ಕೆಜಿಎಫ್‌ 2ಗೆ ಎಂಟ್ರಿ ಕೊಟ್ಟ ತಮಿಳು ನಟ ಸರಣ್ ಶಕ್ತಿ

ಪದ್ಮಾ ಶಿವಮೊಗ್ಗ

ಯಶ್‌ ನಟನೆಯ ಕೆಜಿಎಫ್‌ 2 ಚಿತ್ರಕ್ಕೆ ತಮಿಳು ನಟ ಸರಣ್‌ ಶಕ್ತಿ ಎಂಟ್ರಿ ಕೊಟ್ಟಿದ್ದಾರೆ. ಸರಣ್‌ ಖುಷಿಯಿಂದ ಟ್ವೀಟ್‌ ಮಾಡಿ ವಿಷಯ ಬಹಿರಂಗಪಡಿಸಿದ್ದಾರೆ. ಚಿತ್ರದಲ್ಲಿ ಯಶ್‌ ನಟಿಸುತ್ತಿರುವ ರಾಕಿ ಪಾತ್ರದ ಹದಿಹರೆಯದ ರೋಲ್‌ನಲ್ಲಿಅವರು ನಟಿಸಲಿದ್ದಾರೆ ಎನ್ನಲಾಗುತ್ತಿದೆ.

ಪ್ರಶಾಂತ್‌ ನೀಲ್‌ ನಿರ್ದೇಶನದ ಕೆಜಿಎಫ್‌ 2 ಚಿತ್ರದ ಶೂಟಿಂಗ್‌ ಭರದಿಂದ ಸಾಗಿದೆ. ಈಗಾಗಲೇ ಬಾಲಿವುಡ್‌ ನಟ ಸಂಜಯ್‌ ದತ್‌ ಫಸ್ಟ್‌ ಲುಕ್‌ ರಿವೀಲ್‌ ಆಗಿದೆ. ಇದರ ಬೆನ್ನಲ್ಲೇ ತಮಿಳಿನ ಜನಪ್ರಿಯ ನಟ ಸರಣ್‌ ಕೆಜಿಎಫ್‌ 2 ಚಿತ್ರದಲ್ಲಿನಟಿಸಲಿರುವ ಸುದ್ದಿ ಬಂದಿದೆ. ರಾಕಿ ಬಾಯ್‌ ಹದಿಹರೆಯದ ಕತೆಯೂ ಚಿತ್ರದಲ್ಲಿಇರಲಿದ್ದು, ಈ ಪಾತ್ರದಲ್ಲಿಸರಣ್‌ ನಟಿಸಲಿದ್ದಾರೆ ಎನ್ನಲಾಗಿದೆ.

ವಡಾ ಚೆನ್ನೈ ಮತ್ತು ಸಗಾ ಚಿತ್ರಗಳಲ್ಲಿನಟಿಸಿದ್ದ ಸರಣ್‌ ತನ್ನ ನಟನೆಯಿಂದ ಎಲ್ಲರ ಗಮನ ಸೆಳೆದಿದ್ದಾರೆ. ಈಗ ಕೆಜಿಎಫ್‌ 2 ಚಿತ್ರದಲ್ಲಿನಟಿಸಲಿರುವ ಸುದ್ದಿಯನ್ನು ಎಕ್ಸೈಟ್‌ಮೆಂಟ್‌ನಿಂದ ಸೋಷಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. 'ಎಲ್ಲಾರಾಕಿ ಬಾಯ್‌ ಅಭಿಮಾನಿಗಳಿಗೆ ಸಲಾಂ. ಸೂಪರ್‌ ಅಮೇಜಿಂಗ್‌ ಟೀಮ್‌ ಮತ್ತು ವಿಶೇಷವಾಗಿ ಸೂಪರ್‌ ಕೂಲ್‌ ಫ್ರೆಂಡ್ಲಿಡೈರೆಕ್ಟರ್‌ ಪ್ರಶಾಂತ್‌ ನೀಲ್‌ ಸರ್‌ ಜತೆ ಕೆಜಿಎಫ್‌ 2 ಚಿತ್ರದಲ್ಲಿನಟಿಸುತ್ತಿರುವುದಕ್ಕೆ ತುಂಬಾ ಸಂತೋಷವಾಗ್ತಿದೆ. ನನ್ನನ್ನು ಆಯ್ಕೆ ಮಾಡಿದ್ದಕ್ಕೆ ತುಂಬಾ ತುಂಬಾ ಥ್ಯಾಂಕ್ಸ್‌' ಎಂದು ಟ್ವೀಟ್‌ ಮಾಡಿದ್ದಾರೆ.

ಬಾಲಿವುಡ್‌ ನಟ ಸಂಜಯ್‌ ದತ್‌ ಅಧೀರ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಈಗ ಸರಣ್‌ ಎಂಟ್ರಿ ಮೂಲಕ ಭಾರತದ ಜನಪ್ರಿಯ ನಟರನೇಕರು ನಟಿಸಲಿರುವುದು ಖಾತ್ರಿಯಾಗಿದೆ. ಈಗ ಕೆಜಿಎಫ್‌ನಲ್ಲಿ ಚಿತ್ರೀಕರಣ ಭರದಿಂದ ಸಾಗಿದೆ.