ಹೃತಿಕ್ ರೋಶನ್ ನೆನಪಿಸಲು ಸಜ್ಜಾದ ಕಿಚ್ಚ ಸುದೀಪ್!

ಕ್ರಿಶ್ ಎಂದಾಕ್ಷಣ ನೆನಪಾಗುವುದು ಬಾಲಿವುಡ್ ನಟ ಹೃತಿಕ್ ರೋಶನ್. ಬಾಲಿವುಡ್ ಇಂಡಸ್ಟ್ರಿಯಲ್ಲಿ ಬಂದ ಸೂಪರ್ ಹಿಟ್ ಸಿನಿಮಾ ಕ್ರಿಶ್. ಹೃತಿಕ್ ರೋಷನ್ ‘ಸೂಪರ್ ಹೀರೊ’ ಆಗಿ ನಟಿಸಿದ ಸಿನಿಮಾವಿದು. ಫ್ಯಾಂಟಸಿ ಜೋನರ್‌ನಲ್ಲಿ 'ಕ್ರಿಶ್' ಸಿನಿಮಾ ಹೊಸದೊಂದು ಅಧ್ಯಾಯವನ್ನೇ ಪ್ರಾರಂಭಿಸಿತು. ಆ ಮೂಲಕ ಭಾರತೀಯ ಚಿತ್ರರಂಗದಲ್ಲಿ ಅದೆಷ್ಟೋ ಫ್ಯಾಂಟಸಿ ಕಥೆಗಳು ತೆರೆಗೆ ಬಂದವು.

ಕ್ರಿಶ್ ಸೀರಿಸ್ನಿಂದ ಹೃತಿಕ್ ಭಾರತದ ಮನೆ ಮಾತಾದರು. ಕ್ರಿಶ್ ಲುಕ್, ಹೇರ್ಸ್ಟೈಲ್, ಮ್ಯಾನರಿಸಂ, ಎಲ್ಲವೂ ಸಾಮಾನ್ಯರಿಗೆ ಇಷ್ಟವಾಗಿತ್ತು. ಇದೀಗ ಇಂಥದ್ದೇ ಲುಕ್ನಲ್ಲಿ 'ಸೌತ್ ಇಂಡಿಯನ್ ಸ್ಟೈಲಿಸ್ ಸ್ಟಾರ್' ಕಿಚ್ಚ ಸುದೀಪ್ ತಮ್ಮ ಮುಂಬರುವ 'ಕೋಟಿಗೊಬ್ಬ-3' ಕಾಣಿಸಿಕೊಂಡಿದ್ದಾರೆ.

'ಕೋಟಿಗೊಬ್ಬ' ಎಂದ ತಕ್ಷಣ ನೆನಪಾಗುವುದು ಡಾ ವಿಷ್ಣುವರ್ಧನ್. ಕೋಟಿಗೊಬ್ಬ ಸಿನಿಮಾ ಕನ್ನಡದಲ್ಲಿ ಸೂಪರ್ ಹಿಟ್ ಆಗಿ ಹೊಸದೊಂದು ಟ್ರೆಂಡ್ ಕ್ರಿಯೇಟ್ ಮಾಡಿತ್ತು. ಆನಂತರದಲ್ಲಿ ಕಿಚ್ಚ ಸುದೀಪ್ ನಾಯಕತ್ವದಲ್ಲಿ ಮೂಡಿಬಂದಿದ್ದ 'ಕೋಟಿಗೊಬ್ಬ-2' ತೆರೆಕಂಡು ಯಶಸ್ವಿಯಾಗಿತ್ತು. ಇದೀಗ ಮೂರನೇ ಸೀಕ್ವೆಲ್ನಲ್ಲಿ ಅಬ್ಬರಿಸಲು ಕಿಚ್ಚ ಸುದೀಪ್ ಸಿದ್ಧರಾಗಿದ್ದಾರೆ.

ಕೋಟಿಗೊಬ್ಬ-3 ಚಿತ್ರವು ಟೀಸರ್ ಮೂಲಕ ಭಾರಿ ಹೈಪ್ ಸೃಷ್ಟಿಸಿದೆ. ಇದೀಗ ಕಿಚ್ಚನ ಹೊಸದೊಂದು ಲುಕ್ ಮತ್ತಷ್ಟು ಫೀವರ್ ಹೆಚ್ಚಿಸಿದೆ. ಹೆಚ್ಚುಕಡಿಮೆ 'ಕ್ರಿಶ್' ಚಿತ್ರದ ಹೃತಿಕ್ ಲುಕ್ನಲ್ಲಿ ಸುದೀಪ್ ಕಾಣಿಸಿಕೊಂಡಿದ್ದಾರೆ. ಬ್ಲ್ಯಾಕ್ ಕಾಸ್ಟ್ಯೂಮ್, ಲಾಂಗ್ ಹೇರ್ಸ್ಟೈಲ್, ಕಣ್ಣಿಗೆ ಬಣ್ಣ ಹಚ್ಚಿಕೊಂಡು ಸುದೀಪ್ ಅವರು ಈ ಚಿತ್ರದಲ್ಲಿ 'ಕ್ರಿಶ್' ಗೆಟಪ್‌ನಲ್ಲಿ ನಟಿಸಿದ್ದಾರೆ. ಚಿತ್ರತಂಡ ವಿದೇಶದಲ್ಲಿ ಸಾಹಸ ದೃಶ್ಯಗಳ ಚಿತ್ರೀಕರಣ ನಡೆಸಿದೆ. ಕಿಚ್ಚನ ಈ ಲುಕ್ ಚಿತ್ರದ ಉದ್ದಕ್ಕೂ ಇರುವ ನಿರೀಕ್ಷೆಯಿದೆ.