ಶಾಸಕ ಹ್ಯಾರಿಸ್‌ ಪರವಾಗಿ ಸ್ಯಾಂಡಲ್‌ವುಡ್‌ ನಟಿ ಟ್ವೀಟ್‌

ಕಳೆದ ಕೆಲವು ದಿನಗಳಿಂದ ಶಾಂತಿನಗರ ಕ್ಷೇತ್ರದ ಶಾಸಕ ಎನ್‌.ಎ. ಹ್ಯಾರಿಸ್‌ ಪುತ್ರ ಮೊಹಮ್ಮದ್‌ ನಲಪಾಡ್‌ ಪುತ್ರನ ಗೂಂಡಾಗಿರಿಯ ಬಗ್ಗೆ ಸಾಕಷ್ಟು ವರದಿಗಳು ಬರುತ್ತಲೇ ಇವೆ. ಹ್ಯಾರಿಸ್‌ ಹಾಗೂ ಪುತ್ರನ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಬಹುತೇಕ ವಿರೋಧ ಸುದ್ದಿಗಳೇ ಪ್ರಕಟವಾಗಿವೆ. ಆದರೆ ಈಗ ಸ್ಯಾಂಡಲ್‌ವುಡ್‌ ನಟಿಯೊಬ್ಬರು ಈಗ ಹ್ಯಾರಿಸ್ ಪರವಾಗಿ ಟ್ವೀಟ್‌ ಮಾಡಿದ್ದಾರೆ.

ಗಂಡ ಹೆಂಡತಿ ಚಿತ್ರದ ಖ್ಯಾತಿಯ ಸಂಜನಾ ಈಗ ಶಾಂತಿನಗರ ಶಾಸಕರ ಪರವಾಗಿ ಟ್ವೀಟಿಸಿದ್ದಾರೆ.

ಮಗ ಮಾಡಿದ ಕೃತ್ಯದಿಂದ ಸಾರ್ವಜನಿಕವಾಗಿ ತಲೆ ತಗ್ಗಿಸಬೇಕಾಗಿ ಬಂದ ಕಾಂಗ್ರೆಸ್ ಶಾಸಕ ಹ್ಯಾರಿಸ್ ಪರ ಸ್ಯಾಂಡಲ್‌ವುಡ್‌ ನಟಿ ಸಂಜನಾ ಗರ್ಲಾನಿ ಟ್ವೀಟ್‌ ಮಾಡಿದ್ದಾರೆ.





ಒಬ್ಬ ಉತ್ತಮ ನಾಯಕ ಅವರದ್ದೇನೂ ತಪ್ಪಿಲ್ಲದೆ ಮಗ ಮಾಡಿರುವ ತಪ್ಪಿಗೆ ಬೆಲೆ ತೆರಬೇಕಾಗಿ ಬಂದಿರುವುದಕ್ಕೆ ಅನುಕಂಪವಿದೆ ಎಂದು ಟ್ವೀಟ್‌ ಮಾಡಿದ್ದಾರೆ. ಎರಡು ದಶಕಗಳಿಂದ ಉತ್ತಮ ಶಾಸಕರಾಗಿರುವ ಹ್ಯಾರಿಸ್‌ ಅವರಿಗೆ ಹೀಗಾಗಬಾರದಿತ್ತು ಎಂದು ಹ್ಯಾರಿಸ್ ಮೇಲೆ ಅನುಕಂಪ ತೋರಿದ್ದಾರೆ.

ಕಾಂಗ್ರೆಸ್‌ ಶಾಸಕ ಹ್ಯಾರಿಸ್‌ ಅವರ ಮಗ ಮೊಹಮದ್‌ ನಲಪಾಡ್‌ ಯುಬಿ ಸಿಟಿಯ ಫರ್ಜಿ ಬಾರ್‌ನಲ್ಲಿ ಸಂಗಡಿಗರೊಂದಿಗೆ ಕೂಡಿ ವಿದ್ವತ್‌ ಎಂಬವರ ಮೇಲೆ ಮಾರಾಣಾಂತಿಕ ಹಲ್ಲೆ ಮಾಡಿ ಇದೀಗ ಪೊಲೀಸ್‌ ಅತಿಥಿಯಾಗಿದ್ದಾರೆ.