದ ಕಥೆ ಈಗ ಚರ್ಚೆಯ ವಿಷಯವಾಗಿದೆ.

ಲವಲವಿಕೆಗೆ ಲಭ್ಯವಾಗಿರುವ ಫೋಟೋದಲ್ಲಿ ವಿಜಯ್‌ ಪೊಲೀಸ್‌ ಠಾಣೆ ಮುಂದೆ ನಿಂತು, ಹಿರಿಯ ಪೊಲೀಸ್‌ ಅಧಿಕಾರಿಯೊಬ್ಬರನ್ನು ಗುರಾಯಿಸಿ ನೋಡುತ್ತಿದ್ದಾರೆ. ಲೊಕಸಭೆ ಚುನಾವಣೆಗೂ ಮುನ್ನ ಸಿಸಿಬಿ ಪೊಲೀಸರು, ಬೆಂಗಳೂರಿನ ಕೆಲ ರೌಡಿಗಳನ್ನು ಸಿಸಿಬಿಗೆ ಕರೆತಂದಾಗ ಹಿರಿಯ ಪೊಲೀಸ್‌ ಅಧಿಕಾರಿ ಯೊಬ್ಬರ ಹಾಗೂ ರೌಡಿಯೊಬ್ಬನ ನಡುವೆ ಮಾತಿನ ಚಕಮಕಿ ನಡೆದಿತ್ತು. ಆಗ ರೌಡಿಯನ್ನು ಮಾತನಾಡಿಸುತ್ತಿದ್ದಾಗ ಆತ ಗುರಾಯಿಸಿಕೊಂಡು ನೋಡುತ್ತಿದ್ದಾನೆ ಎಂದು ಆ ಅಧಿಕಾರಿ ಅವರು ಕೋಪ ಮಾಡಿಕೊಂಡಿದ್ದರು. ಈಗ ಸಲಗ ಸಿನಿಮಾದ ಫೋಟೋಗೂ ಈ ಘಟನೆಗೂ ಹೊಂದಾಣಿಕೆಯಾಗುತ್ತಿದ್ದು, ಇದೇ ಕಥೆಯನ್ನು ಇಟ್ಟುಕೊಂಡು ವಿಜಯ್‌ ಸಿನಿಮಾ ಮಾಡುತ್ತಿದ್ದಾರೆಯೇ ಎಂಬ ಅನುಮಾನ ಮೂಡುತ್ತಿದೆ.

ಆದರೆ ಲವಲವಿಕೆ ಜತೆ ಮಾತನಾಡಿದ ವಿಜಯ್‌, 'ನೀವು ಹೇಳಿದ ಘಟನೆಗೂ, ನಮ್ಮ ಕಥೆಗೂ ಸಂಬಂಧವಿಲ್ಲ. ಆದರೆ ಈ ಚಿತ್ರ ನೈಜ ಘಟನೆಗಳನ್ನು ಆಧರಿಸಿರುವ ಕಾಲ್ಪನಿಕ ಕಥೆ. ಈ ಫೋಟೋಗಳು ಅದೇ ಥರ ಕಾಣುತ್ತಿವೆ ಎಂದರೆ ಅದು ಕಾಕತಾಳಿಯವಷ್ಟೇ.ಯಾವುದೇ ಕಾರಣಕ್ಕೂ ಸಲಗ ಸಿನಿಮಾದಲ್ಲಿ ಸುನೀಲನ ಕಥೆಯಾಗಲಿ, ಪೊಲೀಸರ ಕಥೆಯಾಗಲಿ ಇಲ್ಲ. ಒಂದು ಮಾಸ್‌, ಎಮೋಷನ್ಸ್‌, ಕಾಮಿಡಿ ಎಲ್ಲವೂ ಇರುವಂತಹ ಕಮರ್ಷಿಯಲ್‌ ಸಿನಿಮಾ.ಇದರಲ್ಲಿ ನಾನು ರೌಡಿ ಪಾತ್ರ ನಿರ್ವಹಿಸಿದರೆ ಧನಂಜಯ ಐಪಿಎಸ್‌ ಅಧಿಕಾರಿ ಪಾತ್ರ ಮಾಡುತ್ತಿದ್ದಾರೆ. ಆದರೆ ಸುನೀಲನ ಕಥೆಗೂ ಇದಕ್ಕೂ ಸಬಂಧವಿಲ್ಲ ಎಂದು ನಾನು ಮತ್ತೊಮ್ಮೆ ಕನ್ಫರ್ಮ್‌ ಮಾಡುತ್ತೇನೆæ' ಎಂದಿದ್ದಾರೆ.

ಸಲಗ ಸಿನಿಮಾಗೆ ಮಾಸ್ತಿ ಸಂಭಾಷಣೆ ಬರೆಯುತ್ತಿದ್ದು, ಚರಣ್‌ ರಾಜ್‌ ಸಂಗೀತ ನೀಡುತ್ತಿದ್ದಾರೆ. ಸದ್ಯ ಫೋಟೋ ಶೂಟ್‌ ಮುಗಿಸಿರುವ ಚಿತ್ರತಂಡ ಜೂನ್‌ 6ಕ್ಕೆ ಮುಹೂರ್ತವನ್ನು ನಡೆಸಲಿದೆ.

----

ಈ ಫೋಟೋಗೂ ಆ ಘಟನೆಗೂ ಸಂಬಂಧವಿಲ್ಲ. ಇದೊಂದು ಕಾಲ್ಪನಿಕ ಕಥೆ. ಈ ರೀತಿ ಯಾಕೆ ಸುದ್ದಿಯಾಗುತ್ತಿದೆಯೋ ನನಗೂ ಗೊತ್ತಿಲ್ಲ. ರೌಡಿಸಂ ಸಿನಿಮಾ ಎಂದ ಮೇಲೆ ಅಲ್ಲಿ ಪೊಲೀಸ್‌ ಪಾತ್ರ ಇರಲೇಬೇಕು. ಈ ಸಿನಿಮಾದಲ್ಲಿ ಹಾಗೆ ಇದೆ.

-ದುನಿಯಾ ವಿಜಯ್‌ | ನಿರ್ದೇಶಕ, ನಟ

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ
ಟ್ರೆಂಡಿಂಗ್‌