ನಟಿ ಸಮಂತಾ ಡಿಮ್ಯಾಂಡ್‌ ಮಾಡಿದ ಸಂಭಾವನೆ ಕೇಳಿ ಬೆಚ್ಚಿಬಿದ್ದ ನಿರ್ಮಾಪಕರು!

ಸಾಮಾನ್ಯವಾಗಿ ನಟಿಯರಿಗೆ ಮದುವೆಯಾದ ಮೇಲೆ ಸಿನಿಮಾರಂಗದಲ್ಲಿ ನಾಯಕಿಯಾಗಿ ಅವಕಾಶಗಳು ಕಮ್ಮಿ ಆಗುತ್ತವೆ ಎಂಬುದು ವಾಡಿಕೆ. ಆದರೆ, ನಟಿ ಸಮಂತಾ ಅಕ್ಕಿನೇನಿ ಈ ಮಾತಿಗೆ ವಿರುದ್ಧ. ಯಾಕೆಂದರೆ, ಅವರಿಗೆ ಮದುವೆಯಾದ ಮೇಲೂ ಬೇಡಿಕೆ ಕುಗ್ಗಿಲ್ಲ. ಈಗಲೂ ಅವರ ಕಾಲ್‌ಶೀಟ್‌ಗಾಗಿ ನಿರ್ಮಾಪಕರು ಅವರ ಮನೆ ಮುಂದೆ ಕಾಯುತ್ತಾರೆ. ಈ ಅವಕಾಶವನ್ನು ಮಿಸ್ ಮಾಡಿಕೊಳ್ಳಬಾರದು ಎಂದು ನಿರ್ಧರಿಸಿರುವ ಸಮಂತಾ, ಈಗ ಸಂಭಾವನೆಯನ್ನು ಹೆಚ್ಚು ಮಾಡಿಕೊಂಡಿದ್ದಾರಂತೆ. ಅದು ಎಷ್ಟು ಗೊತ್ತಾ? ಬರೋಬ್ಬರಿ 3.5 ಕೋಟಿ ರೂ.!

ಸದ್ಯ ಇಂಥದ್ದೊಂದು ಗಾಸಿಪ್‌ ಟಾಲಿವುಡ್‌ ಅಂಗಳದಿಂದ ಕೇಳಿಬಂದಿದೆ. ಸದ್ಯ ಅವರ ಮುಖ್ಯಭೂಮಿಕೆಯಲ್ಲಿ ಹೊಸ ಸಿನಿಮಾವೊಂದನ್ನು ಮಾಡುವುದಕ್ಕೆ ನಿರ್ಮಾಪಕರೊಬ್ಬರು ಮುಂದಾಗಿದ್ದಾರೆ. ಹಾಗಾಗಿ, ಸಂಭಾವನೆ ವಿಚಾರವಾಗಿ ಸಮಂತಾ ಬಳಿ ಮಾತನಾಡಿದ್ದಾರೆ. ಆದರೆ, ಅವರು 3.5 ಕೋಟಿ ರೂ. ಸಂಭಾವನೆ ಕೇಳಿದ್ದಾರೆ ಎನ್ನಲಾಗಿದೆ. ಇದ್ದಕ್ಕಿದ್ದಂತೆಯೇ ಇಷ್ಟೊಂದು ದೊಡ್ಡ ಮೊತ್ತದ ಸಂಭಾವನೆಯನ್ನು ಸಮಂತಾ ಡಿಮ್ಯಾಂಡ್ ಮಾಡಿದ್ದೇಕೆ? ಅದಕ್ಕುತ್ತರ 'ಓಹ್ ಬೇಬಿ'!

ಈ ವರ್ಷ ಸಮಂತಾ ನಟಿಸಿದ್ದ 'ಜಾನು' ಚಿತ್ರವು ಬಾಕ್ಸ್ ಆಫೀಸ್‌ನಲ್ಲಿ ಹೀನಾಯ ಸೋಲು ಕಂಡಿತ್ತು. ಆದರೆ, ಕಳೆದ ವರ್ಷ ತೆರೆಕಂಡಿದ್ದ ಮಹಿಳಾ ಪ್ರಧಾನ ಸಿನಿಮಾ 'ಓಹ್‌ ಬೇಬಿ' ಚಿತ್ರವು ಹಾಕಿದ ಬಂಡವಾಳವನ್ನು ಡಬಲ್ ಮಾಡಿಕೊಟ್ಟಿತ್ತು. ಹಾಗಾಗಿ, ತಮಗೂ ಬಾಕ್ಸ್ ಆಫೀಸ್‌ನಲ್ಲಿ ಒಳ್ಳೆಯ ಓಪನಿಂಗ್ ಸಿಗಲಿದೆ ಎಂಬುದನ್ನು ತಿಳಿದಿರುವ ಸಮಂತಾ, ಈಗ ಇಷ್ಟೊಂದು ದೊಡ್ಡ ಮೊತ್ತ ಡಿಮ್ಯಾಂಡ್ ಮಾಡಿದ್ದಾರೆ ಎನ್ನಲಾಗಿದೆ. 'ಅಷ್ಟೊಂದು ಮೊತ್ತ ನೀಡಲು ಸಾಧ್ಯವಿಲ್ಲ. ಬೇಕಾದರೆ, ಚಿತ್ರದಿಂದ ಬರುವ ಆದಾಯದಲ್ಲಿ ನಿಮಗೆ ಇಂತಿಷ್ಟು ಪರ್ಸೆಂಟ್ ಅಂತ ನೀಡುತ್ತೇವೆ ಎಂದು ನಿರ್ಮಾಪಕರು ಆಫರ್ ನೀಡಿದ್ದರಂತೆ. ಅದಕ್ಕೆ ಓಕೆ ಎನ್ನದ ಸಮಂತಾ, ಆ ರೀತಿ ಯಾವುದೇ ಷೇರು ಬೇಡ, ಸಂಭಾವನೆ ಮಾತ್ರ ನೀಡಿ ಎಂದು ಹೇಳಿದ್ದಾರಂತೆ!

ಕನ್ನಡದ 'ದಿಯಾ' ಸಿನಿಮಾದ ಮೇಲೆ ಕಣ್ಣು ಹಾಕಿದ ನಟಿ ಸಮಂತಾ ಅಕ್ಕಿನೇನಿ!

ಆದರೆ, ಈ ಬಗ್ಗೆ ಇನ್ನೊಂದು ಮೂಲ ನೀಡುವ ಮಾಹಿತಿಯೇ ಬೇರೆ! ಒಂದುವೇಳೆ, ನಿರ್ಮಾಪಕರು, ನಿರ್ದೇಶಕರು ಹೇಳುವ ಕಥೆ ಸಮಂತಾಗೆ ಇಷ್ಟವಾಗದೇ ಹೋದಾಗ, ಅದನ್ನು ನೇರವಾಗಿ ಹೇಳಲು ಸಾಧ್ಯವಾಗದೇ ಇದ್ದಾಗ, ಈ ರೀತಿ ದುಬಾರಿ ಸಂಭಾವನೆ ಕೇಳುತ್ತಾರೆ ಎಂದು ಹೇಳಲಾಗುತ್ತಿದೆ. ಸದ್ಯ ಸಮಂತಾ ಯಾವುದೇ ಸಿನಿಮಾಗಳನ್ನು ಒಪ್ಪಿಕೊಂಡಿಲ್ಲ. ಸದ್ಯ 'ದಿ ಫ್ಯಾಮಿಲಿ ಮ್ಯಾನ್‌ 2' ವೆಬ್‌ ಸಿರೀಸ್‌ನ ಶೂಟಿಂಗ್ ಮುಗಿಸಿಕೊಟ್ಟಿದ್ದಾರೆ.

ಸುಂದರಿಯರಿಗೆ ಸಂಕಟ ತಂದೊಡ್ಡಿದ ಕೊರೊನಾ! ಸಮಂತಾ, ತಮನ್ನಾ, ಕೀರ್ತಿಗೆ ಹೊಸ ಚಿಂತೆ ಶುರು