ಈಜಿಫ್ತ್ ರಾಣಿ ಲುಕ್ನಲ್ಲಿ ಸಂಜನಾ
ಫ್ಯಾಶನ್ ಲೋಕದಲ್ಲಿ ಸದಾ ಮಿಂಚುವ ನಟಿ ಸಂಜನಾ, ಇದೀಗ ಹೊಸ ಹೊಸ ಲುಕ್ಗಳಿಂದ ಅತ್ತ ಚಿತ್ರರಂಗ ಹಾಗೂ ಇತ್ತ ಫ್ಯಾಶನ್ಲೋಕದ ಹಾಟ್ ಟಾಪಿಕ್ ಆಗಿದ್ದಾರೆ ------- ನಂದಿನಿ ಕೆ...
ಈಜಿಫ್ತ್ ರಾಣಿ ಲುಕ್ನಲ್ಲಿ ಸಂಜನಾ
ಫ್ಯಾಶನ್ ಲೋಕದಲ್ಲಿ ಸದಾ ಮಿಂಚುವ ನಟಿ ಸಂಜನಾ, ಇದೀಗ ಹೊಸ ಹೊಸ ಲುಕ್ಗಳಿಂದ ಅತ್ತ ಚಿತ್ರರಂಗ ಹಾಗೂ ಇತ್ತ ಫ್ಯಾಶನ್ಲೋಕದ ಹಾಟ್ ಟಾಪಿಕ್ ಆಗಿದ್ದಾರೆ.
-------
ನಂದಿನಿ ಕೆ.ಎಲ್
--------
ಕೆಲ ದಿನಗಳ ಹಿಂದೆ ಟಾಮ್ಬಾಯ್ ಲುಕ್ನಲ್ಲಿ ಗಮನಸೆಳೆದಿದ್ದ ನಟಿ ಸಂಜನಾ ಗರ್ಲಾನಿ ಇದೀಗ ಈಜಿಪ್ತ್ ರಾಣಿ ಲುಕ್ನಲ್ಲಿ ಮಿಂಚುತ್ತಿದ್ದಾರೆ. ಹೊಸ ವರ್ಷದಲ್ಲಿ ಹೊಸ ಹೊಸ ಲುಕ್ಗಳಲ್ಲಿ ಕಾಣಿಸಿಕೊಳ್ಳುತ್ತಿರುವ ಅವರು, ತಾವು ನಟಿಸಲಿರುವ ಪಾತ್ರಗಳಿಗೆ ತಕ್ಕಂತೆ ಸ್ಟೈಲ್ ರೂಪಿಸಿಕೊಳ್ಳುತ್ತಿರುವುದಾಗಿ ಹೇಳಿದ್ದಾರೆ.
ಬೆಂಗಳೂರಿನಲ್ಲಿ ನಡೆದ ಫ್ಯಾಶನ್ ಶೋವೊಂದರಲ್ಲಿ ಈಜಿಫ್ತ್ ರಾಣಿ ಅವತಾರದಲ್ಲಿ ಕಾಣಿಸಿಕೊಂಡಿದ್ದು, ಹಿಂದೆ ಆ ದೇಶದ ರಾಣಿಯರು ಧರಿಸುತ್ತಿದ್ದ ಆಭರಣಗಳು ಹಾಗೂ ಅವರ ಕೇಶ ವಿನ್ಯಾಸ, ಅದಕ್ಕೆ ಒಪ್ಪುವ ಕಪ್ಪುಬಣ್ಣದ ವಿಶೇಷ ಗೌನ್ ಸಂಜನಾ ಅವರ ಬೆಡಗನ್ನು ಹೆಚ್ಚಿಸಿದೆ. ವಿಶೇಷವೆಂದರೆ ಕೆಲವು ಆ್ಯಕ್ಸಸರಿಗಳನ್ನು ಈಜಿಫ್ತ್ನಿಂದಲೇ ಡಿಸೈನ್ ಮಾಡಿಸಿ ತರಿಸಲಾಗಿದೆ ಎಂದು ಸ್ವತಃ ಸಂಜನಾ ತಿಳಿಸಿದ್ದಾರೆ.
ಸಾಮಾಜಿಕ ಜಾಲತಾಣಗಳಲ್ಲಿ ಅಪ್ಲೋಡ್ ಮಾಡಿರುವ ಈ ಫೋಟೋಗಳಿಗೆ ಸಿಕ್ಕಾಪಟ್ಟೆ ಪ್ರತಿಕ್ರಿಯೆ ಸಿಕ್ಕಿದೆ. ಈ ಬಗ್ಗೆ ಸಂಜನಾ ಹೇಳಿದ್ದಿಷ್ಟು. 'ನನಗೆ ವೈವಿಧ್ಯಮಯ ಸಂಸ್ಕೃತಿಗಳು ಇಷ್ಟ. ಒಂದೊಂದು ಬಗೆಯ ವೇಷಭೂಷಣವೂ ಒಂದೊಂದು ರೀತಿಯ ಕಥೆಯನ್ನು ಹೇಳುತ್ತವೆ. ಮೊದಲ ಬಾರಿಗೆ ಈಜಿಫ್ತ್ ರಾಣಿಯಾಗಿ ತುಂಬಾ ಥ್ರಿಲ್ ಅನಿಸಿತು. ಎಲ್ಲರೂ ನನ್ನೊಟ್ಟಿಗೆ ಸೆಲ್ಫಿ ತೆಗೆದುಕೊಂಡು ಹೋಗುತ್ತಿದ್ದರು. ನಾನು ಈ ಡ್ರೆಸ್ ಅನ್ನು ತುಂಬಾ ಎಂಜಾಯ್ ಮಾಡಿದೆ ಎಂದಿದ್ದಾರೆ ಸಂಜನಾ.
----
ನಿಜಕ್ಕೂ ನಾನು ಈಜಿಫ್ತ್ ರಾಣಿ ಡ್ರೆಸ್ನಿಂದ ಥ್ರಿಲ್ ಆಗಿದ್ದೇನೆ. ಹೊಸ ಹೊಸ ಬಗ್ಗೆ ಡಿಸೈನ್ಗಳುಳ್ಳ ಧಿರಿಸುಗಳನ್ನು ಧರಿಸಿ, ಅವುಗಳನ್ನು ಸಿನಿಮಾಗಳಲ್ಲಿಯೂ ಬಳಸಬೇಕು ಎಂಬುದು ನನ್ನ ಉದ್ದೇಶವಾಗಿದೆ.
-ಸಂಜನಾ ಗರ್ಲಾನಿ, ನಟಿ