ಸೀರೆಯಲ್ಲಿ ಸಖತ್ ಮಿಂಚುತ್ತಿರುವ 'ಐ ಲವ್ ಯೂ' ರಚಿತಾ ರಾಮ್!

ಸ್ಯಾಂಡಲ್‌ವುಡ್ ಬೆಡಗಿ, ಸ್ಟಾರ್ ನಟಿ ರಚಿತಾ ರಾಮ್ ಅವರು ಸೀರೆಯಲ್ಲಿ ಸಖತ್ ಮಿಂಚುತ್ತಿದ್ದಾರೆ. ಇತ್ತೀಚೆಗಷ್ಟೇ ಸೀರೆ ಉಟ್ಟು ಹೊಸ ಫೋಟೋ ಶೂಟ್ ಮಾಡಿಸಿರುವ ನಟಿ ರಚಿತಾ ರಾಮ್, ಆ ಫೋಟೋಗಳನ್ನು ತಮ್ಮ ಸೋಷಿಯಲ್ ಮೀಡಿಯಾ ಪೇಜ್‌ನಲ್ಲಿ ಹಾಕಿ ಬಹಳಷ್ಟು ಜನರ ಕಣ್ಣು ಕುಕ್ಕುತ್ತಿದ್ದಾರೆ.

ಈ ಮೊದಲು, ಕಿಚ್ಚ ಸುದೀಪ್ ನಾಯಕತ್ವದ 'ರನ್ನ' ಸಿನಿಮಾದಲ್ಲಿ 'ಸೀರೇಲಿ ಹುಡುಗೀರ ನೋಡಲೇಬಾರದು, ನಿಲ್ಲಲ್ಲ ಟೆಂಪ್ರೇಚರು..' ಎಂಬ ಹಾಡಿನಲ್ಲಿ ಕಾಣಿಸಿಕೊಂಡಿದ್ದ ನಟಿ ರಚಿತಾ, ಇದೀಗ ಸೀರೆಯಲ್ಲಿ ಹೊಸ ಫೋಟೋ ಶೂಟ್ ಮಾಡಿಸಿಕೊಂಡು ಸಖತ್ ಮಿಂಚಿಂಗ್‌ ನೀಡುತ್ತಿದ್ದಾರೆ. ನಾಲ್ಕರಿಂದ ಐದು ವೆರೈಟಿಯ ಸೀರೆಯಲ್ಲಿ ರಚಿತಾ ರಾಮ್ ಬೊಂಬೆಯಂತೆ ಕಂಗೊಳಿಸಿದ್ದಾರೆ. ಅಚ್ಚಗನ್ನಡದ ಈ 'ಬುಲ್ ಬುಲ್ ಬೆಡಗಿ'

ಕನ್ನಡದ ಸಿನಿಮಾ ಫೋಟೋಗ್ರಾಫರ್ ಚಂದನ್ ಗೌಡ ರಚಿತಾ ರಾಮ್ ಅವರ ಈ ಸೀರೆಯ ಸುಂದರ ಫೋಟೋಗಳನ್ನು ತಮ್ಮ ಕ್ಯಾಮೆರಾದಲ್ಲಿ ಸೆರೆ ಹಿಡಿದಿದ್ದಾರೆ. ಮೋಹನ್ ರಚಿತಾ ರಾಮ್ ಅವರಿಗೆ ಮೇಕಪ್ ಮಾಡಿದ್ದು ಅರುಣ್ ಕಾಸ್ಟೂಮ್ ಡಿಸೈನ್ ಮಾಡಿದ್ದಾರೆ. ಒಟ್ಟಿನಲ್ಲಿ, ಸೀರೆಯಲ್ಲಿ ಸೂಪರ್ ಆಗಿ ಕಂಗೊಳಿಸುತ್ತಿರುವ ನಟಿ ರಚಿತಾ ರಾಮ್ ನೋಡಲು ಎಕ್ಸ್‌ಟ್ರಾ ಕಣ್ಣು ಎಲ್ಲಾದರೂ ಸಿಗುತ್ತಾ ಎಂದು ಅವರ ಅಭಿಮಾನಿಗಳು ಕಾಯುತ್ತಿದ್ದಾರೆ ಎನ್ನಲಾಗಿದೆ.

ಅಂದಹಾಗೆ, ನಟಿ ರಚಿತಾ ರಾಮ್ ಅವರು ಇತ್ತೀಚಿಗಷ್ಟೆ ಸೂಪರ್ ಸ್ಟಾರ್ ಉಪೇಂದ್ರ ಜೊತೆ 'ಐ ಲವ್ ಯೂ' ಸಿನಿಮಾ ಮುಗಿಸಿ ಇದೀಗ ನೀನಾಸಂ ಸತೀಶ್ ಜೊತೆ 'ಅಯೋಗ್ಯ-2' ಚಿತ್ರಕ್ಕೆ ಆಯ್ಕೆಯಾಗಿದ್ದಾರೆ. ಇನ್ನು ಸದ್ಯದಲ್ಲೇ ಹೊಸ ಚಿತ್ರವೊಂದಕ್ಕೆ ರಚಿತಾ ಬಣ್ಣ ಹಚ್ಚಲಿದ್ದಾರೆ ಎನ್ನಲಾಗಿದೆ. ಒಟ್ಟಿನಲ್ಲಿ ನಟಿ ರಚಿತಾ ರಾಮ್ ಸಿನಿಮಾದಲ್ಲಿ ಬಹಳಷ್ಟು ಬ್ಯುಸಿ ಇದ್ದಾರೆ.