-ಪದ್ಮಾ ಶಿವಮೊಗ್ಗ
ಯುಗಾದಿ ಸಂಭ್ರಮದಲ್ಲಿ ಕನ್ನಡ ಚಿತ್ರ ನಟಿಯರು ನಾಡಿನ ಜನರೆಲ್ಲರಿಗೂ ಹಬ್ಬ ಸುಖ ಶಾಂತಿ ತರಲಿ ಎಂದು ಹಾರೈಸಿದ್ದಾರೆ. ಜತೆಗೆ ತಾವೂ ಹಬ್ಬದ ಸಂಭ್ರಮದಲ್ಲಿರುವುದಾಗಿ ನಟಿಯರಾದ ರಾಗಿಣಿ, ಮೇಘನಾ ರಾಜ್, ಹರಿಪ್ರಿಯಾ ತಿಳಿಸಿದ್ದಾರೆ.
ಅಡುಗೆ ಮಾಡಲಿರುವ ರಾಗಿಣಿ
ನಟಿ ರಾಗಿಣಿ ಅಪ್ಪ ಅಮ್ಮ ಮೂಲತಃ ಪಂಜಾಬ್ನವರಾದರೂ ಅನೇಕ ವರ್ಷಗಳಿಂದ ಬೆಂಗಳೂರಿನಲ್ಲೇ ನೆಲೆಸಿದ್ದಾರಲ್ಲದೆ ಇಲ್ಲಿನ ಎಲ್ಲಾ ಹಬ್ಬಗಳನ್ನೂ ಮನೆ ಹಬ್ಬದಂತೆಯೇ ಆಚರಿಸುತ್ತಾ ಬಂದಿದ್ದಾರೆ. 'ನಾವು ಈಗ ಕನ್ನಡಿಗರೇ ಆಗಿಬಿಟ್ಟಿದ್ದೇವೆ. ಹಾಗಾಗಿ ಎಲ್ಲಾ ಹಬ್ಬಗಳನ್ನೂ ಅಚರಣೆ ಮಾಡೇ ಮಾಡ್ತೀವಿ. ಯುಗಾದಿಯಲ್ಲೂ ಹೋಳಿಗೆ ಮಾಡ್ತೀವಿ. ನನಗೆ ಅಡುಗೆ ಮಾಡೋದು ಅಂದ್ರೆ ಇಷ್ಟ. ನಾನೇ ಸಿಹಿ ತಿಂಡಿ ಮಾಡ್ತೀನಿ. ಮನೆಯವರೆಲ್ಲಾ ಒಟ್ಟಿಗೆ ಹಬ್ಬ ಆಚರಿಸಿ ರಿಲ್ಯಾಕ್ಸ್ ಮಾಡೋದು ಖುಷಿ ಕೊಡುತ್ತೆ. ಹೊಸ ವರ್ಷ ಒಳ್ಳೆಯದಾಗಲಿ ಎಂದು ಸ್ನೇಹಿತರಿಗೆ ಹಾರೈಸುತ್ತೇವೆ. ಬೇವು ಬೆಲ್ಲ ಮಾಡುತ್ತೇವೆ. ಎಲ್ಲರಿಗೂ ಯುಗಾದಿ ಹಬ್ಬದ ಶುಭಾಷಯಗಳು. ಹೊಸ ವರ್ಷ ನಿಮ್ಮ ಬಾಳಲ್ಲಿ ಯಶಸ್ಸನ್ನು ತರಲಿ ಎಂದು ನಾನು ಈ ಮೂಲಕ ಶುಭ ಹಾರೈಸುತ್ತೇನೆ' ಎಂದಿದ್ದಾರೆ ರಾಗಿಣಿ.
ಮೇಘನಾಗೆ ಮೊದಲ ಯುಗಾದಿ
ನಟಿ ಮೇಘನಾ ರಾಜ್ಗೆ ಇದು ಮೊದಲ ಯುಗಾದಿ. ಮದುವೆಯಾಗಿ ಅತ್ತೆ ಮನೆಯಲ್ಲಿ ಈ ಬಾರಿ ಯುಗಾದಿ ಹಬ್ಬ ಆರಿಸುತ್ತಿದ್ದಾರೆ. ಹಾಗಾಗಿ ಇದು ಬಹಳ ಸ್ಪೆಷಲ್ ಎನ್ನುತ್ತಾರೆ ಅವರು. 'ನಾನು ಇಲ್ಲಿಯವರೆಗೆ ಅಜ್ಜಿ ಮನೆಯಲ್ಲೇ ಹಬ್ಬಗಳನ್ನು ಸೆಲೆಬ್ರೇಟ್ ಮಾಡುತ್ತಾ ಬಂದಿದ್ದೆ. ಮದುವೆಯ ನಂತರ ಅತ್ತೆ ಮನೆಯಲ್ಲಿ ಆಚರಿಸುತ್ತಿದ್ದೇನೆ.ಯುಗಾದಿಯಲ್ಲಿ ಹೊಸ್ತೊಡಕು ಬಹಳ ವಿಶೇಷವಾಗಿ ಮಾಡ್ತೀವಿ. ಮರುದಿನ ಹೊಸ್ತೊಡಕು ಜೋರಾಗಿರುತ್ತದೆ. ಸಾಮಾನ್ಯವಾಗಿ ಭಾನುವಾರ ಸ್ಪೆಷಲ್ ಇದ್ದೇ ಇರುತ್ತಿತ್ತು. ಆದರೆ, ಈ ಬಾರಿ ಹೊಸ್ತೊಡಕು ಭಾನುವಾರವೇ ಬಂದಿರುವುದು ಇನ್ನೂ ವಿಶೇಷ' ಎಂದಿದ್ದಾರೆ ಅವರು.
ಅತ್ತೆ ಮನೆಯಲ್ಲೂ ಮಗಳಾಗಿದ್ದೇನೆ ಎಂದಿದ್ದಾರೆ ಅವರು. 'ಅಮ್ಮನ ಮನೆಯಲ್ಲಿ ಹೇಗೆ ನಾನು ಬಿಂದಾಸ್ ಆಗಿದ್ದೆನೋ ಇಲ್ಲೂ ಹಾಗೇ. ಯಾವುದಕ್ಕೂ ತಲೆಕೆಡಿಸಿಕೊಳ್ಳಬೇಕಿಲ್ಲ. ಅತ್ತೆ ಎಲ್ಲಾ ತಯಾರಿ ಮಾಡ್ತಾರೆ. ನನಗೆ ಕೆಲಸ ಇಲ್ಲ. ಹೆಣ್ಣು ಮಗಳು ಅಂತ ನಾನೊಬ್ಬಳೇ ಇರೋದ್ರಿಂದ ತುಂಬಾ ಪ್ಯಾಂಪರ್ ಮಾಡ್ತಾರೆ. ಹೊಸ ಬಟ್ಟೆ ಹಾಕ್ಕೊಂಡು ಓಡಾಡಿಕೊಂಡು ಇರ್ತೀನಿ. ಯುಗಾದಿ ಗಿಫ್ಟ್ಗೆ ಕಾಯ್ತಿದ್ದೇನೆ' ಎಂದು ಸಂತಸ ವ್ಯಕ್ತಪಡಿಸಿದ್ದಾರೆ.
ಹರಿಪ್ರಿಯಾಗೆ ಹಬ್ಬ ಅಂದ್ರೆ ರಿಲ್ಯಾಕ್ಸ್
ನಟಿ ಹರಿಪ್ರಿಯಾ ಈಗ ಫುಲ್ ಬಿಝಿ. ಬ್ಯಾಕ್ ಟು ಬ್ಯಾಕ್ ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ. ಅವರ ನಟನೆಯ ಏಳು ಚಿತ್ರಗಳು ರಿಲೀಸ್ ಆಗಬೇಕಿದೆ. ಇದರ ನಡುವೆ ಹಬ್ಬಕ್ಕೆ ಬ್ರೇಕ್ ತಗೊಂಡು ಮನೆಯಲ್ಲಿ ಸೆಲೆಬ್ರೇಟ್ ಮಾಡೋದು ರಿಲ್ಯಾಕ್ಸ್ ಕೊಡುತ್ತೆ ಎಂದಿದ್ದಾರೆ ಅವರು.
'ನಾನು ಎಲ್ಲಾ ಹಬ್ಬದಲ್ಲೂ ಶೂಟಿಂಗ್ಗೆ ಬ್ರೇಕ್ ತೆಗೆದುಕೊಳ್ತೀನಿ. ಮನೆಯವರ ಜತೆ ಹಬ್ಬ ಆಚರಿಸೋದು ಸಂತಸದ ಸಂಗತಿ. ಹಬ್ಬದಡುಗೆ ಮಾಡಿ ಬಾಳೆ ಎಲೆ ಊಟ ಮಾಡ್ತೀವಿ. ಹಬ್ಬದ ದಿನ ಡಯೆಟ್ ಮಾಡಲ್ಲ. ಚೆನ್ನಾಗಿ ಊಟ ಮಾಡಿ ಫುಲ್ ರೆಸ್ಟ್ ಮಾಡೋದು. ಇದು ಬಹಳ ರಿಲ್ಯಾಕ್ಸ್ ಕೊಡುತ್ತೆ. ಚಿಕ್ಕವರಿದ್ದಾಗ ಹಬ್ಬಕ್ಕಂತಾನೇ ಹೊಸ ಬಟ್ಟೆ ತಗೊಳ್ತಿದ್ದೆವು. ಆಗ ತುಂಬಾ ಎಕ್ಸೈಟ್ಮೆಂಟ್ ಇರ್ತಿತ್ತು. ಆದರೆ, ಈಗ ಅದಿಲ್ಲ. ಯಾವಾಗ್ಲೂ ಹೊಸ ಬಟ್ಟೆ ತಗೊಳ್ತಿರ್ತೀವಿ. ಈಗ ವಿಶೇಷ ಅನ್ನಿಸೋಲ್ಲ. ಊಟ ಮಾಡೋದು, ನೆಂಟರು, ಸ್ನೇಹಿತರ ಜತೆ ಕಾಲ ಕಳೆಯೋದು, ಇದೇ ಮುಖ್ಯ' ಎಂದಿದ್ದಾರೆ ನಟಿ ಹರಿಪ್ರಿಯಾ.
ವಿಶೇಷ ಯುಗಾದಿ ಎಂದ ಪ್ರೇಮ್
ನೆನಪಿರಲಿ ಪ್ರೇಮ್ಗೆ ಈ ಬಾರಿ ಯುಗಾದಿ ಬಹಳ ವಿಶೇಷ. ಯಾಕೆಂದರೆ, ಅವರು ನಟನೆಯ 25ನೇ ಚಿತ್ರಕ್ಕೆ ಸಹಿ ಮಾಡಿದ್ದಾರೆ. ಇದು ಯುಗಾದಿಯ ಕೊಡುಗೆ ಎಂದಿದ್ದಾರೆ ಅವರು. 'ಯಾವ ವರ್ಷಕ್ಕಿಂತ ಈ ವರ್ಷ ಯುಗಾದಿ ನನಗೆ, ನಮ್ಮ ಮನೆಯವರಿಗೆ ಬಹಳ ವಿಶೇಷ ಎನ್ನಿಸಿದೆ. ಯುಗಾದಿ ಬಂದಿದೆ. ಹೊಸ ಸಿನಿಮಾ, ಅದರಲ್ಲೂ ನನ್ನ 25ನೇ ಸಿನಿಮಾಗೆ ಸಹಿ ಮಾಡಿದ್ದೀನಿ. ತುಂಬಾ ಒಳ್ಳೆಯ ಟೈಟಲ್ ಸಿಕ್ಕಿದೆ. ಪ್ರೇಮಂ ಪೂಜ್ಯಮ್ ಅಂತ. ಇವೆಲ್ಲವೂ ಒಟ್ಟಿಗೆ ಕೂಡಿಬಂದಿರುವುದು ತುಂಬಾ ಸ್ಪೆಷಲ್ ಎನ್ನಿಸಿದೆ. ನಿನ್ನೆಯೇ ಚಿತ್ರತಂಡದ ಜತೆ ಯುಗಾದಿ ಸೆಲೆಬ್ರೇಟ್ ಮಾಡಿ, ಸ್ಕ್ರಿಪ್ಟ್ ಚರ್ಚೆ ಮಾಡಿದೆ. ಇಂದು ಕುಟುಂಬದವರೊಂದಿಗೆ ಪುದುಚೆರಿಗೆ ಹೋಗುತ್ತಿದ್ದೇನೆ. ಅಲ್ಲಿ ನಾವೆಲ್ಲರೂ ಯುಗಾದಿ ಆಚರಿಸುತ್ತಿದ್ದೇವೆ' ಎನ್ನುತ್ತಾರೆ ಅವರು.
ಬೇವು ತಿನ್ನೋದು ಕಷ್ಟ ಎನ್ನುವ ನಿಶ್ವಿಕಾ
ಅಮ್ಮಾ ಐ ಲವ್ ಯೂ ಚಿತ್ರದ ಮೂಲಕ ಹೆಸರಾದ ನಟಿ ನಿಶ್ವಿಕಾ ನಾಯ್ಡು, ಈಗ ಶೂಟಿಂಗ್ನಲ್ಲಿ ಬಿಝಿ. ಪಡ್ಡೆ ಹುಲಿ ರಿಲೀಸ್ ದಿನ ಹತ್ತಿರ ಬರುತ್ತಿರುವುದು ಯುಗಾದಿ ಸಂಭ್ರಮ ಹೆಚ್ಚಿಸಿದೆ ಎಂದಿದ್ದಾರೆ ಅವರು. 'ಶೂಟಿಂಗ್ನಲ್ಲಿ ಫುಲ್ ಬಿಝಿಯಾಗಿದ್ದೇನೆ. ಆದರೂ ಹಬ್ಬ ಮಿಸ್ ಮಾಡೋಲ್ಲ. ಎಲ್ಲರಂತೆ ಮನೆಯಲ್ಲಿ ಹಬ್ಬದೂಟ, ಬೇವು ಬೆಲ್ಲ ಮಾಡ್ತೀವಿ. ಚಿಕ್ಕವರಿದ್ದಾಗ ಬೇವು ಬೆಲ್ಲ ತಿನ್ನೋದೇ ಕಷ್ಟ ಪಡ್ತಿದ್ದೆ. ಕೈತುಂಬಾ ಬೆಲ್ಲ ತಗೊಂಡು ಒಂದೇ ಒಂದು ಬೇವಿನ ಎಲೆ ಇಟ್ಟುಕೊಂಡು ತಿನ್ನುತ್ತಿದ್ದೆ. ಚಿಕ್ಕವರಿದ್ದಾಗಿನ ಹಬ್ಬಗಳ ಅನುಭವ ಮರೆಯೋಕೆ ಆಗೋಲ್ಲ. ಆ ಮಜಾ ಈಗ ಇಲ್ಲ ಅನ್ಸುತ್ತೆ. ಮನೆಯವರೊಂದಿಗೆ ಹಬ್ಬವನ್ನಂತೂ ಮಾಡ್ತೀವಿ ಎಂದಿದ್ದಾರೆ ನಿಶ್ವಿಕಾ.
ಯುಗಾದಿ ಸಂಭ್ರಮದಲ್ಲಿ ಕನ್ನಡ ಚಿತ್ರ ನಟಿಯರು ನಾಡಿನ ಜನರೆಲ್ಲರಿಗೂ ಹಬ್ಬ ಸುಖ ಶಾಂತಿ ತರಲಿ ಎಂದು ಹಾರೈಸಿದ್ದಾರೆ. ಜತೆಗೆ ತಾವೂ ಹಬ್ಬದ ಸಂಭ್ರಮದಲ್ಲಿರುವುದಾಗಿ ನಟಿಯರಾದ ರಾಗಿಣಿ, ಮೇಘನಾ ರಾಜ್, ಹರಿಪ್ರಿಯಾ ತಿಳಿಸಿದ್ದಾರೆ.
ಅಡುಗೆ ಮಾಡಲಿರುವ ರಾಗಿಣಿ
ನಟಿ ರಾಗಿಣಿ ಅಪ್ಪ ಅಮ್ಮ ಮೂಲತಃ ಪಂಜಾಬ್ನವರಾದರೂ ಅನೇಕ ವರ್ಷಗಳಿಂದ ಬೆಂಗಳೂರಿನಲ್ಲೇ ನೆಲೆಸಿದ್ದಾರಲ್ಲದೆ ಇಲ್ಲಿನ ಎಲ್ಲಾ ಹಬ್ಬಗಳನ್ನೂ ಮನೆ ಹಬ್ಬದಂತೆಯೇ ಆಚರಿಸುತ್ತಾ ಬಂದಿದ್ದಾರೆ. 'ನಾವು ಈಗ ಕನ್ನಡಿಗರೇ ಆಗಿಬಿಟ್ಟಿದ್ದೇವೆ. ಹಾಗಾಗಿ ಎಲ್ಲಾ ಹಬ್ಬಗಳನ್ನೂ ಅಚರಣೆ ಮಾಡೇ ಮಾಡ್ತೀವಿ. ಯುಗಾದಿಯಲ್ಲೂ ಹೋಳಿಗೆ ಮಾಡ್ತೀವಿ. ನನಗೆ ಅಡುಗೆ ಮಾಡೋದು ಅಂದ್ರೆ ಇಷ್ಟ. ನಾನೇ ಸಿಹಿ ತಿಂಡಿ ಮಾಡ್ತೀನಿ. ಮನೆಯವರೆಲ್ಲಾ ಒಟ್ಟಿಗೆ ಹಬ್ಬ ಆಚರಿಸಿ ರಿಲ್ಯಾಕ್ಸ್ ಮಾಡೋದು ಖುಷಿ ಕೊಡುತ್ತೆ. ಹೊಸ ವರ್ಷ ಒಳ್ಳೆಯದಾಗಲಿ ಎಂದು ಸ್ನೇಹಿತರಿಗೆ ಹಾರೈಸುತ್ತೇವೆ. ಬೇವು ಬೆಲ್ಲ ಮಾಡುತ್ತೇವೆ. ಎಲ್ಲರಿಗೂ ಯುಗಾದಿ ಹಬ್ಬದ ಶುಭಾಷಯಗಳು. ಹೊಸ ವರ್ಷ ನಿಮ್ಮ ಬಾಳಲ್ಲಿ ಯಶಸ್ಸನ್ನು ತರಲಿ ಎಂದು ನಾನು ಈ ಮೂಲಕ ಶುಭ ಹಾರೈಸುತ್ತೇನೆ' ಎಂದಿದ್ದಾರೆ ರಾಗಿಣಿ.
ಮೇಘನಾಗೆ ಮೊದಲ ಯುಗಾದಿ
ನಟಿ ಮೇಘನಾ ರಾಜ್ಗೆ ಇದು ಮೊದಲ ಯುಗಾದಿ. ಮದುವೆಯಾಗಿ ಅತ್ತೆ ಮನೆಯಲ್ಲಿ ಈ ಬಾರಿ ಯುಗಾದಿ ಹಬ್ಬ ಆರಿಸುತ್ತಿದ್ದಾರೆ. ಹಾಗಾಗಿ ಇದು ಬಹಳ ಸ್ಪೆಷಲ್ ಎನ್ನುತ್ತಾರೆ ಅವರು. 'ನಾನು ಇಲ್ಲಿಯವರೆಗೆ ಅಜ್ಜಿ ಮನೆಯಲ್ಲೇ ಹಬ್ಬಗಳನ್ನು ಸೆಲೆಬ್ರೇಟ್ ಮಾಡುತ್ತಾ ಬಂದಿದ್ದೆ. ಮದುವೆಯ ನಂತರ ಅತ್ತೆ ಮನೆಯಲ್ಲಿ ಆಚರಿಸುತ್ತಿದ್ದೇನೆ.ಯುಗಾದಿಯಲ್ಲಿ ಹೊಸ್ತೊಡಕು ಬಹಳ ವಿಶೇಷವಾಗಿ ಮಾಡ್ತೀವಿ. ಮರುದಿನ ಹೊಸ್ತೊಡಕು ಜೋರಾಗಿರುತ್ತದೆ. ಸಾಮಾನ್ಯವಾಗಿ ಭಾನುವಾರ ಸ್ಪೆಷಲ್ ಇದ್ದೇ ಇರುತ್ತಿತ್ತು. ಆದರೆ, ಈ ಬಾರಿ ಹೊಸ್ತೊಡಕು ಭಾನುವಾರವೇ ಬಂದಿರುವುದು ಇನ್ನೂ ವಿಶೇಷ' ಎಂದಿದ್ದಾರೆ ಅವರು.
ಅತ್ತೆ ಮನೆಯಲ್ಲೂ ಮಗಳಾಗಿದ್ದೇನೆ ಎಂದಿದ್ದಾರೆ ಅವರು. 'ಅಮ್ಮನ ಮನೆಯಲ್ಲಿ ಹೇಗೆ ನಾನು ಬಿಂದಾಸ್ ಆಗಿದ್ದೆನೋ ಇಲ್ಲೂ ಹಾಗೇ. ಯಾವುದಕ್ಕೂ ತಲೆಕೆಡಿಸಿಕೊಳ್ಳಬೇಕಿಲ್ಲ. ಅತ್ತೆ ಎಲ್ಲಾ ತಯಾರಿ ಮಾಡ್ತಾರೆ. ನನಗೆ ಕೆಲಸ ಇಲ್ಲ. ಹೆಣ್ಣು ಮಗಳು ಅಂತ ನಾನೊಬ್ಬಳೇ ಇರೋದ್ರಿಂದ ತುಂಬಾ ಪ್ಯಾಂಪರ್ ಮಾಡ್ತಾರೆ. ಹೊಸ ಬಟ್ಟೆ ಹಾಕ್ಕೊಂಡು ಓಡಾಡಿಕೊಂಡು ಇರ್ತೀನಿ. ಯುಗಾದಿ ಗಿಫ್ಟ್ಗೆ ಕಾಯ್ತಿದ್ದೇನೆ' ಎಂದು ಸಂತಸ ವ್ಯಕ್ತಪಡಿಸಿದ್ದಾರೆ.
ಹರಿಪ್ರಿಯಾಗೆ ಹಬ್ಬ ಅಂದ್ರೆ ರಿಲ್ಯಾಕ್ಸ್
ನಟಿ ಹರಿಪ್ರಿಯಾ ಈಗ ಫುಲ್ ಬಿಝಿ. ಬ್ಯಾಕ್ ಟು ಬ್ಯಾಕ್ ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ. ಅವರ ನಟನೆಯ ಏಳು ಚಿತ್ರಗಳು ರಿಲೀಸ್ ಆಗಬೇಕಿದೆ. ಇದರ ನಡುವೆ ಹಬ್ಬಕ್ಕೆ ಬ್ರೇಕ್ ತಗೊಂಡು ಮನೆಯಲ್ಲಿ ಸೆಲೆಬ್ರೇಟ್ ಮಾಡೋದು ರಿಲ್ಯಾಕ್ಸ್ ಕೊಡುತ್ತೆ ಎಂದಿದ್ದಾರೆ ಅವರು.
'ನಾನು ಎಲ್ಲಾ ಹಬ್ಬದಲ್ಲೂ ಶೂಟಿಂಗ್ಗೆ ಬ್ರೇಕ್ ತೆಗೆದುಕೊಳ್ತೀನಿ. ಮನೆಯವರ ಜತೆ ಹಬ್ಬ ಆಚರಿಸೋದು ಸಂತಸದ ಸಂಗತಿ. ಹಬ್ಬದಡುಗೆ ಮಾಡಿ ಬಾಳೆ ಎಲೆ ಊಟ ಮಾಡ್ತೀವಿ. ಹಬ್ಬದ ದಿನ ಡಯೆಟ್ ಮಾಡಲ್ಲ. ಚೆನ್ನಾಗಿ ಊಟ ಮಾಡಿ ಫುಲ್ ರೆಸ್ಟ್ ಮಾಡೋದು. ಇದು ಬಹಳ ರಿಲ್ಯಾಕ್ಸ್ ಕೊಡುತ್ತೆ. ಚಿಕ್ಕವರಿದ್ದಾಗ ಹಬ್ಬಕ್ಕಂತಾನೇ ಹೊಸ ಬಟ್ಟೆ ತಗೊಳ್ತಿದ್ದೆವು. ಆಗ ತುಂಬಾ ಎಕ್ಸೈಟ್ಮೆಂಟ್ ಇರ್ತಿತ್ತು. ಆದರೆ, ಈಗ ಅದಿಲ್ಲ. ಯಾವಾಗ್ಲೂ ಹೊಸ ಬಟ್ಟೆ ತಗೊಳ್ತಿರ್ತೀವಿ. ಈಗ ವಿಶೇಷ ಅನ್ನಿಸೋಲ್ಲ. ಊಟ ಮಾಡೋದು, ನೆಂಟರು, ಸ್ನೇಹಿತರ ಜತೆ ಕಾಲ ಕಳೆಯೋದು, ಇದೇ ಮುಖ್ಯ' ಎಂದಿದ್ದಾರೆ ನಟಿ ಹರಿಪ್ರಿಯಾ.
ವಿಶೇಷ ಯುಗಾದಿ ಎಂದ ಪ್ರೇಮ್
ನೆನಪಿರಲಿ ಪ್ರೇಮ್ಗೆ ಈ ಬಾರಿ ಯುಗಾದಿ ಬಹಳ ವಿಶೇಷ. ಯಾಕೆಂದರೆ, ಅವರು ನಟನೆಯ 25ನೇ ಚಿತ್ರಕ್ಕೆ ಸಹಿ ಮಾಡಿದ್ದಾರೆ. ಇದು ಯುಗಾದಿಯ ಕೊಡುಗೆ ಎಂದಿದ್ದಾರೆ ಅವರು. 'ಯಾವ ವರ್ಷಕ್ಕಿಂತ ಈ ವರ್ಷ ಯುಗಾದಿ ನನಗೆ, ನಮ್ಮ ಮನೆಯವರಿಗೆ ಬಹಳ ವಿಶೇಷ ಎನ್ನಿಸಿದೆ. ಯುಗಾದಿ ಬಂದಿದೆ. ಹೊಸ ಸಿನಿಮಾ, ಅದರಲ್ಲೂ ನನ್ನ 25ನೇ ಸಿನಿಮಾಗೆ ಸಹಿ ಮಾಡಿದ್ದೀನಿ. ತುಂಬಾ ಒಳ್ಳೆಯ ಟೈಟಲ್ ಸಿಕ್ಕಿದೆ. ಪ್ರೇಮಂ ಪೂಜ್ಯಮ್ ಅಂತ. ಇವೆಲ್ಲವೂ ಒಟ್ಟಿಗೆ ಕೂಡಿಬಂದಿರುವುದು ತುಂಬಾ ಸ್ಪೆಷಲ್ ಎನ್ನಿಸಿದೆ. ನಿನ್ನೆಯೇ ಚಿತ್ರತಂಡದ ಜತೆ ಯುಗಾದಿ ಸೆಲೆಬ್ರೇಟ್ ಮಾಡಿ, ಸ್ಕ್ರಿಪ್ಟ್ ಚರ್ಚೆ ಮಾಡಿದೆ. ಇಂದು ಕುಟುಂಬದವರೊಂದಿಗೆ ಪುದುಚೆರಿಗೆ ಹೋಗುತ್ತಿದ್ದೇನೆ. ಅಲ್ಲಿ ನಾವೆಲ್ಲರೂ ಯುಗಾದಿ ಆಚರಿಸುತ್ತಿದ್ದೇವೆ' ಎನ್ನುತ್ತಾರೆ ಅವರು.
ಬೇವು ತಿನ್ನೋದು ಕಷ್ಟ ಎನ್ನುವ ನಿಶ್ವಿಕಾ
ಅಮ್ಮಾ ಐ ಲವ್ ಯೂ ಚಿತ್ರದ ಮೂಲಕ ಹೆಸರಾದ ನಟಿ ನಿಶ್ವಿಕಾ ನಾಯ್ಡು, ಈಗ ಶೂಟಿಂಗ್ನಲ್ಲಿ ಬಿಝಿ. ಪಡ್ಡೆ ಹುಲಿ ರಿಲೀಸ್ ದಿನ ಹತ್ತಿರ ಬರುತ್ತಿರುವುದು ಯುಗಾದಿ ಸಂಭ್ರಮ ಹೆಚ್ಚಿಸಿದೆ ಎಂದಿದ್ದಾರೆ ಅವರು. 'ಶೂಟಿಂಗ್ನಲ್ಲಿ ಫುಲ್ ಬಿಝಿಯಾಗಿದ್ದೇನೆ. ಆದರೂ ಹಬ್ಬ ಮಿಸ್ ಮಾಡೋಲ್ಲ. ಎಲ್ಲರಂತೆ ಮನೆಯಲ್ಲಿ ಹಬ್ಬದೂಟ, ಬೇವು ಬೆಲ್ಲ ಮಾಡ್ತೀವಿ. ಚಿಕ್ಕವರಿದ್ದಾಗ ಬೇವು ಬೆಲ್ಲ ತಿನ್ನೋದೇ ಕಷ್ಟ ಪಡ್ತಿದ್ದೆ. ಕೈತುಂಬಾ ಬೆಲ್ಲ ತಗೊಂಡು ಒಂದೇ ಒಂದು ಬೇವಿನ ಎಲೆ ಇಟ್ಟುಕೊಂಡು ತಿನ್ನುತ್ತಿದ್ದೆ. ಚಿಕ್ಕವರಿದ್ದಾಗಿನ ಹಬ್ಬಗಳ ಅನುಭವ ಮರೆಯೋಕೆ ಆಗೋಲ್ಲ. ಆ ಮಜಾ ಈಗ ಇಲ್ಲ ಅನ್ಸುತ್ತೆ. ಮನೆಯವರೊಂದಿಗೆ ಹಬ್ಬವನ್ನಂತೂ ಮಾಡ್ತೀವಿ ಎಂದಿದ್ದಾರೆ ನಿಶ್ವಿಕಾ.