ವಿಲನ್‌ ಆಗೋಗೆ ಜಿದ್ದಿಗೆ ಬಿದ್ದ ಬ್ರದರ್ಸ್‌

ವಿಲನ್‌ ಆಗೋಗೆ ಜಿದ್ದಿಗೆ ಬಿದ್ದ ಬ್ರದರ್ಸ್‌

ಚಿರಂಜೀವಿ ಸರ್ಜಾ ಮತ್ತು ಧ್ರುವ ಸರ್ಜಾ ಈಗ ಚಿತ್ರರಂಗದಲ್ಲಿ ಬಿಝಿಯಾಗಿದ್ದಾರೆ. ಇವರಿಬ್ಬರೂ ಒಟ್ಟಿಗೆ ಸಿನಿಮಾ ಯಾವಾಗ ಮಾಡಬಹದು ಎಂಬ ಕುತೂಹಲ ಎಲ್ಲರಲ್ಲಿದೆ. ಸರ್ಜಾ ಸಹೋದರರು ಕೂಡಾ ಒಟ್ಟಿಗೆ ನಟಿಸಲು ಕಾತುರದಿಂದ ಕಾದಿದ್ದಾರೆ. ಆದರೆ ಇಬ್ಬರಿಗೂ ವಿಲನ್‌ ಆಗುವ ಆಸೆ. ಇದಕ್ಕೆ ಪೈಪೋಟಿಗೆ ಬಿದ್ದಿದ್ದಾರೆ. ಇಂಥದ್ದೊಂದು ಪ್ರಸಂಗ ಮಾಧ್ಯಮದೆದುರು ಇಬ್ಬರೂ ಒಟ್ಟಿಗೆ ಕಾಣಿಸಿಕೊಂಡಾಗ ನಡೆದಿದೆ.

'ಚೆನ್ನಾಗಿರುವ ಸ್ಕ್ರಿಪ್ಟ್‌ ಬಂದರೆ ಒಟ್ಟಿಗೆ ನಟಿಸುತ್ತೇವೆ. ಮೊದಲು ಇಬ್ಬರಿಗೂ ಸ್ಕ್ರಿಪ್ಟ್‌ ಇಷ್ಟವಾಗಬೇಕು' ಎಂದಿದ್ದಾರೆ ಚಿರಂಜೀವಿ. ಹಾಗಾದ್ರೆ ಈ ಚಿತ್ರದಲ್ಲಿ ಯಾರು ವಿಲನ್‌ ಆಗ್ತಾರೆ ಎನ್ನುವ ಮಾಧ್ಯಮದ ಪ್ರಶ್ನೆಗೆ ನಾನು.. ನಾನು ಎಂದು ಇಬ್ಬರೂ ಪೈಪೋಟಿಗೆ ಬಿದ್ದರು. ಕೊನೆಗೆ ಚಿರಂಜೀವಿ ಸರ್ಜಾ ನಾನೇ ವಿಲನ್‌ ಧ್ರುವ ಹೀರೊ ಆಗ್ತಾನೆ ಎಂದು ಮಾತಿಗೆ ಕೊನೆ ಹಾಡಿದರು.