'ಕುಷ್ಕ' ಸವಿಯಲು ರೆಡಿಯಾದ ಕೆಮಿಸ್ಟ್ರಿ ಆಫ್ ಕರಿಯಪ್ಪ ಸಂಜನಾ

ಕೆಮಿಸ್ಟ್ರಿ ಆಫ್‌ ಕರಿಯಪ್ಪ ತಮ್ಮ ನೈಜ ನಟನೆಯಿಂದ ಗಮನ ಸೆಳೆದಿದ್ದ ಸಂಜನಾ ಈಗ 'ಕುಷ್ಕ' ಎನ್ನುವ ಚಿತ್ರಕ್ಕೆ ಆಯ್ಕೆಯಾಗಿದ್ದಾರೆ. ಇದರ ಜತೆಗೆ ಅವರು ಹನಿಮೂನ್‌ ಎಂಬ ವೆಬ್‌ ಸೀರಿಸ್‌, ಅಜಯ್‌ರಾವ್‌ ಜತೆ ಒಂದು ಸಿನಿಮಾದಲ್ಲಿಯೂ ಅವರು ನಟಿಸುತ್ತಿದ್ದಾರೆ.

ಹೀಗೊಂದು ದಿನ ಸಿನಿಮಾವನ್ನು ನಿರ್ದೇಶನ ಮಾಡಿದ್ದ ವಿಕ್ರಮ್‌ ಯೋಗನಂದ್‌ 'ಕುಷ್ಕ' ಚಿತ್ರಕ್ಕೆ ಆಕ್ಷನ್‌ ಕಟ್‌ ಹೇಳುತ್ತಿದ್ದಾರೆ. ಈ ಸಿನಿಮಾದಲ್ಲಿ ಸಂಜನಾಗೆ ಲಕ್ಷ್ಮೇ ಬಾರಮ್ಮ ಖ್ಯಾತಿಯ ಚಂದುಗೌಡ ಕಾಣಿಸಿಕೊಳ್ಳುತ್ತಿದ್ದಾರೆ.

'ನಾನು ಕುಷ್ಕ ಚಿತ್ರದಲ್ಲಿ ಶ್ರೀಮಂತ ಹುಡುಗಿಯಾಗಿದ್ದೇನೆ. ಇದು ಕಾಮಿಡಿ ಥ್ರಿಲ್ಲರ್‌ ಸಬ್ಜೆಕ್ಟ್ ಆಗಿರುವುದರಿಂದ, ಜನ ಪ್ರತಿ ದೃಶ್ಯವನ್ನು ಎಂಜಾಯ್‌ ಮಾಡುತ್ತಾರೆ. ಇದರ ಜತೆಯಲ್ಲಿ ಅಜಯ್‌ ರಾವ್‌ ಜತೆಗಿನ ಚಿತ್ರ ಮತ್ತು ಹನಿಮೂನ್‌ ವೆಬ್‌ ಸೀರಿಸ್‌ನಲ್ಲಿಯೂ ವಿಶಿಷ್ಟ ಪಾತ್ರಗಳಲ್ಲಿ ನಟಿಸುತ್ತಿದ್ದೇನೆ. ನಾಗಭೂಷಣ್‌ ಜತೆಗಿನ ಹನಿಮೂನ್‌ ವೆಬ್‌ ಸೀರಿಸ್‌ ಪಾತ್ರ ಬಹಳ ಚೆನ್ನಾಗಿದ್ದು, ಅದನ್ನು ನೋಡಿಯೂ ಜನ ಎಂಜಾಯ್‌ ಮಾಡುತ್ತಾರೆ ಎನ್ನುತ್ತಾರೆ ನಟಿ ಸಂಜನಾ ಆನಂದ್‌. ಒಟ್ಟಿನಲ್ಲಿ ಬಿಡುಗಡೆಯಾಗಿದ್ದು, ಒಂದೇ ಚಿತ್ರವಾದರೂ ಸಂಜನಾಗೆ ಉತ್ತಮ ಕಥೆಗಳು ಹುಡುಕಿಕೊಂಡು ಬರುತ್ತಿವೆಯಂತೆ.

ಕುಷ್ಕ , ಹನಿಮೂನ್‌, ಅಜಯ್‌ರಾವ್‌ ಚಿತ್ರ ಹೀಗೆ ಪ್ರತಿ ಚಿತ್ರಗಳಲ್ಲಿಯೂ ನಾನು ಬೇರೆ ಬೇರೆ ರೀತಿಯ ಪಾತ್ರಗಳಲ್ಲಿ ನಟಿಸಿದ್ದೇನೆ.

-ಸಂಜನಾ ಆನಂದ್‌, ನಟಿ