ಕಿಚ್ಚ ಸುದೀಪ್ 'ಪೈಲ್ವಾನ್' ಬಿಡುಗಡೆ ಮತ್ತೆ ಮುಂದಕ್ಕೆ; ಸಾಯಂಕಾಲ ಘೋಷಣೆ!

ಸ್ಯಾಂಡಲ್‌ವುಡ್ 'ಅಭಿನಯ ಚಕ್ರವರ್ತಿ' ಖ್ಯಾತಿಯ ಕಿಚ್ಚ ಸುದೀಪ್ ನಟನೆಯ 'ಪೈಲ್ವಾನ್' ಸಿನಿಮಾದ ಬಿಡುಗಡೆ ದಿನಾಂಕ ಮತ್ತೆ ಮುಂದಕ್ಕೆ ಹೋಗಿದೆ. ಈ ಮೊದಲು ಸಹ ಚಿತ್ರದ ರಿಲೀಸ್ ಡೇಟ್ ಮುಂದಕ್ಕೆ ಹೋಗಿ 'ಆಗಸ್ಟ್ 29ಕ್ಕೆ ಬಿಡುಗಡೆ' ಎನ್ನಲಾಗಿತ್ತು. ಆದರೆ, ಇದೀಗ ಪೈಲ್ವಾನ್ ಚಿತ್ರದ ರಿಲೀಸ್ ಡೇಟ್ ಮುಂದಕ್ಕೆ ಹೋಗಿದ್ದು, ಇಂದು ಸಂಜೆ 6-30ಕ್ಕೆ ಮುಂದಿನ ಬಿಡುಗಡೆ ದಿನಾಂಕವನ್ನು ಅಧಿಕೃತವಾಗಿ ಘೋಷಿಸಲಾಗುವುದು ಎಂದು ಚಿತ್ರದ ನಿರ್ದೇಶಕ ಹಾಗು ನಿರ್ಮಾಪಕರಾದ ಎಸ್ ಕೃಷ್ಣ ಅವರು ತಮ್ಮ ಟ್ವೀಟರ್ ಖಾತೆಯ ಮೂಲಕ ಬಹರಂಗಪಡಿಸಿದ್ದಾರೆ.

ಮೊಟ್ಟಮೊದಲು ಘೋಷಿಸಿದಂತೆ 'ಪೈಲ್ವಾನ್' ಚಿತ್ರದ ಬಿಡುಗಡೆ 'ಆಗಸ್ಟ್ 8ಕ್ಕೆ' ಎನ್ನಲಾಗಿತ್ತು. ಆದರೆ, ದಿನಾಂಕ ಮುಂದಕ್ಕೆ ಹೋಗಿ ಬಳಿಕ ಅದು ಆಗಸ್ಟ್ 29ಕ್ಕೆ ಎನ್ನಲಾಯಿತು. ಆದರೆ, ಈಗ ಮತ್ತೆ ಸಿನಿಮಾದ ಬಿಡುಗಡೆ ದಿನಾಂಕ ಪೋಸ್ಟ್ ಫೋನ್ ಆಗಿದೆ. ಈ ಬಗ್ಗೆ ನಿರ್ದೇಶಕ ಕೃಷ್ಣ ತಮ್ಮ ಟ್ವೀಟರ್ ಖಾತೆಯ ಮೂಲಕ ತಿಳಿಸಿದ್ದಾರೆ. ಪೈಲ್ವಾನ್ ಚಿತ್ರವನ್ನು ಇಂಡೀ ಇಂಡಿಯಾ ಲೆವಲ್‌ಗೆ ರಿಲೀಸ್ ಮಾಡುವ ಕಾರಣ ಸಿನಿಮಾದ ರಿಲೀಸ್ ಡೇಟ್ ಮುಂದಕ್ಕೆ ಹಾಕಲಾಗಿದೆಯಂತೆ. ಅದರಲ್ಲಿಯೂ ಮುಖ್ಯವಾಗಿಯೇ ಹಿಂದಿ ಮತ್ತು ತೆಲುಗು ಭಾಷೆಯ ಬಿಡುಗಡೆಗೆ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆಯಂತೆ.

ಅಷ್ಟೇ ಅಲ್ಲ, ಚಿತ್ರದ ಬಿಡುಗಡೆ ಮಾತ್ರವಲ್ಲ, ಜತೆಗೆ ಚಿತ್ರದುರ್ಗದಲ್ಲಿ ನಡೆಯಬೇಕಿದ್ದ ಆಡಿಯೋ ಬಿಡುಗಡೆ ಕಾರ್ಯಕ್ರಮ ಸಹ ಮುಂದಕ್ಕೆ ಹೋಗಿದೆಯಂತೆ. ಹೀಗಾಗಿ, ಪೈಲ್ವಾನ್ ಸಿನಿಮಾದ ಬಿಡುಗಡೆಯ ಹೊಸ ದಿನಾಂಕ ಹಾಗೂ ಆಡಿಯೋ ರಿಲೀಸ್ ದಿನಾಂಕವನ್ನು ಇಂದು ಸಂಜೆ 6.30ಕ್ಕೆ (22 ಜೂನ್ 2019) ತಿಳಿಸಲಾಗುವುದು ಎಂಬ ಮಾಹಿತಿಯನ್ನು ಎಸ್ ಕೃಷ್ಣ ಅವರು ಇಂದು ಸಂಜೆ 6-30ಕ್ಕೆ ರಿವೀಲ್ ಮಾಡಲಿದ್ದಾರೆ ಎನ್ನಲಾಗಿದೆ.