ಸತೀಶ್‌ಗೆ ಜೋಡಿಯಾದ ಶರ್ಮಿಳಾ ಮಾಂಡ್ರೆ

ಪರಿಮಳ ಲಾಡ್ಜ್‌ ಸಿನಿಮಾದ ಟೀಸರ್‌ ಮೂಲಕ ಸಿಕ್ಕಾಪಟ್ಟೆ ಸದ್ದು ಮಾಡಿದ ನೀನಾಸಂ ಸತೀಶ್‌ ಮತ್ತೊಂದು ಸಿನಿಮಾ ಒಪ್ಪಿಕೊಂಡಿದ್ದು ಅದಕ್ಕೆ ಶರ್ಮಿಳಾ ಮಾಂಡ್ರೆ ನಾಯಕಿಯಾಗಿದ್ದಾರೆ.

ಲವಲವಿಕೆಗೆ ಸಿಕ್ಕಿರುವ ಮಾಹಿತಿಯ ಪ್ರಕಾರ ಇದನ್ನು ನೀನಾಸಂ ಸತೀಶ್‌ ಮತ್ತು ಶರ್ಮಿಳಾ ಮಾಂಡ್ರೆ ಕಾಂಬಿನೇಶನ್‌ನ ಸಿನಿಮಾವನ್ನು ಅರವಿಂದ್‌ ಶಾಸ್ತ್ರಿ ಎಂಬುವವರು ನಿರ್ದೇಸನ ಮಾಡುತ್ತಿದ್ದಾರೆ. ಅರವಿಂದ ಶಾಸ್ತ್ರಿ ಈ ಹಿಂದೆ ಕಹಿ ಎಂಬ ಸಿನಿಮಾ ಮೂಲಕ ಗಮನ ಸೆಳೆದಿದ್ದರು.

ಈ ಸಿನಿಮಾವನ್ನು ಮಾಂಡ್ರೆ ಬ್ಯಾನರ್‌ನಿಂದ ನಿರ್ಮಾಣ ಮಾಡಲಾಗುತ್ತದೆಯಂತೆ. ಇನ್ನು ಇದೊಂದು ಮರ್ಡರ್‌ ಮಿಸ್ಟರಿ ಕಥೆಯಾಗಿದ್ದು, ಅರ್ಧ ಕರ್ನಾಟಕದ ಮಂಗಳೂರು, ಕಾರವಾರ ಇನ್ನರ್ಧ ಇಂಗ್ಲೇಂಡ್‌ನಲ್ಲಿನಡೆಯಲಿದೆ. ಅಕ್ಟೋಬರ್‌ ತಿಂಗಳಿನಲ್ಲಿಚಿತ್ರೀಕರಣ ಆರಂಭವಾಗುವ ಸೂಚನೆ ಇದೆ.

ಈ ಬಗ್ಗೆ ನೀನಾಸಂ ಸತೀಶ್‌ ಅವರನ್ನು ಕೇಳಿದರೆ 'ಈ ಪ್ರಾಜೆಕ್ಟ್ ಬಗ್ಗೆ ಈಗಲೇ ಸದ್ಯಕ್ಕೆ ಏನನ್ನು ಹೇಳುವುದಿಲ್ಲ'ಎಂದಿದ್ದಾರೆ. ಆದರೆ ಈ ಸಿನಿಮಾ ಆಗುವುದು ಪಕ್ಕಾ ಎನ್ನುತ್ತಿದೆ ಸತೀಶ್‌ ಅವರ ಆಪ್ತ ಬಳಗ.

ಒಟ್ಟಿನಲ್ಲಿಅಯೋಗ್ಯ ಸಿನಿಮಾದ ನಂತರ ಸತೀಶ್‌ ಅವರಿಗೆ ಸೆನ್ಸಿಬಲ್‌ ಸಿನಿಮಾಗಳು ಹುಡುಕಿಕೊಂಡು ಬರುತ್ತಿದ್ದು, ಅವುಗಳಲ್ಲಿಇದು ಒಂದಾಗಿದೆ. ಸತೀಶ್‌ ಸದ್ಯ ಬ್ರಹ್ಮಚಾರಿ, ಗೋದ್ರಾ, ಪರಿಮಳ ಲಾಡ್ಜ್‌ ಸಿನಿಮಾಗಳಲ್ಲಿಬಿಝಿ ಇದ್ದಾರೆ.